اشترك في نشرتنا البريدية ليصلك كل جديد

جنآآ · 22-09-2009, 03:21 AM

موضوع جدا رائع وتشكر عليه

1-عمر الكاسكو (لون العيون)؟

العمر مااعرف لكن اللي قص اجنحتها قال عمرها صغير ولون العين رمادي

2-الكاسكو أليف ولا لاء؟

غير اليف وتاعبني ويخاف بشكل موطبيعي ... حاليا ياكل من يدي ولكن بخوف شديد ويشرب من الفنجان
واحس انه يعرف كلمه مويا لما اقولها وكلمه لوز

3-جناح الكاسكو كامل ولا مقصوص؟

كان كامل وقصيته 15 رمضان وقصيت اظافيرة ...
قال الرجال اللي بالمحل ان عمر الببغاء صغير وقال انه انثى
وكانت خايفه وحسيت انها راح تموت يومها وجلست اسبوع
ماتصفر ولا تقول شي وقالي الرجال جوعيها واكليها من
يدك عشان تتعود حرام جات تموت بين يدينا
كمان ماتعرف تطير اذا خافت وطارت تطيح على منقارها واخاف تتعور وتخاف من كل اللي بالبيت
لها تقريبا عندي من شهر 4 مو راضيه تتعود علينا

4-عندك طولة بال على الكاسكو؟

عندي

5-انت اتخاف من الكاسكو يعضك؟

شوي لانها ماتعرف تعض بس تدخل منقارها باصباعي يوم ااكلها

6- حاط الكاسكو داخل قفص ولا على استاند؟

داخل قفص لكن اوقات تخرج تتمشا بالبيت ... مع دليلها السياحي سيف

سيف ماشاء الله يمشيها وراه وكمان طول الوقت يمسح لها راسها وينظف ريشها

لولو وسيف كثير صحبه

jeeeefry · 22-09-2009, 08:23 AM

طيري ما يوقف عن العض

http://www.youtube.com/watch?v=RX5gDWJt-x8

alkanderi · 23-09-2009, 12:34 AM

ما شاء الله
الله اعينك بوعبدالله الصراحه جهد كبير منك
عندي انا مشكله بسيطه بس طيري مو كاسكو

زهراء النور · 23-09-2009, 02:46 AM

عمر الكاسكو (لون العيون)؟

سنه وشوي

2-الكاسكو أليف ولا لاء؟

لا تقريبا

3-جناح الكاسكو كامل ولا مقصوص؟
ايه

4-عندك طولة بال على الكاسكو؟

ايه
5-انت اتخاف من الكاسكو يعضك؟

شوي

6- حاط الكاسكو داخل قفص ولا على استاند؟

داخل القفص بس تعود فتره صار يطلع من القفص وبعدين مرض ووديته الى البيطري ضربه ابر يومين كل يوم ابرتين وقص اضافره ومن يومه صار يخاف يطلع واذا فتحت سقف القفص يضل تحت مايركب وكان يصفر ويقلد الاسماء بالصفير بس سكت مره وحدة صار تصفيره نادر جدا

هو ياكل من يدي بس في نفس الوقت يخاف يجعر وهو عندي قرابه 5 اشهر
واحاول فيه بس يضل يخاف حتى العسل ياكله من اصبعي ويحب يناظر في نفسه بالمرايه

jeeeefry · 23-09-2009, 10:07 PM

تم الترويض ترك العض

باقي الخطوة الثانية
ممكن فيديو حقها

بو نايف · 23-09-2009, 10:18 PM

السلام عليكم ورحمة الله وبركاته
سجلني عندك يا اخوي سمسار انا عندي طير امازون يلوناب

1-لون العين؟
عمره ماتعدى السنه
2-حالة الطير(اليف-وحشي)؟
الطير أليف مايعض وفي امكانيه انك تمسح على راسه ياكل من يدك لكن كأنه يقولك أكلني وشربني وامسح علي لكن إيدك لاتقربها// ياخوي سمسار انا حاولت اشيله من رجوله عشان يصعد على يدي عمل كل الي يقدر عليه بس عشان اتركه (بغسثناء العض القوي كان يحاول يخوفني بنقاره لكن مايعض) حاولت أهديه لكن مافي فايده فوق الثلث ساعه احاول معاه هذا وهو فوق إيدي ومافي فايده يقط نفسه من على إيدي وقط وزنه للخلف عشان اتركه وانا كنت ماسك رجوله باصابعي .... لدرجة اني خفت عليه يموت من التعب // هذي سالفة الطير كأنه معاند
3-جناح الطير كامل ولا مقصوص؟
جناحه مقصوص
4-الطير بالقفص ولا على استاند؟
بالقفص والقفص فيه ستاند منه وفيه
5-هل لديك طولت بال للتدريب؟
نعم
6-هل لديك الشجاعه الكافيه للتدريب؟
طبعاً

ـــــــــــــــــــــــــــــــــــــــــــــــــــــــــــــــــــــــــــــــــــــ
أرجوا اني ماثقلت عليك يا اخوي سمسار بس انا حبيت ابين لك الوضع واعذرني

سمساار · 24-09-2009, 01:59 PM

السلام عليكم ورحمة الله وبركاته
أخواني أخواتي الأعزاء أعتذر على عدم الرد على تسائلاتكم
بسبب إنتهاء العرض الصيفي لسنة 2009
وسوفه أوعطيكم خطوات تدريب الطيور على الطلوع على اليد وتدريبهم على الكلام

