قريبا كروانات هدد طيران حر مع sdda7 مقطع صغيرون

[dark blue]

مشاءالله مقطع رهيب

[sdda7]

المشاركة الأصلية كتبت بواسطة حي ومانسيت

ماشاء الله
طيور روعه الله يبارك لك فيهم بس عندي سؤال يوم فقستهم كانو بس هم ولا معهم طيور ثانية

هلا اخوي

كل اللي فقسو ونقلتهم للحضانه 6 فروخ واحد لوتينو والباقي اللي انت شايفهم
اللوتينو جاني رجال عزيز علي وبعته اياه وعمره تقريبا اسبوعين
اما باقي البيض في الفقاسه خرب الجو وتعرف الكهرب عندنا بالسعوديه مشي حالك
فاللي صار 11 بيضه اجهضت وفرخ فقس مادريت عنه ومات

لكن عموما
1-الفقاسه تحتاج
مكيف جو نظيف مويه كل ثلاث ايام تعبيها واهم شي ضبط الحراره على
درجة 37 مئويه
او 100 درجه فهرنهايت

2-اول ما تسمع صوت الفرخ داخل البيضه يناديك تنقل البيضه من الفقاسه الى الحضانه
تبقى يومين لحد اقصى من اول ظهور لصوت الفرخ داخل البيضه ثم تفقس
او تفقس داخل الفقاسه ويتم نقل الفرخ فورا الى الحضانه لانها اقل حراره ورطوبه وهذا مهم

3- الغذاء اول خمس ايام تستخدم غذاء السيريلاك المخصص للطيور وبعدها تستخدم خلطات
حبوب كإضافه مهمه لتغذية الفروخ
في حالتي استخدم الملعقه المعكوفه للتغذيه اسهل للتحكم في الطير

اذا كانك متخوف تقول صعب تغذية الفرخ اول ما يفقس
انا اقول بالعكس تربيته اسهل 4 وجبات في اليوم تكفيه

استجابة الفرخ وتوجيهه اسهل من ناحية الاكل
وغير كذا صحتهم ما تفرق عن تغذية الاهل اذا استخدمت نظام مدروس في التغذيه

[sdda7]

المشاركة الأصلية كتبت بواسطة mood17

ماشاء الله تبارك الله ...

ممكن لو سمحت شرح لأسلوب التدريب علي الطيران الحر حتي يستفيد الاعضاء من التجربة الرائعة

ننتظر مواضيعك الممتازة

سر المهنه


وما يغلا عليكم

بكل بساطه اثق فيهم ويثقون فيني

كبرو يوم صارو قادرين على الطيران
فكيت باب القفص وطلعتهم واحد واحد كل واحد لحاله

اهم شي يكون مكان واسع البر مزرعه اي مكان
عشان ما يوقع على بيت او شي تندبل تسبدك
وانت تناديه يرجع لك المهم

وتثبت لهم هدف مثل القفص السياره شخصك الكريم

هذي اهداف يحفظها الطير

ويثبتها عنده في ذاكرته

يطير الاول اذا مل من الطيران يرجع لك

تطلع الثاني نفس الشي

الثالث الرابع الخامس ....

بعد كم يوم من التكرار بتلاحض ان الطيور صار عندها روتين وهدف واضح
اذا طار ما يوقع الا عندك او عند القفص او السياره

هنا تجي المرحله الثانيه

تطلق ازواج وتراقب طيرانهم والافضل انك تطير الاناث
لان طيرانهم افضل من الذكور وغالبا تركيبة اجسامها اكبر
مما يساعدهم على طيران افضل

او انت من ملاحظات المطير الاول المنفرد
بتلاحظ طيور طيرانها منظم ارتفاع متوسط وعالي فتختارها مع بعض

وطيور طيرانها اشبه بطيران فروخ الحمام تشطيف
طيران متوسط و منخفض تتركهم مع بعض

بتلاحظ مع الوقت انسجام الازواج في الطيران
وباقي الطيور يكون لديها اللياقه الكافيه لطيران منظم

المرحله الاخيره فكهم جميع وتفرج عليهم وانت مرتاح
واذا اخذو جولتهم بالطيران بيرجعون لك ويجلسون ياكلون
حصى يلعبون باعواد الشجر يتهاوشون على الارض ينشبون
على راسك يمخشون يديك يحككون اذانك يلعبون بازارير هدومك
ثم تطفش وتجمعهم وتجدعهم بالقفص


ما استخدمت المكافاء في الطيران او اي كلام ثاني اخترت الثقه في الطيور
سويت اللي علي والحمد لله الطيور ماشي وضعها وما خونتني الى الان


تحياتي للجميع

[راس غليص]

بصراحه
انت بطل

[صمت الحزن 22]

مشاء الله ربي يوفقك صراحه يعطيك الف عافيه علي شرح الطريقه والطيور رائعه ربي يهنيك فيهم ومنتظرين المزيد

[qassem]

ماشاء الله تبارك الله
الله يهنيك فيهم انشاء الله
تربية احترافية من مربي احترافي

[عـــ1شق البادجي]

ما شاء الله تبارك الله

[hamada_raouf22]

ماشاء الله مستنين موضوع منك عن التدريب علي الطيران الحر
تقبل مروري

[عاشق الكرواان]

ماشاء الله عليك اخوي مبدع والله

بس عندي سوال واحد

في مره شرد منك واحد من طيورك وانت تحاول تدربه ؟

[حمودي احلى سعودي]

ما شاء الله اهنيك بصراحه طيور روعه وتربيه اروع