مزاج الكاسكو .. ؟

[Arashi]

بالنسبه للمزاج فأغلبهم يخلونك تمسكهم في مثل هالحالات وانت جوف اللي يناسب طيرك:

لما يكونون نعسانين - بعد ما يطفحون اكل - لما الاضاءه خفيفه - لما يكونون جالسين على رجلك او لما تحضنهم او على الكتف قريب الوجه - لما تكون عندهم حاجه مثل الطعام او الخروج من القفص

اكثر اللي دربتهم استغليت وقت النوم والاضاءه خفيفه..كنت احطهم على رجلي يسترخون الاول وعقب أجيب راسهم صوب ملابسي وشوي شوي اقربهم وامسح عليهم...على طول يتخدرون XD
البعض كان يفضل يحط راسه عالخد او تحت الرقبه...جوف ايش يفضل ببغاءك بس لا تكثر من هالحركه عشان لا يصير لزقه P:

بالنبسه للجناح دام مقصوص already فلا تنتفه عشان هو لا يتعلم وينتف نفسه...مب مشكله لو يطير ويصطدم بس اهم شي لا يطيح من الطابق الثاني مثلا...انا ماعندي طير تضرر من السقوط من الطابق الثاني لأن الجناح ولو مقصوص يخفف من السقوط...فالافضل تتركه مثل ما هو...باذن الله لما يتعود عليك ماراح يسويها ^^

[Bohamad_93]

اللي عندي كل اللي ذكرته يخليني اشيله فيهم
ماعدا وقت النوم ماجربت اشيله خوفي اضايقه وقت نومته

طبعا هو ينام ويلف راسه برقبته . لكنه جدا حذر لاقل صوت يقوم من نومه
نقطه ضعفه صحن الاكل دايما يتلزق فيني يشوف شنو نوع الوجبة اللي بحطه له لاني دايما انوع له

يعني تقدر تقول قبل الاكل عادي اشيله , اما لما يكون فيه اكل يتصدا عني ويتسلق القفص لما ابتعد يرجع لاكله !

انا حاليا كل اللي انتظره هو وقت تبديل ريشه علشان يطلعله جديد ويقدر يطير براحته بدون لا يصك الطوف !

تسلملي اخوي والله خبرتك تعلمت منها ما شاء الله عليك

[Arashi]

حلو انه لما ينام يلف راسه..عادة معناه انه يكون متطمن (عكس اللي عندي من 6 شهور وليلحين ما يتطمن يلف راسه)
هاذي علامه زينه ما شاء الله ومعناه الحذر اقل ^^
وصحن الاكل نقطة ضعفهم كلهم وايضا هاذي علامه ممتازه بما انه يدري ان اكله من عندك...وجيّد انه يحب التنويع

كم صار له معاك تقريبا؟

بالنسبه لوقت النوم البعض ينصح انك تعلمه التصفير والكلام هالوقت يستقبل احسن (مب عارفه السبب الصراحه)...واللي عندي حتى لو نحيس لكن أقدر امسكه وابوسه بعد وهو نعسان هههه XD

العفو اخوي وانا مب خبيره بما فيه الكفايه لكن ببغاءك نوعا ما سهل الترويض ^_^

[Bohamad_93]

المشاركة الأصلية كتبت بواسطة Arashi

حلو انه لما ينام يلف راسه..عادة معناه انه يكون متطمن (عكس اللي عندي من 6 شهور وليلحين ما يتطمن يلف راسه)
هاذي علامه زينه ما شاء الله ومعناه الحذر اقل ^^
وصحن الاكل نقطة ضعفهم كلهم وايضا هاذي علامه ممتازه بما انه يدري ان اكله من عندك...وجيّد انه يحب التنويع

كم صار له معاك تقريبا؟

بالنسبه لوقت النوم البعض ينصح انك تعلمه التصفير والكلام هالوقت يستقبل احسن (مب عارفه السبب الصراحه)...واللي عندي حتى لو نحيس لكن أقدر امسكه وابوسه بعد وهو نعسان هههه XD

العفو اخوي وانا مب خبيره بما فيه الكفايه لكن ببغاءك نوعا ما سهل الترويض ^_^

لي معاه اسبوعين وبدخل بالثالث , عمره 5 شهور والظاهر ان صاحبه اللي كان عنده كان طيب معاه ومحتويه .
وان شاء الله يتعود علي لاني مو مقصر معاه بشيء , رغم انه يتفاعل معاي ويصفر الا ان عنده بعض الامور يتردد منها .

