استفسارات عن الكروان

[عبووود أبو عيون سووود]

طوقان حبيب ألبي ؟
كم لك مشتريهم ؟
يمكن باقي ما تعودو عالمكان إذا إنك توك مشتريهم

[الطوقان]

حبيبي عبود لهم عندي ثالث أسابيع.
لكن الذكر اليوم ما يتحرك ولا ياكل أبداً وطول الوقت نايم
حطيت له مع الماء نقطة من فيتامين vimekat ونقطة من مضاد spectin بس
ما أشوفه يشرب

[برنس المملكة]

وديهم عند البيطري والله يوفقك

[عبووود أبو عيون سووود]

و الله يا طوقان ما أدري وش أقولك
بس من رأيي إنك تصبر عليهم شوي يمكن يتحسن وضعهم
أنا الجوز اللي عندي أول شهر شريتهم فيه ما كنت أسمع لهم حس أبدا ً
كانو دايما ً نايمين و نافشين ريشهم ولا يتحركون أبد حتى الأكل على خفيف
بس بعد الشهر الثاني أو بالأصح في بداية الشهر الثالث بدو يتحركون و يغردون و يتشعبطون و صار في تلقيح قدامي أكثر من مره
و بعد إنتظار أكثر من خمس شهور باضت الأنثى 3 بيضات و الحين عمر الفروخ 3 أسابيع تقريبا ً
المهم السالفة يبيلها صبر و أنا أخوك يا طوقان
و للمعلومية : هذا القفص حق طيور صغيرة زي الكناري أو البادجي ، أما بالنسبة للكروان أحسه صغير عليهم
بس اللي أنا مستغربه ليش ما أحد يرد علينا من الأعضاء و يقولنا هل هم جوز فعلا ً ، ولا إثنينهم أناثي ؟
ممكن جواب يا شباب يا محترفين ؟

[мόjяd έ7śąs]

يآهلا فيك
اكيد انه تعبآن لازم توديه البيطري يعطيك مضآد حيوي
والكروان حتى لو كان تعباان صح ماياكل بس لازم يشرب مويه واكيد انه يشرب بس انت ماتشوفه
الشي المهم انك ماتحطهم عند مكيف ابدا خليهم في مكان مايتعرضون فيه للتيارات الهوائيه
لان انا كراونتي كنت احطهآ عند المكيف وصار فيها زي ماتقول ماتاكل وخامله
والله يشفيهم يارب ..

[Abdul-malik]

أتركك من المضآدآت الحيوية ,

لآ تستخدمهآ إلا في الحآلآت الطآرئه ,

لأن لو تعود جسم الطآئر عليهآ من فترة لفترة ,

خلآص , يصير جسمه ضعيف أمام الأمرآض في حآل إنك مآتعطيه مضآد حيوي .

إستخدم نوع وآحد قوي , للحآلآت العصيبة .

أما بالنسبة لطيورك ,

وآضح إنه مو عله بآطنيه ,

أولاً ,

لون القفص /

إختر قفص أرضيته خضرآ , ومجآثمه خشبية .

ثآنياً ,

الحجم /

حجم القفص صغير شوي , حآول تآخذ المرتفع أكثر من العريض .

ولو حصل وجمعت الصفتين يكون أكيد أفضل .

ثآلثاً ,

موقع القفص /

أقل شي متر وآحد , مرفوعين عن الأرض .

ولآزم تشرق عليهم الشمس يومياً , لآتقل المدة عن 10 دقآيق ,

و خلك حذر لآ يكونون في مكآن يتعرض مدة طويلة ومبآشرة للشمس ,

بتجيهم ضربة شمس .

وعموماً فوآئد الشمس عند شروقهآ وغروبهآ البآقي مضر للأجسآم .

رآبعاً ,

التغذية /

الخضروآت والحبوب المستنبته والفوآكه والبيض وعظآم الحبآر .

كلهآ فيتآمينآت و نشويآت وبروتينآت وكآلسيوم ,

وإشتر أملآح معدنية تضآف للمآء أو خلطة حصى وفحم وصدف وعظم حبار وأتربه .

أنا أستخدم خلطة الحصى ووو , وأضفت لهآ رمل الشوآطىء .

لأن طلع في طيور نقص أملآح معدنية ,

وأنتضر نتآئج الرمل .

وبالنسبة للتغذية لآ تتهآون فيهآ أبداً أبداً .

هي الأساس .

أجبرهم ,

جوعهم أو عودهم عليه أو أخلطة مع أكلهم المفضل ,

الزبدة لآزم تنوع لهم بالأكل .

وترى فيه فيتآمينآت مكملة الي هي البيبي فيت ومنتج ثآني من نفس الشركة بس خآص في الريش .

للي طيوره تقلش أو عنده فروخ ضعيفة شوي .

وفيه خلطآت في بعض محلآت الطيور عندنآ بالرياض ,

كيلو بعشرة , مفيدة للريش .

طبق العوآمل الأربعة " بحذآفيرهآ "

وإن شآء الله بتشوف طيورك على أحسن مآ يكون .

* وحبيت أقولك إن الفيتآمينآت تعتبر مكمله ولآ تعطى إلا للطيور الضعيفة أو في مرآحل التجهيز .

وكذلك المضآد الحيوي .

بالتوفيق يالغآلي .