ببغائي يرجّع أكرمكم الله ..

[تاكـو]

السلام عليكم ورحمة الله وبركاته


انا عندي ببغاء قاعد يرجّع الله يكرمكم

السالفة اليوم الظهر بعد ماآكلته سيرلاك كنت متجه للمطبخ وباب القفص مفتوح أثاريه طار وراي وصك بالفريزر وطاح وكان باين عليه انه دايخ اخذته وحطيته بالقفص بعدين جيت ابي أأكله على المغرب على طول بدا يرجع مع انه ماذاق شيء من الظهر


أنا حاولت أوديه لبيطري بس لقيته مقفل

والله مدري وش اسوي فيه أخاف يموت علي

مع العلم أنه هولندي و عمره اربع شهور تقريباً

تكفون اللي يعرف لي حل يقولي والله يجزاكم خير

[صوغة]

الله يعينك ان شاءالله

اذا ترجيعه كثير غصبه ياكل لو شي بسيط عشان ماتنقص السوائل خاصة اذا فيه سهال بجسمه وعلى اقرب طبيب

أكيد تضرر من الضربة خاصه انه صغيرون

ان شاءالله تلقى من يفيدك

[الببغاء الافريقي]

اخوي وكله كرن فلكس ابو ديك مطحون مع مويه دافيه ووكله بالابره وتراه افضل من السرلاك وحاول معه وكله لو شي بسيط

[سكر]

أخوي لأنه فرخ بيكون صعب نعرف ايش صار له

لكن ضروري ياكل,, وحاول يكون أكله متماسك أكثر من أول,,

لأنه كل ما كان سائل كل ما كان يرجع أكثر,,

وبما انه مافيه طبيب بيطري, حاول تطحن له شابورة بر أسمر, وتخلطها بشوي عسل بكمية قليلة, وتخلطها بالماء

وتعطي الطير,, جرعة بسيطة,,, لا توصله للشبع من أول مرة,,

وبعد 20 دقيقة إلى نصف ساعة, أعطيه مرة ثانية, وهكذا,,,

لكن هذا كله مجرد حل مؤقت للطواري,, وضروري تروح للبيطري وقت ما يفتح العيادة,,

ربي يحمي طيرك ويحفظه لك,,

وأشكر أختي صوغة جزاها الله خير, اللي أرسلت لي رسالة ونبهتني على موضوعك

تحياتي

[الحربي-911]

افادوك الاخوان الله يجزاهم خير



والله يجزاك خير يا صوغه على تنبيه سكر وهذا يدل على الاهتمام جزاكي الله خير


واسئل الله ان يعوضكي خير من ميشو

[ابو محمــد]

الطير طاح ع عظمه الصدر وسبب له ارتجاع في الحوصله وراح ترجع مع الوقت لكن تدريجي وانت تقدر تحط يدك ع (السكين)عظمه الصدر وبتعرف اذا لمسته وقل البيطري يشيك عليها وما يشوف شر.