✿[ اسئل هنا عن الارانب ]✿

[Sugar]

رعوود ، طيب كيف أدربه؟؟ بصراحه عارفه ان اسئلتي كثيره بس يا ليت تساعدني عشان أعرف كيف

[رعوود]

انزين اختر راح يتم نقل بقسم سؤال وجواب عسب ما نطلع عن الموضوع هنا
وبالنسبة كيف تدربينه

طبعا يكون عندج صندوق رمل يقدر يدخل ويطلع منه الارنب

وبالبداية يكون بالقفص وتشيلين الوصاخ الي يطلعها وتخطينها بالرمل لما يتعود وتشوفينه ما يسويها الا بالرمل

وشوي شوي توسعين نطاق حركته لما يتعود

[رعوود]

اختي البطريقة بالنسبة لاسئلتك

الارنب يفرح لما يكون بمكان واسع وعشب وتكون له حرية الركض

يعني تقدرين تطلعينه للحديقة وتخلينه يركض على كيفه وبكذا راح يستانس

اما انه بس يتبول - الله يكرمكم -

بما انه ذكر لحاله ممكن يكون عشان تحديد المنطقة لكن ما اجزم لك الافضل تعرضينه على بيطري

واياك تحطين اكثر من ذكر مع بعض خصوصا لو بالغين

لانهم راح يتضاربون

حتى لو مافي اناث راح يتضاربون عشان المنطقة

بالنسبة للجرجير والبقدونس

انتي لعد تقدمينهم للارنب مع انه اشوف ناس يعطونه ارانبهم وما صار بهم شي لكن احتياط انا ما قد قدمته للارانب ابدا

والاكل عرفت بعض الي قلتي وبعضه لا زي (بربير و روتي )

عموما الاكل يكون الاكل الي ينباع بالمحلات الجاف على طول

والخضراوات والفواكة مرتين الى ثلاث مرات بالاسبوع بكميات معتدلة





اختي بنوتة كول يا ليت تعطيني موقع تحميل يفتح عندك لانه سبق وحملت لك من باس اب وقلتي ما يفتح وياك منتظر منك موقع التحميل

[الجافي]

الصراحه اشكر الا خت على الموضوع الرئع

واقول تسلم يدك

[عاشقة ارنوبي]

اهلين رعوود وكل اعضاء هذا القسم
من زمان ما جبت لكم مشاكل ويا ارانبي صح
ما شاء الله حولهم وحوليهم ماعليهم خلاف عسى ربي
يخليهم لي ويرزقهم الذرية كمان وكمان

المهم اخوي رعوود عندي مشكله الظاهر احد اعطاني عين وقال
وين مشاكلها ما صارت تكتب بس الصراحة انا متابعة معكم اول باول
المهم مالك بالطويلة

ارنبتي من يومين لحظت على رجلها انتفاخ مو طبيعي برجلها اليمنى
واذ مشت تسحبها يا بعد عمري <<<<<<<< تأثرت لما تذكرت الموقف :'(
وهي بس تحب تنام ولاحظت ايضا ان جسمها بدء ينتفخ مدري هل هي حامل..؟؟..
وعلى خشمها مثل جرح اونقطة دم جافة مدري وش هو.. على فكره هذه الارنب سميتك
يعنى رعوود فيه خطر
جد انا خايفة عليها كثير هي من عقب ابوها لقحها وهي مو طبيعة احسها خامله وكسوله
ايه على طاري ابوها <<<< حلوه ابوها

الرجال اقصد الارنب استخف يبغى يستوى على كل الاناث <<<<< حلاله مالتس دخل :S
المهم حتى لاحظت بدء يهتم بامر ارنوبه صغيره ماصار لها حتى الشهرين يركض وراها وين ماتروح
ولا يخلي احد يقرب منها لدرجة يحاول يلقح <<<<<

وش اسوي معه لدرجة اول مايشوفني يهرب مني عشان يعرف اني ببعده واعاقبه
الحل يا طويل العمر اخ رعوود وش السواه

[رعوود]

اختي عاشقة ارنوبي

بالنسبة لسميتي مشكلة الرجل ممكن يكون كسر او التواء يفضل تودينها لبيطري عشان نتاكد

وبالنسبة لانتفاخ البطن هل لون الاذان والانف ازرق شاحب ؟ او فيه اسهال مدمي ؟ والمعدة قاسية الملمس او لا ؟ وهل هي كسولة وترفض الاكل ؟ والبراز - الله يكرمك - قليل بالمكان الي هي فيه ؟



بالنسبة للاب الراس العود هذا يفضل تعزلين بقفص ثاني مع الاناث البالغات ويفضل اعمارهم 6 شهور وفوق ويكونون مو حوامل ولا يرضعون لانه راح يسبب لك مشاكل لو خليته مهود مع الارانب لان بعض االناث تكون حامل وبعضها يكون ترضع او صغار ما يقدرون عالانتاج

فهذا احسن حل لك انه تفصلينه بقفص منعزل عن البقية وتخلينه مع الاناث البالغات بصحة سليمة مو حامل ولا ترضع

[عاشقة ارنوبي]

هلا رعوود
اولا بالنسبة لرعوود لا ما فيها اي شئ فجاءة انتفخت رجلها وما له علاقة بالبطن بتاتا
بس انا لحظت بعد ما شفت رجلها منتفخه شفت باقي جسمها ومدري وش فيها صراحة
اما االاسهال المدمي شفت مرة بول مدمي يمكن تكون حيض بس استكرته صراحة شكله كان مقزز
وهي كسوله بس البراز ما لاحظت عليه

افيديني يا رعوود

[رعوود]

والله مدري شقول لك اختي ماعرف احدد جذي لازم اشوفها

احسن شي تودينها حق بيطري

وطمنيني عليها بليز سميتي ^_^

[عاشقة ارنوبي]

ابشر

ان شاءالله خير اهم شئ سلامتها

واسفه على الاطالة والازعاج

[رعوود]

لا ازعاج ولا اطاله خذي راحتك

وطمنيني عليها


اول باول