اشترك في نشرتنا البريدية ليصلك كل جديد

passposse · 17-09-2006, 07:32 AM

السلام عليكم ..

هلا اخوي Luis .. ما شا الله ع الحلووين همستراتك يخبلون .. والقفص وااااايد كيوت والتضبيطات تمام .. الله يخليهم لك ويتربون في عزك ..

اخوي اشوف عندك مشكله مع الرضاعه نفس ما صار وياي صارت تخز ماي وايد من يوم ما شريتها وتنزل ع النشاره .. تعرف افضل شي تسويه انك تشيلها كلها وتفك نفسك وتريح نفسك عن يمرضون عيالك .. انك تحط لهم في صحن افضل الماي لانه لا يوصخ كثر الرضاعه .. وانه حتى لو خلص الماي وانت كنت تعطيها الخس والخيار بكثره هذا يكون لهم مورد زين للماي .. حتى ما يحتاجون له وايد عن اكل هل خضروات .. انت حط لهم بكميه مناسبه ممكن ما توصخ المكان .. وبإذن الله ما بيصير وصخ او روايح .. بس ها غيره في اليوم قد ما تقدر اذا شفت فيه وايد خياس .. واخوي حط لهم صحن فيه رمل وااايد بيستانسون عليه .. ومن ناحية خبرتني في الشرده والخش لهمستراتي صراحه اتعذب وياهم انا اخليهم بالغرفه .. يتمشون كلن بدوره ..

السموحه اذا طولت بالكلام .. سلاماتو ..

قطو_Q8te · 17-09-2006, 11:16 AM

ماشالله القفص عجييييييييب حده
عجبتني الزحلاقيهـ ..
يالله انشالله لويس اتشوف احفادهمـ .. الله يخليهم لكـ .
ولوعندي نفس المشرب جان صورت لك بس مالتي نفس هذي

واكيد ماقصروا الاعضاء كلهمـــــــــــــــــــــــــــــــ

Luis · 17-09-2006, 02:14 PM

اقتباس:

السلام عليكم ..

وعليكم السلام ورحمة الله وبركاته..

اقتباس:

هلا اخوي Luis .. ما شا الله ع الحلووين همستراتك يخبلون .. والقفص وااااايد كيوت والتضبيطات تمام .. الله يخليهم لك ويتربون في عزك ..

هلا بج بسبوس...مشكورة اختي على مدحج والله يخليج ويخلي لج قطاوتج وهمستاراتج..

اقتباس:

اخوي اشوف عندك مشكله مع الرضاعه نفس ما صار وياي صارت تخز ماي وايد من يوم ما شريتها وتنزل ع النشاره .. تعرف افضل شي تسويه انك تشيلها كلها وتفك نفسك وتريح نفسك عن يمرضون عيالك .. انك تحط لهم في صحن افضل الماي لانه لا يوصخ كثر الرضاعه .. وانه حتى لو خلص الماي وانت كنت تعطيها الخس والخيار بكثره هذا يكون لهم مورد زين للماي .. حتى ما يحتاجون له وايد عن اكل هل خضروات .. انت حط لهم بكميه مناسبه ممكن ما توصخ المكان .. وبإذن الله ما بيصير وصخ او روايح .. بس ها غيره في اليوم قد ما تقدر اذا شفت فيه وايد خياس .. واخوي حط لهم صحن فيه رمل وااايد بيستانسون عليه .. ومن ناحية خبرتني في الشرده والخش لهمستراتي صراحه اتعذب وياهم انا اخليهم بالغرفه .. يتمشون كلن بدوره
السموحه اذا طولت بالكلام .. سلاماتو ..

الحين اشوفها تخر اول مااصب فيها ماي تخر نقطتين وثلاث بعدها توقف خلاص...

وجاتني فكرة اني احط لهم ماي بصحن او بادية بس خفت مايعرفون يشربون الا من الرضاعه..

وكنت امس بعطيهم خيار بس فتحت الثلاجه وكأن صاير عندنا مجاعه...

شكل الوالد نسى لايعبي الثلاجه كالعاده...

وبخصوص الرمل ان شاء الله بقرب وقت بدور لهم رمل حر منا ولا هناك...

وبخصوص الهمسترات مالهم امان اذا تمشو بالغرفه...سبحان الله يدعسون راسهم بالأشياء

الضييييييييييييييييييييييييقه ومع ذاك يدرعمون ولاشي...

بالنهاية اشكرج على ردج الجميل...وانا استانس عالردود الطويله التجارب اللي حصلت وياكم...

تحياتي لج..

Luis · 17-09-2006, 02:17 PM

اقتباس:

المشاركة الأصلية كتبت بواسطة قطو_Q8te

ماشالله القفص عجييييييييب حده
عجبتني الزحلاقيهـ ..
يالله انشالله لويس اتشوف احفادهمـ .. الله يخليهم لكـ .
ولوعندي نفس المشرب جان صورت لك بس مالتي نفس هذي

واكيد ماقصروا الاعضاء كلهمـــــــــــــــــــــــــــــــ

هلا واللــــــــــــــــــــــــــــــــــــــــــه بالأخ العزيز دوماً قطو..

تسلم والله وانا سعيد انه عجبك وقفصك عجبني بعد...

مايخالف حصل خير خيو وانا عارف انك ماحتقصر لو عندك..

تحياتي لك وأشكر لك مرورك الكريم...