ليش ريش الكاسكو شكله كذا ((( صور )))

[عبير الدلوووعة]

ليش ريش الكاسكو شكله كذا

[tozo]

كم له عندك الطير ؟

ممكن بداية تبديل الريش او ممكن نهايته

وحاولي لا تبقينه بالمطبخ ضعيه بمكان اخر افضل له ولك

حاول ترويشه وتشميسه قليل من 10-20 دقيقه

ونوعي الاكل ( قليل من الفاكهه والخضار والحبوب المشكله )

وما يمنع دعمه فيتامينات واملاح واحماض تساعده في نمو الريش

عندي ملاحظه بسيطه/
حاولي استبدال المواصير البلاستك بأعواد خشب وانصحك بجذع الشجر الطبيعي افضل وانفع بإذن الله و ما تكلف جهد او مال
او استخدمي مجثم وهو مبرد بنفس الوقت سعر الصغير منه ب 25 ريال والكبير اقل من مائة ريال
واحرصي أيضاً على نظافة القفص بإستمرار وبدل وضع الأوراق والجرائد استخدمي الاكياس الشفافه مقاس 10 جالون
اللفه اقتصاديه جداً تكفيك فتره طويله وسعرها حدود عشرة ريالات فقط





وهذا المجثم المبرد هذا صورة الكبير منه والصغير يكفي تضعينه فوق و بالاسفل عند المعالف ضعي جذع شجر طبيعي



وهذي صورة الكيس الشفاف انا زمان مثلك كنت استخدم الأوراق لكنها متعبه جداً عند تغييرها و الاكياس لا تأخذ وقت






اسف على الاطاله واعتذر ان خرجت عن الموضوع قليل لتعم الفائدة

بالتوفيق ان شاء الله ..

[عبير الدلوووعة]

[QUOTE=tozo;3171183]كم له عندك الطير ؟

ممكن بداية تبديل الريش او ممكن نهايته

وحاولي لا تبقينه بالمطبخ ضعيه بمكان اخر افضل له ولك

حاول ترويشه وتشميسه قليل من 10-20 دقيقه

ونوعي الاكل ( قليل من الفاكهه والخضار والحبوب المشكله )

وما يمنع دعمه فيتامينات واملاح واحماض تساعده في نمو الريش

عندي ملاحظه بسيطه/
حاولي استبدال المواصير البلاستك بأعواد خشب وانصحك بجذع الشجر الطبيعي افضل وانفع بإذن الله و ما تكلف جهد او مال
او استخدمي مجثم وهو مبرد بنفس الوقت سعر الصغير منه ب 25 ريال والكبير اقل من مائة ريال
واحرصي أيضاً على نظافة القفص بإستمرار وبدل وضع الأوراق والجرائد استخدمي الاكياس الشفافه مقاس 10 جالون
اللفه اقتصاديه جداً تكفيك فتره طويله وسعرها حدود عشرة ريالات فقط


انا ما اخليه في المطبخ بس كان وقت ما صورته
انا اروشة كل جمعة واشمسة
بخصوص المواصير البلاستك كنت حاطه خشب بس جنني 3 او 4 وهوا مكسرها

فيتامينات واملاح واحماض هذي ما اعرفها ياريت صور لها

[tozo]

يا اختي استخدمي جذع الشجر اللي ارفقته لك قوي ويتحمل و افود للطير
اقرب شجرة سدر او غيرها واقطعي بالمنشار جزء منها و اتركيه بالشمس كم يوم ينشف ويصير قوي
او اشتري المجثم المبرد قوي جداً ويساعد في برد اظافره
افضل بكثييير من المواصير البلاستك لعدة أسباب أولا حجمها صغير و ناعمه الطير ما يرتاح عليها

ومن ناحية الفيتامينات في أنواع كثيره
في منها الصناعي مثل/

- موتا فيت من شركة فيرسل لاقا ، بلجيكي الصنع
سعر ال 200 جرام منه يبدأ من 80 - 120 ريال حسب المكان والبائع بالمحلات شوي غالي لكن ممكن تبحثين بالمنتديات تلقينه اقل بحدود 80 ريال
انا بأحاول ابحث لك عن رقم شخص يبيعه ب 80 ريال وانا اشتري منه لكنه بالرياض وارسله لك ان شاء الله

هذي صورته



وفي فيتامينات أخرى مثل/

- امينو فيت
- فيتا امينو لايتس (هذا حسب كلام البيطري تركيزه اعلى من الامينو فيت

واسعارهم من 20- 25 ريال







واذا تبين الفيتامينات والاملاح والاحماض الطبيعيه المفيده جداً للبشر وللطيور اعملي هذي الخلطه

https://www.youtube.com/watch?v=0VcmhP1ZMxs

وانصحك تنقعيها بماء حلو ( ماء صحه قوارير - او من الفلتر ان كان عندك )
وحسب تجربتي اذا استخدمتي ماء حلو يكفي 5-6 ساعات تنقيع
وبعد عمل كميه معينه تعملينها ضعيها بالثلاجه
واذا اردتي تقديمها للطير خذي كميه بسيطه واغسليها بماء دافئ وقدميها للطير

انا عن نفسي اقدمها مرتين بالاسبوع وباقي الأيام الاكل العادي حب شمسي وقليل من الفاكهه والخضار ..الخ

اسف على الاطاله ..

[عبير الدلوووعة]

عندي مشكلة الان
دود منتشر في البيت والكاسكو يحك نففسه
وماني عارفه هل الدود من الكاسكو ولا لا