مساعده عااااااجله

[عايد]

السلام عليكم .. قطوتي الله يسلمكم ولدت اليوم وجابت 6 الله يخليهم لبعض .. لكنها ولدت داخل حوض الرمل .. وطبعا الرمل صناعي .. عاد بعد المغرب الحمدلله طلعتهم برا .. وطلعت امهم عشان تاكل .. ونقلتهم عاد من الحوض الى القفص .. وطبعا حطيت فوط واجد داخل القفص عشان تقعد عليه .. عاد المهم انها بعد ما اكلت .. صفطتهم وراحت تتسدح لحالها بالحديقه .. وطبعا شلتهم بسرعه بدون ما المسهم .. ولما رجعتها معهم اشوفها صارت قاعده جنبها ومهب شايله همهم .. وبعدها افتح القفص عليها واحط المويه والاكل وبرضو ما اشوفها قامت تبخ بوجهي ولا طقت خبر لعيالها .. وجيتها اكثر من مره واشوفها منسدحه بعيد عنهم .. بس عاد اخر مره جيت لقيتها عندهم .. وعطتني ذاك الصوت الي معناه وخر بس .. بس مدري هل هو طبيعي يعني انها تروح وتتركهم عادي ؟ ولا لازم تكون عندهم طول الوقت ؟؟ انا ماعندي مشكله اخليهم برا واخليها تطلع وتجي .. لكن المشكله عندي قطو انثى ثاني .. واخاف يروح يحارش الصغار



وبعد انا لاحظت شي اني لما جيت بشيلهم .. لقيت واحد لحاله .. و5 متلاصقين ببعض

هذولي هم



عمرهم 12 ساعه تقريبا

طبعا اللي ملصقهم ببعض الظاهر فضلاتها .. لاني زي ماقلتلك ولدتهم داخل الحوض اللي فيه الرمل .. عاد انا حاولت افككهم عن بعض حسيت اني بعورهم فخليتهم وقلت يمكن الحبل السري او شي من هالقبيل لاصق فيه .. ومدري كيف اخاف انهم مايقدرون يرضعون .. فسؤالي هو لازم افكهم ؟؟ ولا اخلي امهم تتصرف ؟؟ ولا اوديهم البيطري افضل وافضل لاني قلت يمكن بعد السر لاصق

وابي استفسر بعد مده نوم في اليوم كم ساعه ينامون ؟ وافضل جو اوفره لهم ؟ لاني حاطهم في غرفه وفاتح ابوابها بس مو فاتح التكييف .. هل كذا ممتاز ؟

انا كتبت هالسالفه في رد لموضوع سابق بس قلت اخليه بموضوع عشان تعطوني الجواب باسرع وقت والله يعطيكم العافيه