نداء لكل من لديه قطه حامل وولدت .. عاجل

[قطقوطه]

ها قطو وش صار عليك؟؟

اول شي اللي تحبه القطوه ومتعلقه فيه خله يقعد جنبها ويحك لها على خفيف تحت دقنها علشان يهديها لانها اكيد خايفه
ثانيا
شوف قطو في شي مهم بقوله لك في بعض القطط بالذات اللي انأخذت من امها باعمار صغيره ما تعرف تتصرف باول ولاده فانت ابيك تراقبها اذا ولدت واذا ماسوت شي للجنين انت ابيك تسوي كل شي ادري قرف بس تحمل انت البس قلفز وشيل الغشاء اللي على الجنين وجيب عود اذان ودخله شي بسيط بفمه علشان اذا فيه مويه لايختنق وخشمه بعد دخله شي بسيط وجيب اصبعك وحطه على اخر ظهره واضغط شي بسيط وطلعه لفوق لين رقبته وارجع حط اصبعك على اخر الظهر واضغط وطلعه لين الرقبه كم مره بس انتبه تضغط طالع نازل غلط من تحت لفوق بس وبعدين جيب مقص واقطع الحبل السري خلي يكون طوله اصبع وقصه قريب من المشيمه وتفضى بعدين للي بعده ونفس اشي
اذا خلصت منهم كلهم حاول تقربهم للام وانتبه لها ممكن تعضهم او تاكلهم واذا خلصت ولاده الام تاكد ماعاد بقى جنين ببطنها وحاول تقرب الصغار يرضعون منها
انا اعرف قطوه لما ولدت بغت تاكل عيالها اول شي ولا قربت منهم وصاحبتها سوت كل شي فانت انتبه لهم
واذا احتجت لاي شي راسلني انا بكون اون لاين
الله يقومها بالسلامه

[قطو_Q8te]

قطقوطه الف شكر علعملومات
اتواد قاعده كل شويه تحاول تولدهم تعصر وجنها قاعده تختنق بس مافي فايده
وريحتها موحلوه صايره وعليها نفس شي ابيض شفاف اعتقد المخاض
قاعده تحاول تولدهم تعصر تعصر بس مافي فايده
ولسانها طايح نشف حلجها وقاعده تلهت
اهيا عل10 راحت قعدت بالصندوق والحين الساعه 11:30 ومافي شي
انا خوفي اتكون شاربه ماي لانه الخدامه رشت بالمطبخ من بعيد شوي معطر جو فشكله شربت من الماي ويالها جذي والله اعلم بس انشالله لا
باجر علي امتحان بس بقعد انا واستناها
دعواتكم..................

[myssaa]

الله يكون في عون الوالده حتجلس كتير بس طالما المخاض نزل ان شاء الله حتولد هي بتشفط بطنها وممكن جسمها يرتجف شوية اول نونو بياخد وقت عقبال ما يتعدل جوا ويطلع للنور
انا كمان قلقانه على اتواد ان شاء الله تولد
بس انت حضرلها اكلها وماية جنبها لانها بعد الولاده حتكون جعانه جداا

[قمووووووش]

طمنــا عليها ياقطوو كويتي ..

والله يسهل عليها ان شاء الله ..

[aMoOoNah]

::

قطو_Q8te

الله يعينكم ويصبركم يارب
انتبهو لها
وان شاء الله تولد يارب وتفرحكم
طمنا عنها

امووووووونهـ

::

[هشووووووم]

الله يسهل عليهااا يارب..

وطمناا عليهااا...
واذا ولدت حط لنا صورة البيبيز حقتهاا..

وشكرا..
اخووك ..
هشووم..

[بنت السحاب]

الله يسهلها ان شاء الله لازم تبشرنا
لا تخاف عليها انشاء الله تقوم بالسلامه وتشوف عيالها يارب

[قطو_Q8te]

الحمدلله
قاعده تولد بسم الله ماشاء الله
الف شكر حبايبي كلكم =*

[قمووووووش]

الحمدلله الله يسهل عليـهااا

وطمنا عليها اول باول ..


وكم واحد جابت

[قطو_Q8te]

اكيد يا قمووش
بس انا ما احبذ احط اصور عشان لاينصابون بالعين بعيد الشر عنهم
فراح ائجل الصور لحد مايصير عمرهم 4 اسابيع