✿[ اسئل هنا عن الهامستر ]✿

[قلب للبيع]

السلام عليكم

انا عندي فصل روسي

كنت رايحة احط لهم اكل

وتفاجأت ان الانثى ولدت .. وشفت عيالها مرميين عند باب بيتها وكانوا 3 اللي عند الباب

رحت اخبر باباتي.. مارجعت والا الانثى قاعده تاكل واحد من الصغار وماخلت منه الا الرأس

خفت على باقي عيالها .. ففصلت الذكر من الانثى لان كان يبي يتزاوجها مرة ثانية وهي توها والده

وانا اعرف ان ممنوع ازعاج الهمستر الام بأي طريقة .. وعندي خبره في التعامل معاهم وكل شي.. بس هالحالة اول مرة تصير لي

المهم.. قعدت اليوم الثاني رحت احط للام اكل.. ماشفتها والا صارت عدوانية درجة اولى .. وعيالها كلهم برع البيت وكلهم مأكولين ماعدا راسهم اللي بقى منهم

وكانوا 7 همسترات صغار.. وماخلت منهم الا واحد بس.. كلت منه اياديه ورجايلة

ابي اعرف ليش قتلتهم كلهم؟؟؟

للعلم اني وفرت لها الهدوء والسكينه والاكل حتى اني ماقربت من عيالها ولا عطيتهم اهمية اصلا

(( اول مرة تولد عندي همستر من النوع الروسي وعندي 4 فصول من هذا النوع وهذا اول انتاج منهم وكلتهم الام .. اما الباقي عندي انتاج كامل وكبير جداً من الهمسترات السورية يعني خبرة سنين وبنين ))

فأفيدوني عن الهمستر الروسي افادكم الله

وسامحوني عالاطالة

[شوكولاتة]

وعندي سؤال وان شاء الله ما أكون أزعجتكم
هل يتزاوج الأخوان الذكر والأنثى؟
كيف اعرف مين من الأخوان هو الي تزاوجت معاه البنت؟
كل الهامسترات الصغيرو حتى الكبير العنيف توفي (طبعا هو مو من الصغار) تعودوا علينا بعض الشي
إلا وحدة صغيرة ما تعودت علينا ثلاث مرات هربت ولقيناه اما هذه المرة
هربت يوم الجمعة3/4/1428 وماعدلقيتها وانا خايفة عليها تموت واحنا منا دارين ايش اسوي ؟

ملاحظة الأخوان= المولودين مع بعض من الأم

وانا اسفةيا قلب للبيع ماقدر افيدك لأنو الهامستر حقي سوري وانشاء الله يفيدك الأعضاء

وشكرا

[رعوود]

اختي الله يعوضج بالانتاج



وبالنسبه المشكلة انج ما جهزتي للنتاج

يعني الذكر موجود بالقفص نفسه

ومازدتي نشارة


والمفروض الذكر يعزل قبل عدة ايام من الولادة

فاعتقد هذا هو السبب

[رعوود]

اختي شوكولاته

اي ممكن يتزاوجون الاخوان لكن ما ينصح لانه ممكن يتسبب عاهات بالانتاج


وبالنسبة للي هربت حطي بكل غرفة بالبيت سهلة او كرتونه صغير وفيها اكل تحبه ونشارة

وان شاء الله تلقينها

[شوكولاتة]

شكرا ياوذر روز لكن للأسف نوع الصورة مو على حسب الطلب وشكرا مرة ثانية

[شوكولاتة]

مشكورة يا رعوود على هل معلومة عشان لمن سألت بابا قالي عادي لأنها مجرد حيوانات

[أبو هتان الحربي]

انا عندي همسترات سوريات مواليد لهم ثلاث اسابيع ابي افرقهم بس ماعرفت افرق بين الذكر والانثى كيف ؟؟؟؟؟؟؟؟؟؟

[رعوود]

اخوي بو هتان

التفريق بالصغار نفس التفريق بالكبار لكن ثلاث اسابيع اعتقد صغير لو تنتظر يمكلون شهر وبعدين تفرقهم

[أبو هتان الحربي]

اهااااااااااااااااااا
اوكي رعود بس انا حتى الكبار ما اعرف افرقهم

[Withered Rose]

إذا كانت هذي اول ولاده للسوري راح يكون التفريق فيه نوع من الصعوبه و هذي صورة تفرق :

[IMG]http://www.hamsterific.com/HamsterUniversity/images/***ingDiagramSyrian.jpg[/IMG]