مكاو عينه اليسار متورمة

[الشفق الأحمر]

السلام عليكم ، أسعد الله أوقاتكم أخواني وأخواتي.
أحزني اليوم منظر مكاو وأنا الصبح أجيبه من القفص ( فوق السطح ) طبعاً القفص في مكان ظلال زي السقف فوق القفص ، ماطول عليكم ألا أتفاجئ أن عين مكاو الي على اليسار متورمة شوي لكن الحمدلله يقدر يفتحها ويشوف منها ، وهذا فيديو توضيحي فرق بين عينه اليمين وعينه اليسار .


الرابط

وفي نفس الوقت مضحك لأن الي يشوفه من صوب عينه اليسار يقول أن مكاو شراني ويبغي يتهاوش ، ومن صوب عينه اليمين تظهر لك البراءه ههههه .
لكن بشكل عام وأكله وشربه وحركته طبيعية ، وهذا الي مطمني عليه الحمدلله .
وإن شاء الله يطيب الورم ومايكون ضار عليه .

[ashlee]

الله يشفيه يارب

[اذكروا الله]

الله يشفيــه ويحفظــه
(((
والله مــدري
)))
ان شاء الله يفيدووووكِ

[subzeroman]

بالشفاء ان شاء الله , خوده لطبيب ما تسكت علي الحاله

[AMOORO]

لا تهمله والله يشفيه إنشاء الله

[هاي توز و]

هلا باخوي انصحك تاخذة للبيطري لاني اعرفة واحد صارلة زي حالتكـ..

بس نصيحة لانك لوتركتة راح تورم ..وفية عندالبيطري مرهم لعيون
والله يشفية

بس اهم شي ماتتركة






.

[كاسكـــو]

الافضل تعرضه على طبيب

انا اتوقع والله اعلم انها التهاب من غبار او هواء ملوث بما انه كان في السطح

[الشفق الأحمر]

جزاكم الله خير ياشباب على تعاطفكم مع بغبغائي مكاو ، ونصائحكم بأن أوديه للبيطري ، وإن شاء الله مايصيب طيوركم شر ومكروه ويكنون على أتم صحة وحال .

أنا توني مصور مقطع فيديو له والحمدلله عينه تحسنت بكثر عن الصباح ، وإن تكرر الوضع معاه راح أوديه البيطري .

وهذا مقطع فيديو يوضح تحسن عينه اليسار


الرابط

[الكناري المغرد]

دهنهاا فقس


آمزح لاكن اناا نفس كلام اخووي محمد

يمكن التهاب بسبب غبار ولا شي

بس امسحهاا بـ ( فلاش )

لالاجد امسحهاا بـ مويه يعني عشان تنضف

وما شاء الله طير جميل الله يشفيه

[بندولة حب]

ربي يشافيه ويعافيه يارب والافضل تعرضه على دكتور شاطر لان امراض العيون تبتدي باالتدريج

مع ان المكاو ماشاء الله مناعته قويه بس مايمنع ذالك