بعد معاناة مع المرض وطرق فاشله للعلاج دامت 7 ايام

[عبدالله000]

السلام عليكم

قبل كل شي احب اشكر كل من ساعدني في معالجة ببغائي فتو

وانا مؤمن بقضاء الله وقدره
بعد معاناة مع المرض وطرق فاشله للعلاج دامت 7 ايام

اليوم وبدون سابق انذار تطورت حالة الاسهال و سطق ببغاء في القفص مشلول الارجل وبشكل فضيع

ذهبت به لأكبر بيطري في الرياض وخبره جميع العاملين فيها اجانب

عطاه ابره فيتامين في الرجل اليمني والاخرى اعطاه باي تريل 5%

بعدها صارت ارجل الببغاء مثل الخشب قااااسيه ومرفوعه لأعلى ولا تقدر تنزلها وكان يرفض الاكل
ويخرج السيريلاك من فمه

بعد الابره بـ 3 ساعات لم استطيع ان ارى ببغائي يحتضر امامي وانا لا اقدر ان افعل له شي ولا املك الخبره الكافيه لكي اتصرف معاه والله العالم انه كان خلاص بيموت

رحت فيه لسوق الحمام اللي بالرياض وعرضته على الباعه مجاني

قلت اللي بيقدر يتكفل بعلاجه ياخذه له ان كتب الله له حياة الله يرزقكم فيه وان مات كان يومه

جا واحد وقال انا اتكفل فيه

هذي صورة الببغاء بعد الابره



كان العلاج له من المستحيلات

قدر الله وما شاء فعل

قدر الله وما شاء فعل

قدر الله وما شاء فعل

[المكاو الأسترالي.]

قــــدرالـــلــــهـ ومـــا شــــاء فـــعل

الله يعوضك فيه خير كان يومه

طيب ارجوك اذا تعرف راعيه أو عندك رقمه أو شي كذا ارجوك تجيب لنا خبر عنه أو صورة أو أي ششي تكفا

[fawzi]

لاحول ولاقوه الابالله العلي العظيم اخوي الله ياجرك انت سويت الي عليك وهذا شيء بيد الله وعلى فكره البغبغاء غيني وصغير في العمر والمرض تمكن منه وبعض الطيور ماتتحمل الابره خصوصا اذا كانت صغيره في العمر والله العالم اذا الله كاتب له الحياه او الموت ولاكن قدر الله وماشاء الله والله يعوضك بالف خير ان شاء الله .قدر الله وماشاء فعل ..

[أبو طيف]

الله يعوضك يالغالي بخير منه
وهذه مشيئة الله
لاحول ولاقوة الا بالله

[يوفاوي الكويت]

قدر الله وما شاء فعل

بس بصراحه اصحاب المحلات يتحملون المسؤليه

والثروه الحيوانه شلون تسمح بطيور تدخل

وهي مريضه وحامله للمرض بدون فحص بدون اي شي

ما نقول الا حسبي الله ونعم الوكيل بالي كان السبب

[سومار]

مثلي بس اعطاه مضادات حيويه وفيتامينات ابر وتحسن بسيط ولا ياكل كنت لازم اغره غصب عنه

[سعود حائل]

قدر الله وماشاء فعل
معوض خير اخوي .

[ابو محمــد]

قدر الله وماشاء فعل والعلاج فية نسبة ضئيلة جداً

الحمد لله ع كل حال انت سويت اللي عليك واكثر واعتقد ان الطائر لن يستمر طويلاً

وهذا المرض فتاك وما يرحم خاصة اذا كان تحت ٩ شهور والله يعوضك اخوي عبداللة

[شاقي]

الله يعوضك احسن منه

انت اخوي عبدالله اجتهد والباقي على الله وهذا شي مكتوب لا مفر منه

وانت رجال باذن الله ما قصرت من ناحيت الطير

[عبدالعزيز العتيبي]

الله يعوضك خير ،،

سبحان الله الفتره هذي كثرت فيها امراض الطيور