سمكاتى عيانين

[جرجير طازه]

السلام عليكم و رحمه الله و بركاته
لو سمحتو انا عندى سمك جولد فيش و كوى و كانو كويسين مفيش حاجه و فجاه لاقيت اتنين منهم عندهم نقط بيضاء و وواحده جالها تاكل زعانف و الباقيين عمالين يخبطو نفسهم فى الجرش انا رفعت درجه الحراره ل 28 و حطيت لهم تتراسايكلين لانو كان عندهم قبل كده النقط البيضا و حطيتتهلهم و خفو بس المره دى مش نافع و مش جايب اى نتيجه خالص و حركتهم بدات تبقى بطيئه مش عارفه اعملهم ايه ؟؟؟؟؟؟؟؟؟؟؟؟؟
ياريت مكنش طولت عليكو

[انجل مان]

علاج النقط البيضا ..

تعزل جميع السمكات المصابه بحوض اخر !

ترفع درجه الحراره على 28 - 29 ..

يوضع لهم علاج اسمه ( وايت سبوت ) ويباع لدى محلات الاسماك ! وتضع عدد النقاط من العلاج على حسب كميه اللترات الموجوده لديك !

واهم ما في الموضوع ان الحوض الذي يعالج به السمكات خالي من اي ديكور وكربون !؟ لان الكربون يبطل مفعول العلاج !!!

وكلها يومين الى 3 ايام النقاط تختفي !

[Dr Khaled]

جاوبك الأخ أنجل مشكوراً

[جرجير طازه]

طيب انا حطيت الدواء و شلت الديكورات اللى فى الحوض كلها و رفعت درجه الحراره و بالرغم من كده حالتهم ساءت كتير اوى و دلوقتى لاقيت اتنين من الجولد فيش الاسود عنيهم بقى فيها دم مش عارفه اعمل ايه انا خايفه يموتو منى

[Dr Khaled]

ممكن صورة شاملة للحوض + صور واضحة للسمك
و إذكري لي ما قياس الحوض و ما قوة الفلتر (عفوأ لا أستطيع تذكر مقيايس أحواض المشتركين )

[جرجير طازه]

الحوض 50*70*30
و الفلتر مكتوب عليه hmax 1.2m
qmax650l\h
و الصور مش راضيه تنزل هحاول انزلها لحضرتك

[Dr Khaled]

أولاً حجم الحوض 105 لتر
يعني قوة الفلتر لازم تكون 1000 أو 1100 لتر بالساعة مش 650 لتر بالساعة
الفلتر اضعف من إنو ينظف الحوض
أفرغي الأسماك بحوض مؤقت و تنظيف شامل للحوض مع الإكسسورات و الفلتر كمان
و تعيدي تنصيب الحوض مع ماء جديد منزوع الكلور و تعيدي الأسماك ترفعي الحرارة مع وضع الدواء صباحاً مساءً
و الفلتر ده تبيعه و تجيبي فلتر جديد بقوة 1000 لتر أو 1100 لتر

[جرجير طازه]

المشاركة الأصلية كتبت بواسطة Dr Khaled

أولاً حجم الحوض 105 لتر
يعني قوة الفلتر لازم تكون 1000 أو 1100 لتر بالساعة مش 650 لتر بالساعة
الفلتر اضعف من إنو ينظف الحوض
أفرغي الأسماك بحوض مؤقت و تنظيف شامل للحوض مع الإكسسورات و الفلتر كمان
و تعيدي تنصيب الحوض مع ماء جديد منزوع الكلور و تعيدي الأسماك ترفعي الحرارة مع وضع الدواء صباحاً مساءً
و الفلتر ده تبيعه و تجيبي فلتر جديد بقوة 1000 لتر أو 1100 لتر

شكرا تعبتك معايا

[جرجير طازه]

بس معلش بخصوص الدم اللى فى عنيهم ده ليه دوا و لا ايه ؟؟؟؟؟؟؟

[Dr Khaled]

ما أقدرش أجاوب ده بدون صور

تفتحي لوحة التحكم ثم تختاري الملفات و الألبومات
إدراج إلبوم و تضعين على مربع جنب كلمة عام علامة صح
ترفعي الصور
تضعي رابط الصور في مربع عليه صورة جبلين فوق المكان التي تكتبي في الرد و تدريجها