بطريقة أرخص وأسهل>>> "اصنع فقاستك بنفسك بادوات من بيتك!!" ((بالصور))

[صمت الأمل]

لا لا .. لاتافهه ولا شيء ..

مافيه شيء اسمه سؤال تافه عندي .. كله مهم ..

الله يسلمك العلبه المعدنيه علشان تحط فيها المويه .. لأن عملية الفقس محتاجه رطوبه ..

ومخصب معناه ان الدجاجه عندها ديك و ... يلقحها .. ولازم يكون الديك بالغ .. والدجاجه بالغة ..

فهمت الطريقة ؟؟

أهم شيء في عملية تفقيس البيض :

1_ التخصيب .. او التلقيح ..

2_الرطوبه .. يعني من الماء .

3_درجة الحرارة ..

أي سؤال ثاني حاضريييين ..

[بوعلي 106]

جزاك الله خير

[صمت الأمل]

ابو على 106


واياك ان شاء الله..

[محمد 2009]

مشكور اخوي على الرد ومعليش على التئخير بس عندي سؤال وعساي مازعجتك كيف اثبت الشبك مافهمت والعلب ولو تورين صوره على جواالفقاسه يكون احسن ووشلون يطيح الماء جوا الفقاسه مشكور وماتقصر محمد 2009

[كنووور]

معليش صمت تعدينا على حقوقك ههههه لكن ودي اجاوب على بعض الاسئله اذا ماكان فيه ازعاجك لك من باب الخدمه اخوي ابو محمد 2009 لو تصور لنا الفقاسه او العلبه اللي تبي تزين فيها الفقاسه مثل ما سويت انا عشان نقدر نخدمك اكثر

[صمت الأمل]

محمد 2009

لا عادي الغايب عذرة معه ..

أنت بس قل لي عندك أي خبرة أو أحد يساعدك في هالموضوع ؟؟ قصدي موضوع النجارة أو التركيب أو تعرف نجار مضمون ؟؟

علشان يساعدك .. ومثل ماقال كنووور اذا تبغى تسويها بنفسك وعندك الصندوق وماتدري من وين تبدأ ..

اعرض لنا صورته علشان نقدر نساعدك ..

الله يوفقك عليها .

[صمت الأمل]

كنووور

لا أبدا أصلا كل الحقوق محفوظة .. خخخخ ..

وماشاء الله والله شكلك صرت خبير فقاسات وأي أحد يسأل على طووووووووول ..

خذ راااحة راحتك وجاوب عن أسألته ..

[كنووور]

انشاء الله وانتي استاذتنا وما نطلع عن شورك

[صمت الأمل]

كنووور


انشاء الله ماتكتب بهالطريقة ..

تكتب ان شاء الله ..

انا كنت اكتب كذا وقالت لي أمي ان كتابتها غلط ..

والسبب نقلته من أحد المنتديات :


ربما يكون اغلبنا يعرف كلمة (ان شاء الله) تكتب بهذه الطريقه ولكن احيانا و بدون قصد تكتب (انشاء الله)
ويجب علينا ان نعرف ما الفرق بين الكلمتين وما معناهما وايهما اصح
ولقد جاء في المراجع ان معنى الفعل انشاء هو من انشأ - ينشئ اي ايجاد مثل قوله تعالى (انا انشأناهن انشاء ) اي اوجدناها ايجاد اي اننا لو كتبنا انشاء الله يعني اننا اوجدنا الله والله سبحانه وتعالى هو الذي اوجدنا
اما الصحيح هو ان نكتب( ان شاء الله) ومعنى الفعل شاء(اراد)اي اننا كتبنا (بأرادة الله)
مثل قوله تعالى (وما تشاؤون الا ان يشاء الله)
اذا هناك فرق بين الفعل أنشئ اي اوجد والفعل شاء اي اراد
اذا يجب علينا كتابة (ان شاء الله) وعدم كتابة (انشاء الله)


باشوف اذا فيه موضوع عن هالخطأ أو لا ..


ولاتحطها في خاطرك أو شيء لأني نبهت أحد الأعضاء وقلب علي ..خخخ

[كنووور]

لا ولولو الله يجزاك خير احد ينصحه احد يروووح يزعل مو معقول ومشكورة على التعديل و ان شاء الله ماراح اعيدها