بعض النصائح في حالة سوء حالة القطة من تجربة شخصية

[asom otb]

السلام عليكم ورحمة الله وبركاته

اتمنى الموضوع ياخذ بشكل جدي وللأهمية ولاني اهتم كثير لهذا المنتدى فحيبت اشاركم بعض النصايح يمكن تفيدكم

كثير ما اشاهد ان القطط اول ما تجي بيئة جديدة عليها مثلا تم شراؤها من محل او اخذها من مكانها المعتاد انها تمرض والامراض الشائعة لها هي الاستفراغ والاسهال في البداية

وسابقا كان عندي قط صغير جدا واشتريته من محل واول ثلاث ايام عندي في البيت كان طبيعي فجأة ما تكيف مع وضع البيت وبدأ يستفرغ وعنده اسهال الله يكرمكم

دخلت في كل منتديات خاصة بالقطط وكل شخص في منتدى من طيب خاطره يعطيني دواء لايقاف الاستفراغ
وانا من الهلع والخوف في ذيك الوقت اجيب له كل دواء شخص ينصحني فيه وفي الاخير وديته عند بيطريين طبعا ضربوه كم ابره من غير ما يكشفون اش سبب هالمرض

ملخص هالحكاية في النهاية القطو مات !!

النصيحة اللي ابغا انصحكم في هالجزئية

ان الحيوانات تمرض مثل الانسان يعني لازم تشخيص الحالة قبل اعطاء اي دواء لان كل مرض يختلف عن الثاني

ولما جبت قط ثاني صار فيه نفس الحكاية من استفراغ واسهال بس هالمره قلت لنفسي اعطي الخبز للخبازين يعني اوديه لبيطريين متخصصين في هالمجال ومالقيت احسن من الاسيوين والاجانب في حبهم للحيوانات ببساطة قالوا لي علاجه اني ما اكله لمدة معينة فقط شرب الماء من غير ادوية ولا ضرب بالحقن ! والحمدالله القط اجتاز هالمرحلة وصحته صارت كويسة

وهذا الموضوع جزء من تجاربي اذا اعجبكم راح اكمل واذا لقيته انحذف فإني عملت اللي علي واتمنى اخذ الموضوع بجدية عشان هالحيوانات البريئة قاعدين نعمل فيها تجارب واحنا مو حاسين وهي تحس وتتوجع مثلنا او اكثر لانها تتألم ولا تقدر تتكلم

[حارس الغابة]

[COLOR="rgb(105, 105, 105)"]نصيحه رائع ولاذم كل واحد

يربي يأخذ بهذه النصيحة يجب أنلا نعطي القط دواء إلا بتشخيص صحيح وإلا سيكون هناك نتائج عكسية


يعطيك ألف عافيه[/COLOR]

[فاتـــو]

كلامك صح اختي
واكيد انتي تعلمتي درس ان الواحد لازم يكون على درايه كامله بتربيه الحيوان والرعايه الصحيه
علشان اذا حصل شي مايقع هالحيوان ضحيه الاطباء البيطريين
اتمنى الجميع يستفيدون من تجربتك وتكون تحذير من الاطباء الغير متمرسين
اشكرك اختي العزيزه على المبادره الطيبه
تقبلي مروري