[Arashi]

حلو...5 شهور يعتبر صغير جدا وطبيعي شوي مزاجي او ينسى..لكن بالنسبه لباقي الببغاوات في عمره فيعتبر أليف وممكن باذن الله يوصا معاك 100% بعد ما يعدي الشهر السابع بالكثير ^_^
اهم شي في هالسن لا تستعجل عليه والصغير يكون متردد عكس الكبير يكون جريء اكثر
في هالمرحله اكسب محبته واكتفي بركوب اليد وياكل من يدك والمسح عالراس لو يخليك (وجرّب الخد تحت العين ترى يحبون هالمكان)
اترك التدريب عالامور الاخرى بعد ما يثق فيك 100%

[Bohamad_93]

كلامك صحيح وانا معك بالكلام الي قلته
أهم شيء الحين اكسبه كطير ربوة , يخليني امسكه ويحب تحت رقبته ومن فوق واطراف منقاره وتحت العين
طبعا انا روشته , أحس اني طحت من عينه ههههه

[fawzi]

المشاركة الأصلية كتبت بواسطة Bohamad_93

السلام عليكم
اخوان احب اسالكم عن مزاج الكاسكو ...

الطير كنت اشيله عادي ويصعد عالايد ... حاليا مزاجه يحب القفص اكثر ولا يبي يقرب من ايدي

حاولت امنعه من الاكل ... يوم يشوف الاكل بيدي يقرب مني لكن ما عطيته الا لما صعد على ايدي

نجحت الطريقة لكن بالمرة الثانية .. يبي الاكل وما يبي يصعد على ايدي , يعني يعاند .

افتحله الستاند الي فوق القفص لكنه ما يصعد الا قليل ومن اقرب واحاول اشيله ينزل القفص ..

سلوكياته مزاجية فعلا ! .. اي اقتراحات بارك الله فيكم . ؟

هلا اخوي بالاختصار المفيد وهذا وجهه نضري وانا احترم اراء الاخرين من تعليق وغيره المهم من حديثيك لتصرفات طيرك الطير لسه يخاف منك والدليل على ذلك انه يحس بالامان اكثر وهو داخل القفص
الموضوع يختاج صبر وماله اي داعي التجويع المفروض انك تكرم الطير على فكره الافريقي اهم شي عنده الامان وثاني شي الاكل يعني خله يثق فيك اول شي وبعدين راح تشوف ابداعات الافريقي موفق يارب والصبر زين انت بس اصبر وراح تشوف الفرق

[Bohamad_93]

تسلم أخوي على هل معلومة
صحيح كلامك يالغالي الطير عندي حذر جدا , وهذا دليل انه يهتم للأمان اول شي
وان شاء الله بمرور الوقت يتغير .... اولا واخيرا اي طير يبيله وقت علشان يتاقلم مع الوضع والمكان

[Bohamad_93]

اليوم الكاسكو تعلم انه من يشوف ايدي ينزل راسه !
يحب احد يمسح هلى راسه .. لكني بعوده انه ينزل راسه بكلمة معينة مب لما يشوف يدي ..

وملاحظ عليه امور ما شاء الله , أغلب وقته عند أكله ولما اقرب من القفص يسوي نفسه ياكل ومشغول !
أحسه يسوي هالحركة لانه متضايق من شغلة , يمكن لاني كل ما اجي عنده العب معاه وامسح براسه ..

ههههه اتوقع لو اطنشه وما اعطيه وجه افضل , لو بس اعطيه اكل وانظفله قفصه واكلمه يكون كافي .

[Arashi]

^^^
لا تطنشه ابدا...وانا ببغائي يحب ياكل جدامي اكثر ولما اترك المكان يترك الاكل ويناديني هههه
اتوقع لما ياكل جدامك معناه مرتاح بوجودك...لو مب مرتاح ما راح ياكل
كمّل معاه عادي ولا تحط موضوع الاكل في بالك ^^