عطوني رايكم في الكايسكو الي شريته

[a.s.a]

ما شاء الله تبارك الله

والله انك منتب سهل

انا عندي كاسكو نفس الحجم والعمر بس مره مو قادر اسوي معه ولا شي


تكفا عطني الطريقه تكفى وهل كان يعض ومب اليف ولا ما كان يعض

تكفا لا تبخل علينا لان الكاسكو حقي مره محزني 24 ساعه في القفص

[&عاشق الحيوانات&]

الف مبرووووووك اخووي

بس هو كبير بالسن

وبالنسبة انه يجعر عأأدي بس خلة يتعود على المكان الي هو فيه اذا تعود وصار مايجعر ابدء اكلة بيدك ودربة..

[مايهم من أكون]

السلام عليكم ورحمة الله وبركاته

الله يبارك فيكم اخواني واخواتي

وبنسبه حق الجعير ماله ماقصر معاي اول اسبوعين وحتى ثالث اسبوع وانا ادربه

والحمد لله اللحين مايجعر الا قليل وساعات مايجعر كلش

وعن تدريبه اخواني بالبدايه كان يعض اكيد وحتى وانا لابس القفاز ماسلمت من منقاره

كنت اتعبه بالغرفه اخليه يركض وانا وراه ساعات يدش اماكن مغلقه تحت السرير خلف الخزانه

يعني اخليه يتعب واسمع صوته وهو تعبان وامسك رجله واخليه على يدي

ومرات اخليه بزاويه وامد يدي له يعض طرف القفاز واقعد امسك منقاره واسحبه

من التعب مايقدر يسوي شيء واخليه على يدي وابدل حركة اليد عشان يتعلم

والحمدلله اللحين الطير مغاير طبعه عن ماكان فيه اول ماشريته

ومع انه اول طير يكون عندي وماكنت اعرف شيء حق تدريبه

بفضل الله وبفضل المنتدى شفت كذا طرق الي مخلينها الاخوان وبعض النصائح

من الاصدقاء تمكنت من ترويضه وان شاء الله اخليه صور له لاحقا

مشكورين اخواني

دمتم بود....

[a.s.a]

يعطيك العافيه


يعني ما جبته بالطيب لوووول


طلعت ريحته شكلك

ما شاء الله الله يخليه لك

وعقبال ما اهجد ببغائي

وشكرا

[مايهم من أكون]

يعافيك الشيخ

اهو يبيلك بس ماتخاف منه ولاتبين انك خايف وقت يبي يعضك

واذا كان يبي يعضك وشلت يدك مابيوقف عن اسلوب العض لانها الوسيله انك تشيل يدك عنه

والله يوفقك بطيرك وتروضه ...

دمته بود...

[عاشق ببغاء الدرة]

ببغائك نيجيري وجيد والله ما تدخل العقل إنه يطلع في يدك من أول أسبوعين
و مبروك عليك

[كاسكوكيه]

ما شاء الله عليك
انا اتمنى يتعلم انه يوقف على ايدي.. بس الحمد لله الحين لو شو ما يصير ما يسوي اي صوت يوم يشوفني

و بديت امسح عليه... الباقي انه يوقف على ايدي ^^

مبرووووووووك

[المري1]

الاخ مايهم من اكون

استخدم اسلوب الثواب والعقاب لتعزيز أي سلوك إيجابي ( كالهدوء او الركوب على اليد )

او اسلوب العقاب عند العض او الجعير وان شاء بتشوف فرق كبير في السلوك