بشتري kitten جاوبوني بسرعه

[بينكي]

السلام عليكم

اخواني هذي اول مره اشارك في المنتدى مع اني اتابعه من مده وصراحه استفدت واااااااااايد من مواضيعكم ،،، بقولكم قصتي بسرعه انا اشتريت اول قطوه وكانت اكثر من روعه وبعدين انشغلت وايد عنها والوالده قامت تتملل منها فعطيتها ناس اعرفهم عقب شريت قطوه كبيره وبيضا بس احسها كانت قطوة شوارع يعني مب راقيه مول وصوتها مثل قطاوة الشوارع فكرهتها وعطيتها ناس بعد (صايره اتصدق بالقطاو)

المهم الحيييين قررت اني اشتري قطوه على مزاجي تكون صغيره بس عشان مااواجه المشاكل اللي واجهتني اول شي طعم اكل القطاو مقرف وريحته خاااااااايسه تخيس البيت بكبره رحت اليوم اشتريت (قبل مااشتري القطوه) اشتريت علبه فيها مثل قطع البسكوت من ويسكرز (مش متأكده من الاسم) المهم اعتقد هذا تسمونه دراي فود؟ هل ريحته خايسه بعد وشو اسوي بريحة الاكل المقرفه


ثاني سؤال

انا شفت في الامازون حمامات القطط وايد احسها احلى و زينه للهايجين فهل متوفره عندنا في الخليج؟( انا من الامارات هل متوفره في بوظبي؟)

وطلب من كل واحد منكم بليز

وياريت تحطولي صور قطاوتكم مع نوعها لاني ابا اشوف احسن انواع القطط واشتري منها بس للاسف لما فتحت على الصفحات القديمه من المنتدى الصور ماتظهر يمكن عشان قديمه والمواقع محاها

وتسلموووووووووووووووون ياربي يخليلكم قطاوتكم

[فطوم]

اهلان اختي.....
حياج الله

بخصوص احتياجات القطه:
- حمام للتراب ويكون مثل الطشت يباع في محلات الحيوانات واذا استطعتي الحصول على الحمام المكون من طبيقتين طبقه تشبه ال(مشخال) فهذا افضل واسهل لكي في تنظيف حوض الحمام وانضحك بحوض عميق حتى لا يتناثر التراب في ارجاء المكان ونعم هو موجود في كل دول الخليج وماشالله الامارات عندكم كل شي فيها وفي انواع مختلفه...

- رفش او شبل(هم مثل المشخال) للحوض حتى تستطيعين تنظيفه بسهوله.

- شامبو خاص بالقطط.

- مشط خاص بالقطط.

بالنسبه لي هذه اهم الاختياجات وانشالله الاخوان يساعدونك .

بالنسبه لأنواع القطط يجب ان تذهبي بنفسك للمحلات وتلقي نظره عن كثب حتى تستطيعين اختيار القط المناسب لكي...

انا عن نفسي افضل القطط طويله الشعر ....
كما اني اعتقد ان اقطط قصيره الشعر جميله..
ولااحب قطط الهميلايا والفلات فيس (ويها مفقوص) معنها اغلى القطط ولها جماهير كبيره...

وانشالله تتوفقين في اخيتيار قطك

[قطو_Q8te]

تم النقل
الرجاء التأكد من القسم الصحيح

[قطو_Q8te]

كما ذكرت الاخت فطومـ .
بخصوص رائحة طعام القطط المقرفهـ
هذه الرائحه تنبعث من الاكل المعلب " لحم شبه مطبوخ مع جلي "
لتجنب الروائح انصحج بالدراي فود " نفس بسكوت " مع انه له ريحه بس خفيفهـ وفيه فوايد للقطط كثيرهـ
لكن عيبه الوحيد انه يخلي القط يسمنـ شوي
لكن ليس جميع القطط تفضلهـ ! فاذا كنت محظوظه بالقطه ستتجنبين هذا الرفض
يمكنج الاستغناء عن اكل القطط المعلب واستبداله بغذاء من البيتـ
هناك الكثير من الوجبات التي يمكن تحضيرها وموجود موضوع بهالقسمـ دوريه وبتحصلينهـ
او
من اكلكم مثل : المجابيس - عيش - دياي - لحم - جبن - همبرجر كل هذا يحبونه عطيهم من اكلهم

وبخصوص الكماليات اعتقد متوفر كلشيء بالامارات ماشالله
في عياده بابو ظبي نسيت اسمها كبيره حيلـ فيها محميات اعتقد مناك في والله اعلم

واخر شيء بخصوص القطط
الموجودين بتوقييعي
الاب الي لونه ابيض : شيرازي هجين
الام : سياميه هجينه
وعيالهمـ .

عموما" القطه التي سوف تعجبج ياحبذا تصورينها وتعرضينها ونقولج شنوعها

[الصولجان]

يعطيك العافية اخوي قطو
على الاجابات