● ● ● موضوع خاص للاستفسارات عن البط والاوز فقط ● ● ●

[الإمـبـراطـور]

والله انك فنانة بالضبط هم ذول. صحيح المجوع اربعه..اسمه العراقي...؟ اول مرة اعرفه انا خايف انهم يكونوا كلهم ذكور او اناثي نقدر نفرق بينهم لان شكل الذكر والانثى مطابق لبعض... صدقتي من ناحية العانية النوع الاسود بالصيف اللي عدا تعب حيل لدرجة انه قام عمي يعزله بمكان خاص بمراوح وقت الظهر ويرجعه مع البقية بعد العصر..هل الصورة للاوز الاسود وفروخـه هي وزكم ..؟ لاني شكلي راح احجز الخمسة الصغار من الحين.

[! هاويه الطيور !]

هذا الي متوافر حاليا اسمه بالمواقع بالاسم العراقي ّ ؟
يقدر يشوفهم بالطبيب البيطري من ناحيه الوزن
لانه الذكر يفوق الانثى اذا ماكان الرقبه اطول من الانثى او الصوت بشكل واضح يكون بالحجم ~

واذا كانت هناك بركه حاليا وبما احنا بفصل الشتا وفصل تزاوجها راح تلاحظ حركاتهم وبتعرف الذكر من الانثى ~
لانه هالفتره الذكور تصير عصبيه وتهاجم

::

مثل ماذكرت لك جداا صعبه هالطيور بخصوص احنا الخليج مناطقنا شبه صحراويه ومناخ حاار جداا
والطيور هذي اساس ماتعيش الى بالاماكن المعتدله او البارده ~

::

للاسف مو من تصويري لانه هالنوع جدا صعب
لو تقدر تصورهم ونشوفهم يمكن نميزهم ~ او المكان المعيشه الي تعيش فيه يكون غلط ولا يسمح لها تبني اعشاشها


وحياك الله

[الإمـبـراطـور]

ابشري باحاول اصورهم ومكان تربيتهم بعد...وشاكر لك للعلومات القيمة.انا اتوقع شكلهم زينة ومظهر ماوراهم تفريخ...باشور على الرجال يعملهم مجبوس وإلا صينية بالفرن والريش يسوي منه مخده. شاكر لك مرة ثانية

[! هاويه الطيور !]

بالانتظار
هههه لازم الصبر " والصبر مفتاح الفرج "
شكــــــــــرا لكَ

[بحريني رومنسي]

ابي ااعرف شنو نوع البط اللي يبااع في السووق اللي نحصل منه يبااع فرووخ صفرااء!! و بكثره موجوودين في السووق!!
و يااريت تحط لي صوورهم!!
وتحياتي العنيفه لك وسلملمــــــ،،،

[! هاويه الطيور !]

على حسبّ لانه فروخ البط تتشابه ويمكن حتى الاوز بس تختلف الاحجام
والي اكثر شي فروخهم متنشره اكثر شي واهي

البط " المسكوفي "

وهذي صورهم









وحياك الله

[القبطان16]

السلام عليكم ورحة الله وبركاته


بالنسبة لموضوع الوز ماتوفقت اليوم كسرة اخر ثلاث بيضات بعد مرور 45 يوم 00 خيرها في غيرها 0

لاكن حبيت اعرف المشكلة من ايش




سلام

[! هاويه الطيور !]

عليكم السلام ورحمة الله وبركاتة


كل البيض !! فاسد

يمكن البيض مو مخصب او الانثى ماترقد على البيض بشكل الصحيح
او المكان غير مناسب ~ واعتقد تقدر تبيض مره ثانيه ~

خيـرها بغيرها وان شاء الله المره الثانيه تنحجّ

[القبطان16]

والله يااختي انا كنت شاك من الاول ان البيض ماهو مخصب لاني عمري ماشفته فوقها غير مرة وحدة في منتصف وضعها للبيض وكانت بل العكس يعني ارجوله عند راسها وممكن كان صغير اوفيه بلا 00انا بشوف اصبر عليه والا اوديه السوق اما الانثى حتى لما شلت البيض رجعت مكانها وجلست ولا رضت تقوم 00

شكرا على مرورك

[قطومميز]

السلام عليكم ورحمه الله وبركاته

كيفكم اوخواني في المنتدا

بدخل بالموضوع ع طووول

عندنا اربع وزات اثنين ذكر اثنين انثى

باااركين ع بيض من يمكن ثلاث اسابيع ماطلع شي

شنو الحل

انتضر ردودكم