الأهل وببغاواتنا

[ام ماجد]

المشاركة الأصلية كتبت بواسطة سكر

موضوع مثير للاهتمام

وردود الاعضاء تدل على خبرة ودراية,,

عندي اولاد أخوي 4 ما شاء الله

وببغائي يكرههم كلهم ما عدا واحد فيهم يحبه حتى أكثر مني,,,

وهذا دليل على ان الببغاء يميز الشخص بذاته ويلاحظ تفاصيل دقيقة احنا ما ننتبه لها,,

مثل انه ما قد عض الولد اللي يحبه ابداً,, اما اخوه اللي اكبر منه يعضه,, ولاحظت انه فيه فرق في مدت اليد بين الولدين

والببغاء يفهم رسائل مختلفة منهم ويتفاعل معاهم بناء على حركة يد كل واحد فيهم لما يجي يبغى يشيله.

احيانا يكون الاختلاف في سرعة حركة اليد, وأحيانا في شكلها ووضعيتها,, وأحيانا في مستوى ارتفاعها,,

مثل ما قال أخوي صاحب رأي ,, لازم نفهم الأسباب حتى نقدر نحل الموضوع,,

وفهم الاسباب يبغاله تأمل,,,


بالنسبة لحالتك مع ببغائك, ما يكفي الإطعام والإعتناء فقط,, زوجتي في البيت تهتم في ببغائي اكثر مني ومع ذلك يحبني اكثر منها,,

والسبب لأني ألاعبه اكثر منها,, وأقربه مني دائماً,, وهذا هو السر في الموضوع, الناحية الاجتماعية, وعمق العلاقة.

التلامس من أكثر الأمور المؤثرة في البشر ,, وحتى في الحيوانات,, كل ما زاد التلامس كل ما قويت العلاقة اكثر وأكثر.

أنصحك تخلي أحد في أهلك خصوصاً من الصغار يحمل الببغاء دائماً ويتمشى فيه في البيت كل يوم مرة,, وراح تلاحظي انه تغير معاه بالذات..

تحياتي

شكرا لك اخوي سكر سعيده بمشاركتك في المووضوع
واللحين طيري يطلع شوي على ايد بعض الاهل بس بتردد
انا بس ابيه مايخاف منهم , بس ابي الحب لي
يعني لما انا اهتم والعب واطلعه واتمشى فيه بس انا بروحي ممكن يألف على الاهل وانا يتعلق فيني هذا المطلوب واللي ابيه

[ام ماجد]

المشاركة الأصلية كتبت بواسطة s.dis

موضوع جميل ،،

انا بالنسبة لبغبغائي كنت الوحيد بس الي اليف معاي ،، وامسكه والعب فيه مثل الحمامة وما كان يخلي احد يقرّب جنبه كان يخاف منهم ،، بعد ما تعود على اهل البيت صار اليف معاهم كلهم الا من اثنين اذا شافهم يقعد يحوس حول القفص وينفخ ريشه وهم بنات خواتي مره صغار 3 سنوات ،، وحده منهم ضربته على رجله وهو متعلق بالقفص ومن يومها كل ما يشوفها يبي يعضها ،، واذا كان على الأستاند او يتمشى في البيت يركض لعندها ويتحرش فيها ،، شايل بقلبه ههههه ،، اما مع البيت كامل صار وضعه جداً ممتاز خصوصا ً مع الوالده ،، يحبها حب مو طبيعي ولما يتمشى في الغرفة او في المجلس واحنا جالسين يروح على طول عند امي ويجلس بحضنها وتحكله راسه ^_^

حلو الله يحفظ لك طيرك
سعيده بمرورك

[kingcat]

يعطيكم العافية