سبب شراهه القطط للاكل ؟؟؟؟

[e111e]

اخواني انا لي فتره ادور لي قطه تبني المهم اني لقيت لي قطه نوعها تركي ومره لطيفه وحليوه

بس المشكله الي فيها انها شرهه للاكل بشكل غير طبيعي من جد غير طبيعي لدرجه انها ماتعطي فرصه لقطي ياكل معها

في البدايه صاروا يتهاوشون الين رخى الي عندي صار زلابه اذا بدا ياكل وقربت من عنده وخر عن الاكل وهو يناظر تحت هههههههههههه ترحمه مغلوب على امره مع انه اكبر منها بس مافي قلب


المهم وش تتقعون شراهه الاكل من وش بضبط ومشكورين

[mubarak]

والله ونا اخوك امرك غريب يمكن ان القطو مابلغ الى الحين او ان فيه دود ونت ماتدري عنه على العموم حطله اكل واجد خله لما يشبع وبعد نص ساعه جرب حطله اكل واجد وشوف اذا كان ياكل واجد نفس اللشيء يمكن فيه دود وده خلهم يفحصونه

او ان راعيه الاول كان مايعطيه اكل واجد (بخيل) هع

[pinky]

أوك خيووو .. شويه اسئله بس عشان أعررف سبب شرآهته ..

أول حآجه . . هي بنت ولا ولد ؟ واذا بنت حآمل ولا لا ؟ وبأي أسبوع

ثاني حآجه . . كم وجبه تعطيه باليوم وكم عمره ؟
ثالث حآجه معاه ديدآن هو ؟ روح عطييه جرعه ديدآن أحتيآط وبالتوفييق (:

[e111e]

والله اخوي مبارك هو شكلها باقيه صغيره ويمكن عندها دود مدري يمكن وانا والله لقيتها بشارع لحقتني بس واضح انها كانت عند ناس لانها اليفه وغير كذا نظيفه


اختي بنكي

هي بنت واذا حامل مدري ماتوقع لانها صغيره مع اني حاطهم مع بعض في قفص غصب يتزاوجون (:

وبنسبه للوجبات اعطيهم مرتين بس حاجه حلوه

[همستراوي جديد]

والله أنا أتوقع سبب نفسي أكثر لانهم أثنين ويأكلون بصحن واحد >>>غيرة أكيد


لكن نظم أكلها بثلاث وجبات وفيرة باليوم فقط وهي راح تتكيف علىها وتغير حتى حركتها عشان توفر طاقتها

وخصص صحن لقطك وللقطة اللي متبنيها منفردة كل واحد لحال عشان ما يتهاوشون

وخل كل واحد يأكل بجهة

والله الموفق ,,,

[pinky]

ايييييييييوآ مثل مآ قاااال خيوو همستروووآي

[OUT]

حسب القطط

تحصل بعضها تحب الأكل

وبعضها عادي ياكل قد مايحتاج

انا جربت الأثنين ممكن هذا طبعها تحب تاكل كثير

وطبعا لو قطتك حامل اكيد بتاكل كثير

[آنـــــو]

المشاركة الأصلية كتبت بواسطة OUT

حسب القطط

تحصل بعضها تحب الأكل

وبعضها عادي ياكل قد مايحتاج

انا جربت الأثنين ممكن هذا طبعها تحب تاكل كثير

وطبعا لو قطتك حامل اكيد بتاكل كثير

بالضبط

لو ماكانت حامل آو مصابه بديدان

فـ هو مجرد طبع ,,بعض القطط تجيك مفجوعه وشهيتها كبيره وسريعه بالأكل

وربيت منهم والبعض العكس ماياكل كثير آو بطيء ومزاجي بالأكل ..

وبعضهم مايحب ياكل بأزعاج آو آحد واقف عند راسه يتضايق ويترك صحنه وهذا الطبع بـ قطوي

ووحده ماتاكل الا لما آوديها بعيد ومقابل الجدار .. مثل ماللبشر آطباع ومزاج برضو القطط نفس الشي

عل كُل .. وقت الوجبات طبعاً آعزلهم عن بعض وكل واحد ياكل وجبته ,, ولابقى شي من صحن قطوك بعد ماينتهي

من الأكل أعطيها الآنثى تكمل عليه .. كذا آنا آسوي آعزل اللي يحتاج عزل ..

وبالتوفيق

::

[e111e]

علم ماقصرتوا