لوتي متغيرة اطباعها ليييش..؟

[شقا العمر]

لوتي حبيبتي عمرها 6 شهور تقريبا تركتها فترة عند ناس ورجعتها ولما رجعت كانت عندي قطة جديدة في البداية صارت منافسات بينهم وبعدين صارو اخوات وخلال يومين القطة الجديدة راحت وبقت لوتي عندى... بس لاحظت عليها انه سلوكها متغير 180 درجة صارت تلعب بعنف وتركض كثير وتنط على الاثاث وطووول الوقت وهي تركض وتنط لحد ما تهلك وتتعب وبعدين تروح تناااام واليوم سوت حركة مرررة زعلتني راحت وكانت تبغى تعملها في حوض الزرع مع انه حمامها في مكانة ما تغير اهلي صارو يتضايقون من حركاتها ..والصغار صارو يخافون منها لانها تركض بشكل مفاجى وسريع وتنط على الاثاث ..... ولما اعطيها العابها تجلس تلعب لحالها وقت طويييل الين ما احسها دااااخت....ما ادري هي تبغى تثبت وجودها او تبغى التزاوج او ما ادري وش فيها سااااعدوني صرت حتى انا اتضايق من تصرفاتها لانها تفاجئني وتنط على وتمسك برجولي لو مريت من عندها

[دلوعةقطوتي]

اتوقع لعب مو تزاوج لانه لو تزاوج كانت بس تتسدح وتنونو وماتاكل وتتمسح فيك وبالاثاث يمكن فاقده القطوه اللي راحت وتعوض باللعب

[شقا العمر]

ما ادري بس احس لعبها عنيف بالمرة وحركتها سريعة وتنقز فوق الجلسات والكنب ........ هل هذا طبيعي
مع انها ما كانت تلعب كذا كان لعبها طبيعي وهل ممكن تطلب التزاوج بهالعمر او لا

[Octopus]

اضني انها بلغت و تطلب التزاوج لان معروف ان القطط البرومية و البلدية نفسها المحلية و السيامية البلوغ عندها يكون 5شهور واما القطط ذات الشعر الطويل مثل الشيرازي و التركي الانغورا و الفان التركي وغيرها فيكون بلغوها بين 10 شهور واكثر
وفي حالات اخرى لم تذكرها اختي دلوعة قطوتي للطلب التزاوج مثل التبول خارج حمامها
و تلاحظين عليها تغير في حلالتها مثل حالة قطتك

[دلوعةقطوتي]

ايه ممكن تطلب تزاوج بهالعمر على حسب النوع بعضها تبلغ بدري وبعضها لا
طيب المسي ظهرها اذا لمستيها تاخذ وضعية التزاوج ولا لا؟ويبين لك اذا طالبه اولا

[شقا العمر]

نوعيتها امريكية شورت هير .... معليش انا اول مرة اربي قط ... ماني عارفة كيف اعرف اذا هي طالبة تزاوج او لا واذا هي فعلا طالبة التزاوج وما زوجتها يصير لها شي ..؟ ايش اسوي لها عشان تنسى موضوع الزواج هذا وتعقل انا ما ابي ازوجها الحين لان اهلي رافضين هالشي ... والله ضاق صدري لما قلتوا لي احتمال انها تكون طالبة زواج

[دلوعةقطوتي]

لاتخافين مايصير لها شي بتزعجك كم يوم وتسكت وتقل شهيتها بعدين ان شاءالله مايصير فيها شي بس انتي لاتطلعينها برى عشان ماتهرب للشارع واهتمي بالاكل ولعبيها
استني عليها لما تكمل سنه افضل لهابعدين زوجيها