حياك الله
اول شيئ تقليل الاكل لي نص الكميه اليوميه المعتاده
رفع القفص عن الارض بارتفاع يناسب طول جسم المدرب
اخراج الطير من القفص ووضعه فوق القفص ليتلقى مراحل التدريب
تأكيل الطير من اليد مباشرتا
بالبدايه ماراح يتقبل وبعدها بياخذ الاكل ولكن للاسف راح يرميه
طولة البال ضروريه في هذي المرحله والمعامله الطيبه مهمه ايضا
معاملة الطير وكأنه طفل صغير جدا مهمه
التكلم مع الطير اثناء التدريب ايضا مهمه
بعد كل هذي المعامله اكيد بخف منه الخوف وخف الجعير
ويبدأ ياكل من ايد المدرب
تكرار هذي المرحل ليتم التاكيد عليه انه ياكل من اليد

طريقة المسح على الطير
يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ )
تكرار التمرين ياكد حفظ الطير للحركه مهم

طريقة الصعود على اليد

يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه
يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له
تكرار التمرين ياكد حفظ الطير للحركه مهم
وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه

يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات
التكلم معه والمسح عليه

وهكذا نكون قد انتهينى من مراحل التدريب الحركي ويتبقى تدريبه على الكلام
اتمنى لكم التوفيق والنجاح

حياك الله

تعليم الكلام لطير يتطلب منك تجهيز مكان له قبل الدخول على تعليمه وهي
1- اعلم انه تدريب الطير على الكلام سوفه يكون على فترتين باليوم الواحد وهي (صباحيه-مسائيه)
2- مده الفتره الواحده لا تتجاوز النص ساعه فقط لاغير
3- يتم تجهيز مكان يمتاز بالهدوء وخالي من اي شيئ يلفت نظر الطير له مثل (الاكل والشرب-اصوات خارجيه-نوافذ يطل منها الطير الى الخارج-مرور اشخاص من قربه-وجود حيوان او طير آخر بالقرب منه-الخ الخ الخ من المؤثرات التي تشتت انتباه الطير عن التمرين)
4- ان يكون الطير في مكان مرتفع عن سطح الارض لايقل عن المتر الواحد او ان يكون واقفا على استاند
5- يجب على الملقن ان يختار لطير كلمه واحده فقط بصوت واضح وكلمه سلسه بالنطق في بدايه التعلم
6- يجب ترك الطير ينام ليلا في مكان مظلم وهادء من 8 الى10ساعات
خطوات التمرين اليوم الاول هي
الفتره الصباحيه وهي تفضل في اول الساعات الصباح المشرقه
يذهب بالطير الى مكان التمرين ويبدأ بتلقينه اما بصوت الملقن مباشرتا او عبر جهاز تسجيليذاع له على ان تكون الكلمه المختاره له خفيفه مثل كلمة (هلا-ماما-بابا-كوكو-هلو-الخ الخ الخ) من الكلمات الخفيفه ان تكون مدة التمرين لاتتجاوز النص ساعه فقط لاغير ومن بعدها يتم ارجاعه الى مكانه لياكل ويشرب ويمارس حياته اليوميه حتى موعد الفتره الثانيه لتمرين وهي تبدأ من بعد صلاة العشاء مباشرتا وعلى نفس منهاج خطوات الفتره الصباحيه ولمدة نص ساعه فقط وبعدها يترك لياكل ويشرب وينام ليجهز ليوم جديد مقبل

تكرر هذي الطريقه له حتى تسمعه ينطقها بوضوح ومن بعدها تنتقل لباقي الكلمات المختاره له

اتمنى لك التوفيق والنجاح

في حال اي استفسار مستقبلا تلقاني عندك و

انا دائما بالخدمه
اسئال الله القبول

Mesh3l · 25-09-2009, 05:14 AM

شكرا الف شكر لك اخوي ..سمسار على جهودك..ويجعلها في ميزان حسناتك ..
انا داري اني ثقلت عليك ولكن ...عندي مشكله ويهمني رايك ونصيحتك لي..انا حاطه على الاستاند ويطلع على يدي ولكن يخاف اني ابعد ...و اذا رجعته ..يرفعه رجله على مكان الاكل عشان يقدر يمنعني اني احط يدي تحت بطنه ..وما ادري ..وش السواة ..مع انه ياكل من يدي وامسح على منقاره بس ومايعض ..الا اذا نزلت يدي تحت بطنه ..

وانا آسف مره اخرى ...

طيار عاطل عن العمل · 26-09-2009, 06:27 AM

سلام عليكم معاك طالب جديد ... تم شراء الكاسكو قبل يومين
1-لون العين؟ رمادي
2-حالة الطير(اليف-وحشي)؟

اليف احيانا واحيانا وحشي لكن الغالب اليف

3-جناح الطير كامل ولا مقصوص؟

جناح الطير كامل
4-الطير بالقفص ولا على استاند؟

الطير في القفص
5-هل لديك طولت بال للتدريب؟

نعم لدي طولت بال للتدريب

6-هل لديك الشجاعه الكافيه للتدريب؟

ان شاءالله لدي الشجاعه للتدريب

E M I N E M · 26-09-2009, 05:27 PM

1-لون العين؟
توها اتصير صفره

2-حالة الطير(اليف-وحشي)؟

وحشي

3-جناح الطير كامل ولا مقصوص؟

مقصوص شوي

4-الطير بالقفص ولا على استاند؟

وقت النوم في القفص وباجي الوقت كله على لستاند

5-هل لديك طولت بال للتدريب؟

ان شاء الله في طوله بال

6-هل لديك الشجاعه الكافيه للتدريب؟

اي نعم لدي الشجاعه