والحل مع اليلوناب؟؟؟

["بوقاسم"]

بسم الله الرحمن الرحيم

السلام عليكم ورحمة الله وبركاته

بدخل في الموضوع على طول

عندي يلوناب عمره 6 شهور ونص تقريبا اليف جدا وامسح على راسه وجسمه ويطلع على اليد ولعووب
عندي اياه من 3 شهور من يوم ما كان ينغر سرلاك والحين انفطم والحمد لله ..
تعلم كلمة "هلو" ويقولها بوضوح .. والسلام عليكم يقولها مب واضحة بس يا رب مع الأيام تتعدل

جناحه كامل ويجيني طيران ويثبت على اليد ويطلع على الكتف وطول الوقت رايح جاي ما شاء الله
وصاير دلوع البيت ومسوي فيها شيخ الطيور الباقية عشانه يطير هههههه

بس عندي مشكلتين:

الأولى: لعوزني .. ما يثبت على الستاند حتى 5 دقايق .. ونتف الكراسي ووايرات الكهربا والكنب ويلعوز الطيور الثانية
الثانية: على المزاج .. يعض بس عضات غير مدمية لكن مؤذية شوي وأقدر استحملها مع اني حاط له ألعاب في القفص والستاند

هل حان الوقت اني اقلقصه (اقص جناحه) وتنتهي متعة الطيران؟ ويركد شوي
مع انها ميزة حلوة ومتعة للمربي .. والا عندكم حل؟؟ ساعدوني جزاكم الله خير

وفي شي ما قلت لكم اياه .. عندي خيزرانه (عصا) يخاف منها .. اذا شافها ما يتحرك هههههه
بس اكيد مع اليام بيتعود عليها

["بوقاسم"]

حد يقدر يساعدني يالربع؟

[بوسلمان]

اخوي انا لاحظت ان الامازونيات طبعها غير عن الكاسكو
ماشاء الله عليها فيها فوضوية ومشاكسه غير طبيعيه

تقريبا من اسبوعين انفجر سوكت الكهربا على وجهه ولله الحمد ماجاه شئ

فاذا طيرك معظم وقته برع القفص انصحك تقص جناحه واذا العكس فخليه


وبالنسبه للعض وهو اليف فعادي هالشي لانه عندي بلوفرونتد وهو يلعب معاي يعض بقصد اللعب ةاحيانا يسحب يدي لحلجه عشان يلعب فصبعي ههههههه

["بوقاسم"]

المشاركة الأصلية كتبت بواسطة بوسلمان

اخوي انا لاحظت ان الامازونيات طبعها غير عن الكاسكو
ماشاء الله عليها فيها فوضوية ومشاكسه غير طبيعيه

تقريبا من اسبوعين انفجر سوكت الكهربا على وجهه ولله الحمد ماجاه شئ

فاذا طيرك معظم وقته برع القفص انصحك تقص جناحه واذا العكس فخليه


وبالنسبه للعض وهو اليف فعادي هالشي لانه عندي بلوفرونتد وهو يلعب معاي يعض بقصد اللعب ةاحيانا يسحب يدي لحلجه عشان يلعب فصبعي ههههههه

هههههه الحمد لله على سلامته .. أنا اللي عندي خرب الواير بس الله سلم الكهربا كانت مفصولة

لا العض يوم يلعب ما يعور .. بس فعلا مرات يبلع صبعي لين ما قريب يستفرغ ههههه
بس انا لاحظت عليه فجأة يهجم من غير سابق انذار بس هجوم ما يعور بس الناس تخاف منه
وانا ابي طريقة تخليه ما يعض أبدا مع اني احاول ما اخوفه ابدا والبيت مافيه عيال .. مافي إلا أنا وزوجتي والخدامة

وأبي طريقة تخليه يثبت على المجثم .. مادري أربطه؟ امزح امزح

[بوسلمان]

والله اعتقد الامزوني صعب يثبت وينثبر عالمجسم دام جناحه كامل ههههههههههههه

وان شاء الله بفيدونك الخبراء ويعطونك حل

[بوسلمان]

اخوي بوقاسم
قاعد احاول ارد عليك عالخاص بخصوص استفسارك لكن ما قاعد يصير
مادري المشكلة من عندي ولا عندك

[Dap]

قص جناحه عادي افضل من تقطيع الوايرات

قصه عند خبير ولا عياده لمبتدأ ممكن يشوه الشكل الجمالي للجناح والافضل ترك اول 3 ريشات

["بوقاسم"]

المشاركة الأصلية كتبت بواسطة بوسلمان

اخوي بوقاسم
قاعد احاول ارد عليك عالخاص بخصوص استفسارك لكن ما قاعد يصير
مادري المشكلة من عندي ولا عندك

اخوي وصلتني 11 رسالة

السالفة انك لازم تختار قبل لا ترسل الرد انك تحفظ نسخه من الرسالة في صندوق الصادر

["بوقاسم"]

المشاركة الأصلية كتبت بواسطة Dap

قص جناحه عادي افضل من تقطيع الوايرات

قصه عند خبير ولا عياده لمبتدأ ممكن يشوه الشكل الجمالي للجناح والافضل ترك اول 3 ريشات

اعرف اقص جناح بس مابي .. مافي طريقة تخلي الطير يركد اكثر؟
ومشكور يالغالي عالرد

[بوسلمان]

في حزام ينباع تلبسه الطير وتربطه عالمجسم جربها عليه وشوف وان شاء الله تتضبط الامور