وصفات شهية لأطباق قططك الملكية ..

[passposse]

السلام عليكم ..

تسلمين اختي Dominique وايد ع الموضوع الحلو الله يعطيج العافيه ..

وااااااااو خلطات وايد حلوه .. قطاوتي ياكلون بس من العلب ومرات من السمك او الدجاج من صنع البيت ..

وواحد منهم يحب زيت الزيتون اذا عطيته زيتونه يقعد يلحس فيها .. والثاني يحب ياكل الجبن بالخبز وياكل بعد الرز ويحب جلد الدجاج .. بس ما جربت وياهم الذره والخلطات الحلوه الي مسوينها انتوا يمكن القطو ع حسب ما يحب وع حسب نوعه بعد .. بجرب هل خلطات المبدعه لانهم شكلهم ملوا من الاكل المعلب ..

ومشكوره واااايد .. سلاماتو ..

[MrLiOn]

الله شنذا
جوعتوني وأنا صايم
كااااااااااااااااااااااااااااااااااااااااااااااع

ياحظ القطاوة صرنا نغار منهم
يعطيتس العافية دومينيك عالموضوع الرائع ..
ولو إن الصور ما طلعت عندي

[Withered Rose]

انا على طول أخلط لهم الأكل الرطب كايت كات مع المرق مع العيش أو المعكرونه (بدون بهارات و خرابيط )و سنابي توم مع ان الأعضاء ما يحبونه بس قطاوتي مدمنينه و انا بحريه احب السمج اتقبل هالسوالف و أحطه لهم خالي بدون اضافات
هذي صورة المؤونه
http://www2.0zz0.com/2006/09/26/19/314054281.jpg
و مشكووورة مرة ثانيه دومينيك

[Dominique]

ظبية الحمى انتي أروع بتشريفج الموضوع .. عادي جربيله ويمكن يعجبه .. ومشكورة على المرور

سارة العفو حبيبتي تكامل الموضوع بوجودج معانا وصج كاتي وقطو كويتي لهم الفضل في احتلال موضوعي هذا مكان في منتدانا الروعة

العفو بسبوس صح مو كل قطوة تحب أي أكل .. مثل الأمير اللي عندي يتشرط وياكل على المزاج .. فانسي فيست اللي كان يموت عليه ما قام ياكل منه وايد يمكن قفشة وسط وحدة باليوم أو اليومين .. بس الحين جربتله صفار البيض المسلوق عجبه وايد وقام يحب الذرة بشوربه الشوفان بس تصدق فكرة الزيتون حلوة بجربها.. يعطيك العافية

الله يعافيك مستر ليون جرب تفتح الصفحة كذا مرة يمكن تطلع معاك.. ولا تخلص أكل القطاوة المساكين على بو صايم ويوعان

ويذرد روز المؤونة اللي بالصورة نفسها مالت دومينيك بس الفرق ... انها كلها دراي فود من جميع الأنواع والحمدلله يحبهم كلهم.. وصار ما ياكل فانسي فيست وايد .. جربتله سنابي توم ما عجبه..
العفو حبيبتي ما سوينا شي يذكر ...

[passposse]

المشاركة الأصلية كتبت بواسطة Dominique

العفو بسبوس صح مو كل قطوة تحب أي أكل .. مثل الأمير اللي عندي يتشرط وياكل على المزاج .. فانسي فيست اللي كان يموت عليه ما قام ياكل منه وايد يمكن قفشة وسط وحدة باليوم أو اليومين .. بس الحين جربتله صفار البيض المسلوق عجبه وايد وقام يحب الذرة بشوربه الشوفان بس تصدق فكرة الزيتون حلوة بجربها.. يعطيك العافية

السلام عليكم ..

هلا اختي Dominique .. تسلمين الغاليه .. انتي مسميه نفسج ع اسم قطوج وانا مسميه اسمي ع قطوي خخخخخ ..

انتي خلطاتج وايد حلوه بس ما ادري لاني مجربه منها بس مافي فايده .. بسبوس قطوي يموت ع شي اسمه سمن بعد لمن احط له رز بالسمن وايد يستانس حتى من فتره ما اكله عدنا تكون مثل الخبز مطحون يعني بس موب وايد ومعاه نكهات وفيه وايد سمن كل منه من اول ما جلسنا ع الفطور وهو يدور ويدور ما ندريبه شو يبي حطيناله دجاج ما رضا حطينا له سمج هم ما رضا شو السالفه .. جربنا حطيناله من هل اكله وكلاها والله خخخخخ والله عليه حركات هل الولد ..

تحياتي لج ..

[misca]

تسلميييييييييييييييييين على الموضوع الروعه

بجربهم على ميشكا وبشوف

باااااااي

[misca]

انا اعطي ميشكا دراي فود و كيتي كات ومره تحبه صارت تختوخه من كثر ما تاكله و تاكل كل شي و مشكوره على الموضوع الروعه

[قطو_Q8te]

(وجبة السمك بالبطاطس)
أكلة لذيذة ومغذية ومشبعة للغاية وهى غنية بالفسفور والبوتاسيوم ....
أكلة اليوم هى سمك فيلية بالبطاطس .


المقادير :-
- شريحة سمك فيليه .
- حبة بطاطس .




الطريقة :-
- يسلق السمك فى ماء مع اضافة ذرة ملح لماء السلق وذلك لمدة 7 دقائق وبعدها تنشل من الماء وتصفى.
- تسلق البطاطس سلقا جيدا .
- تهرس البطاطس كما هو مبين بالشكل :-



- يهرس السمك وتضاف اليه البطاطس ويقلب جيدا .
- يترك الخليط حتى يبرد ويقدم للقطط .

[SIZE=4]فائدة هذه الوجبة :-
- مغذية جدا للقطط .
- تحتوى على الفيتامينات و الكربوهيدرات والبوتاسيوم والفسفور .
- سهلة الاعداد ولا تتطلب مجهودا .
- وجبة مشبعة .
- وجبة غير مكلفة .
- محببة لدى القطط .
- اذا لم يستسغ قطك البطاطس فعليك باستبدالها بالخبز التوست أو الفينو بعد تبليله بماء سلق السمك .

منقولـ

[Dominique]

هلا بقطونا الكويتي.. نورت الصفحة ...

تسلم ايدك على هالطبخة شكلي بجربها على دمدم مع انه صاير ما ياكل شي غير الدراي فود ، ذبحني شكثر شعره يحت .. بس بوكله اهو بسمج وغير سمج يطيح شعره فماكو فرق بس ماراح أكثر من السمج


تحياتي...

[المسافر]

موضوووع روعه يا Dominique