شاركنا بخبرتك وصورة القفص / السلاكة

[Soldats]

بالنسبة للأخوان الي عندهم مشاكل قتال بين الطيور
فهذا بسبب:
- حجم القفص/السلاكة
- وعدد الطيور فيه
- ونسبة الذكور الى الاناث
- وطبيعة الطير نفسه لأن بعضها مشاكس حتى لو حطيته بغرفة كبيرة مو بس قفص وبعضها مسالم حتى لو حشرته مع غيره.

أتمنى أني أفدتكم

[نيمو ببغائي]

يا اخوان انا ابي اسوي سلاكة بس الحر بيذبحهم عندكم حل ؟؟؟؟؟؟؟
..
.
طيب وش رايكم انا اسوي غرفة بلكاش بعدين احط جواتها السلاكة .؟؟؟ . ؟

[Soldats]

آسف أخوي ماعندي خبرة في السلاكة الخارجية
أتمنى من الأخوان أصحاب الخبرة مساعدتكم

[يزن2]

المشاركة الأصلية كتبت بواسطة Soldats

ما شاء الله تبارك الله

سلاكة البادجي (متر في متر.. ارتفاع 80 سم)
11 بياضة لـ7 أجواز


سلاكة الزيبرا (متر في متر.. ارتفاع 80 سم)
12 بياضة (3 أشكال مختلفة) لـ7 أجواز

عندي استفسار للسلاكة اولا تصميم ممتاز ولاتاخذ مساحة

كيف تنظف الشبك من الاسفل وايش واضع تحته

الغرفة ايش نوع التكييف

[Soldats]

السلاكة ممتازة جدا
حجم مناسب ووزن خفيف

التكييف حالياً اسبلت وبركب صحراوي صغير ان شاء الله اقل استهلاك كهرباء ويعطي رطوبة

أسفل الشبك شبك ثاني مثله ويفصل بينهم قطعه بلاستك مثل الكيس.. تقصها وتفرشها تخته..موجودة بمحلات مواد السباكة والكهرباء

التنظيف سهل:
1- كنس الغرفة يمكنسة يدوية
2- تنظيف المكيف بشكل اسبوعي (مهم جداً) علشان ما تقل كفاءته.
3- شخصين يرفعون الشبك وشخص ثالث يطلع الكيس المتسخ ويحط كيس جديد (شغلة مدتها دقيقتين)
4- تغيير وتنظيف الماء بشكل دوري (متعبة جداً) لأن فضلات الطيور تجي على الماء ويتسخ.. اذا شربوا منه يسبب لهم اسهال ويمكن يموت الطير

اذا فيه شيء أحس أني أخطأت فيه فهو نوعية علبة الماء حجمها وتصميمها مناسب.. لكن مافيه شيء يحمي الماء من فضلات الطيور. والشيء الثاني هو كثرة البياضات المفروض حطيت 2 في كل جهة بدل 3.