موضوع متجدد في انتاج الكاسكو ( تفريخ ) يوجد صور

[يوفاوي الكويت]

بسم الله الرحمن الرحيم

السلام عليكم اخواني مشرفين واعضاء المنتدي الراااااااااااااااااااااائع

اكيد بعد انقطاع في فتره رمضان الكريم اعادة الله علينا وعلي المسلمين بخير

الموضوع واضح من العنوان

اليوم شريت زوج كاسكو افريقي تقريبا العمر 7 سنوات والزوج متالف مع بعض

وبصراحه ابي الكل يشاركني في فرحتي وان شالله راح ابشركم في اول انتاج باقرب وقت

بس انا ما راح اتخلا عن نصائحكم وملاحظاتكم والموضوع لكم اخواني

اول شي بحط لكم صوره القفص الكبير



وهذي صوره العش للتفريخ



وهذي صور للطيور داخل العش





وهذي صوره للاكل وان شالله راح اعدل نظام الاكل



وان شالله ابشركم باقرب وهذا ما يعني اني ما احتاج لنصائحكم وملاحظاتكم

[حب استطلاع]

ما شاء الله تبارك الله

بالتوفيق يا أبو مشعل وإن شاء الله تشوف فروخهم

ملاحظات على السريع

قبل البداية لازم تتأكد إن الطيور أزواج حتى ما يضيع وقتك وجهدك على طيور بنفس الجنس

إما ذكور أو إناث


الشغلة الثانية القفص

الأفضل يكون بأبعاد

1م عرض × 1م إرتفاع × 2م عمق

والغرض إن الطيور تقدر تطير

لكن القفص هذا الطيور ممكن تعاني السمنه بسبب عدم قدرتها على الطيران

والحركة فيه محدودة

أخيراً

لازم تعزل الطيور غرفة في السطح مثلاً

أو أي مكان ما يكون فيه حركة

[عاشق الكوكتيييل]

ماشاء الله طيور روووعة وانا اوافق كلام الأخ حب استطلاع عليك ان تكتشف جنس الطيور والقفص احسة صغير يعني لو تجيب لك نجار يسوي لهم قفص شوي كبير والعش مناسب

[يوفاوي الكويت]

المشاركة الأصلية كتبت بواسطة حب استطلاع

ما شاء الله تبارك الله

بالتوفيق يا أبو مشعل وإن شاء الله تشوف فروخهم
امين الله يسمع منك يارب

ملاحظات على السريع
يشرفني مرورك وملاحظاتك

قبل البداية لازم تتأكد إن الطيور أزواج حتى ما يضيع وقتك وجهدك على طيور بنفس الجنس

إما ذكور أو إناث
انا مشتريهم علي ذمة الرجال وانا شايفهم بالعش مع بعض وحيل متالفين

الشغلة الثانية القفص

الأفضل يكون بأبعاد

1م عرض × 1م إرتفاع × 2م عمق

والغرض إن الطيور تقدر تطير

انا محكوم بمساحه بالبيت

لكن القفص هذا الطيور ممكن تعاني السمنه بسبب عدم قدرتها على الطيران

والحركة فيه محدودة

أخيراً

لازم تعزل الطيور غرفة في السطح مثلاً

أو أي مكان ما يكون فيه حركة

انا حاطهم بمكان بالشقه يكون بعيد عن الحركه
بس انا عندي يلوناب وانت تعرف ما شالله
ما يسكت طول اليوم يسولف

يشرفني مروووووووووووووووك

[يوفاوي الكويت]

المشاركة الأصلية كتبت بواسطة عاشق الكوكتيييل

ماشاء الله طيور روووعة وانا اوافق كلام الأخ حب استطلاع عليك ان تكتشف جنس الطيور والقفص احسة صغير يعني لو تجيب لك نجار يسوي لهم قفص شوي كبير والعش مناسب

بصراحه علي ذمة البائع وانا شايفهم كانو مع بعض

بالنسبه للقفص انا عندي مساحه ومحكوم فيها

ويشرفني مرورك اخوي

[asadyya]

مبروك وموفق إن شاء الله

الله الله بالتغذية الجيدة والمحافظة عليهم من الأمراض علشان موسم التفريخ بالنسبة لهم على ما أعتقد من شهر 3 وطالع يعني قدامك مدة كافية
وإذا قدرت توفر لهم الدفء والرطوبة في فترة الشتاء مع الإضاءة المنتضمة تقريباً 13 ساعة يكون أحسن ويمكن يطلع معك قبل الموسم
ولا تنسى تزويدهم بالفيتامينات والمعادن والأملاح المحفزة على التخصيب بين فترة وأخرى

تمنياتي لك بالتوفيق

[يوفاوي الكويت]

المشاركة الأصلية كتبت بواسطة asadyya

مبروك وموفق إن شاء الله

الله الله بالتغذية الجيدة والمحافظة عليهم من الأمراض علشان موسم التفريخ بالنسبة لهم على ما أعتقد من شهر 3 وطالع يعني قدامك مدة كافية
وإذا قدرت توفر لهم الدفء والرطوبة في فترة الشتاء مع الإضاءة المنتضمة تقريباً 13 ساعة يكون أحسن ويمكن يطلع معك قبل الموسم
ولا تنسى تزويدهم بالفيتامينات والمعادن والأملاح المحفزة على التخصيب بين فترة وأخرى

تمنياتي لك بالتوفيق

في البدايه احب اشكرك علي المرور والنصيحه

اذا تعرف دواء يساعد علي الاخصاب يا ليت تعلمني فيه

[asadyya]

على ما أعتقد فيه فيتامين أد3هـ + سيلينوم ينفع

[يوفاوي الكويت]

المشاركة الأصلية كتبت بواسطة asadyya

على ما أعتقد فيه فيتامين أد3هـ + سيلينوم ينفع

اشكرك اخوي علي اهتمامك

[هاي توز و]

ماشالله تبارك الله

باذن الله راح نشوف انتاجهم وتورين مقاطع وصور لانتاجهم باذن الله

خطوة موفقة
وباذن الله عقبالي اناشالله

تقبل تحياتي بندر




..

..