سؤال عن الزيبرا

[العآشق]

السلام عليكم

شباب انا صار لي 3 ايام شاري لي زوبرا 4 اجواز في وحاطنهم في صندقة جاهزة مترين في مترين تقريبا وهي فيها عشوش الخشب جاهزين بس ولا مره واحد دخل داخل واللحين حطيت لهم خوص حق الخيش مدري الي سويته صح لو لا وياريت تفيدوني احط لهم عشوش الخوص لو هذا عادي

[أبو أمينة]

صباح الخير

الأخ الكريم العاشق : بالنسبة للمكان فهو ممتاز ومناسب ، اما بالنسبة للأعشاش الخشبية فهي الأفضل و لا تستعجل فمع مرور الوقت سوف تدخل بداخلها ، بالنسبة لمواد التعشيش فيفضل ان تضع لهم خيوط الخيش ، دمت بود .

تقبل مروري

أبو أمينة

[العآشق]

مشكور يا ابو امينه بس طيب اشيل الخوص حق الخيش الي حطيته واذا شفتهم يدخلون العشوش احطه لو اخليه عادي

[أبو أمينة]

صباح الخير

الاخ الكريم : دعه كما هو ولا تضعه داخل العش فالزوج عندما يشعر بانه يريد التزواج سوف يبني العش بمفرده ، دمت بود .

تقبل مروري

أبو أمينة

[العآشق]

مشكور اخوي بس الحين رح اطلع فيه شفت ذكر يحط الخوص فوق البيوت الخشب مو داخل يمكن 5 دقايق راقبته وهو يشيل الخوص ويحطه في جها عند نفيه والنفيه ترتب وياه خفيف ويش اسوي

[العآشق]

باعذبك معاي اخوي ابو امينه بس استحملني توني جديد في تربية الزوبرا وازيد على كلامي الي فوق انه في ذكر ثاني يحط الخوص داخل البيت الي هو العش بس ذاك الثاني مدري ليه يحط فوق البيت (العش )

[أبو أمينة]

مساء الخير

الأخ الكريم العاشق :

أولا : نحن في خدمتك أخي الكريم .

ثانيا : وضع مواد التعشيش في العش وخارج العش دليل على أن الطيور اعتادت المكان وشعرت بالأمان فيه ، هناك بعض الطيور تبني اعشاشها داخل العش الخشبي ، وبعضهم يبني فوق العش وقد حصلت لي اكثر من مرة وتركتهم على راحتهم وباضوا وانتجوا خارج العش ، دع الزوج كما هو ولا تزعجه ، دمت بود .

واي استفسار اخر نحن في الخدمة .

تقبل مروري

أبو أمينة

[العآشق]

شكرا اخي ابو امينة ماقصرت