بخصوص تربية القطط خارج البيت

[العابر]

لا ابوي قال حرام نربط الرحم ولحين يمكن اخذ زوج ويمكن ذكر ويمكن انثى وبنسبه للعمر قال الصغار بيض وطبعا شيرازين وب500ريال سعر جميل اما الكبار لحين ماوصلني خبر وهو راعي تربية عنده قرود وكلاب الله يعزكم وطيور اشكال والوان وثعالب واشياء وانا الصراحه خاطري في رصاصيه نفس بيلا

[اموره]

شكرا

[Dan]

الله يوفقك

اذا صغار وشيرازي " صغار يعني من شهرين الى ست" يعتبر سعر مرررررره حلو الله يوفقك
وبالنسبه للرصاصي انا دورت بالرياض ماحصلت الا وحد ذكر سعره 2500 ريال عمره ثلاث شهور وبصراحه مبالغ بالسعر :|

[العابر]

اها اي هو اعمارهم شهرين

[Dan]

ممتاز يعني على ما بال تشتريهم يدخلون بالثلاثه

بس انتبه للتطعيم قبل ست شهور خطر عليهم

[العابر]

اجل متى اطعمهم

[Dan]

النظام المعروف في التطعيمات السنويه " سرطان الدم والسعار و التهاب الرئوي" هذي تطعم عند العمر ست شهور " وهي بستثناء السعار غير خطيره على البشر ولا تنتقل" اما السعار فهو نادر عند القطط اذا كان جوها البيت بل مستحيله بأذن الله

اما الديدان فهي كل ست شهور " و تعتبر الجرعه مميته اذا تكررت خلال اقل من ثلاث شهور " لكن وقت اول تطعيمه بعد الولاده راح اسألك البيطري عنها لاني بروح له اليوم

والخطر في التطعيمات المبكره هو احتماليه عدم قدرة الجهاز المناعي على السيطره على الجسم لان الابر تحتوي على فيروسات مخدره او مضعفه بالمعامله الحراريه او ميته او جزء البروتيني الممرض فيها واذا كانت مخدره او مضعفه تستعيد حيويتها بعد مده والقط السليم والمكتمل نمو الجهاز المناعي يستطيع القضاء على الفايروس قبل ان يستعيد حيويته واذا لم يستطيع ان يسيطر على الجسم لا سمح الله فأنه لا يستطيع المقاومه والوفاة على اغلب الاحيان وهي صارت مع ناس معنا بالمنتدى .

وكل هذا سببه عدم الوعي بالنسبه للمربي والماديه بالنسبه للدكتور يبي ياخذ الفوس وبس والضحيه القط :|

[العابر]

يعني اذا خذيت لي قط كم مره اوديه لتطعيم
وانت كم مره اطعم قطك

[Dan]

انا بصراحه الي شريتهم الذكر كان عمره ثلاث شهور وطعمته يوم وصل 6 شهور اما الباقي كلهم شريتهم فوق الست شهور وطعمتهم على طول قبل ماادخلهم البيت
ونزلت موضوع عن التطعيم بقسم القطط تقدر تشوفه

[العابر]

طلع انه القطط عمرهم اسبوعين
وانا باخذهم على 12 سته او بغير باخذ وحده اكبر اذا في احلى