اتمنى انكم تساعدوني ,, جناح الافريقي مايل على تحت وش السبب

[كاسكـــو]

المشاركة الأصلية كتبت بواسطة joooooodi2

اخوي كاسكو

مشكور على الرد

لاحظ اخوي جناح الطير اللي على يميننا نازل شوي ماهو زي اليسار وهذا مالاحظته في صور الافريقي على النت سواء فروخ ولا كبار

اتمنى يكون ما في مشكلة لانه الطير عجبني ولف علي في خلال يومين وكمان ولف على اطفالي

ان شاء الله مافيه الا العافيه لاتقلق انا اشوفه طبيعي مثل ماذكرت بردي السابق

[joooooodi2]

مشكورييييييييييييييييييييين بارك الله فيكم

[ٌابوعمر]

اخوي طيرك باذن الله مافيه الا العافيه ولاكن انصحك تعطيه خلطة الثوم بليمون كوقايه
طريقة عمل الخلطه تجيب ثلاث حبات ثوم وتهرسهم وتحط عليها نصف ليمون وتضيف عليهم مويه لتر كامل تخليها 6 ساعات بعدين تصفيها وتحط لطيرك بل مشرب
والله يبدنا وطيورنا عن الامراض
ترا ماقلت اعطيه لاني شاك انه مريض او شي لا بس اشوف هاذي الايام كثييييير طيور تمرض وتموت الله يبعد عنا وعنكم الشر

[ٌابوعمر]

اخوي طيرك باذن الله مافيه الا العافيه ولاكن انصحك تعطيه خلطة الثوم بليمون كوقايه
طريقة عمل الخلطه تجيب ثلاث حبات ثوم وتهرسهم وتحط عليها نصف ليمون وتضيف عليهم مويه لتر كامل تخليها 6 ساعات بعدين تصفيها وتحط لطيرك بل مشرب
والله يبدنا وطيورنا عن الامراض
ترا ماقلت اعطيه لاني شاك انه مريض او شي لا بس اشوف هاذي الايام كثييييير طيور تمرض وتموت الله يبعد عنا وعنكم الشر

[joooooodi2]

بارك الله فيك اخوي ابوعمر

فعلا يابو عمر ويا اخوان ,, اتضحلي ثاني يوم ان الطير مريض وزاد خموله وصار اكله قليل ووديته لمحل الطيور
قلي طيرك مريض واحسن توديه للبيطري ,, ووديته البيطري وقالي البيطري انه مريض وعنده نزله معوية وتنفسية
واعطاه ابرة مضاد وقلي تجيبو لي لمدة يومين نعطيه ابرة .

والله اني خايف يموت ,, الله يستر .

[بلاك بيري]

لا حول ولا قوه الا بالله

ربي يشافيه ويعافيه عاجلا غير اجل رغم انه ما في عليه اسهال او عطاس او اخراج من الأنف

[كاسكـــو]

احب اقول لك شي من عادة فروخ الببغاء الخمول الطبيعي وكثره النوم وقلة الحركه لصغر سنه

يعني مو شرط يكون مريض ربما يكون خمول فروخ طبيعي

لكن لأ تأخذ على كلامي انا اعطيك احتمال فقط وممكن يكون مريض .... الله اعلم مني ومنك

لكن اي مرض له علامات تأكد من طيرك

[بلاك بيري]

صحيح اخوي كاسكو انا عندي الفروخ الاحظ انها تميل للنوم اكثر ما تميل للعب والأكل وغيرها ولكن كل ما كبرت تغير هذا الشيء

[كاسكـــو]

المشاركة الأصلية كتبت بواسطة بلاك بيري

صحيح اخوي كاسكو انا عندي الفروخ الاحظ انها تميل للنوم اكثر ما تميل للعب والأكل وغيرها ولكن كل ما كبرت تغير هذا الشيء

كلامك سليم لاغبار عليه بارك الله فيك

عشان كذا حاولت انبه صاحب الموضوع ان الخمول شي طبيعي للفروخ

لكن لابد الحرص ربما فعلاً يكون مريض

وفعلاً كلامك صحيح كلما كبر الفرخ تغير وخصوصاً من الشهر السابع وطالع يكون افضل

[joooooodi2]

والله يا شباب انتو ما قصرتوا و

انا مالي خبرة فيها

بس كله كلام نظري تعلمته من هذا المنتدى الرائع

وفعلا ماكان فيه شي بس يادوب ثاني يوم من كتابتي للموضوع بدأ الطير يفرز من انفه اعزكم الله وبالنسبة للاسهال ما اعرف كيف انا اشوف برازه اكرمكم الله عادي بس مالي خبر ولما وديته للبيطري قال معاه اسهال .

بس والله مادري البيطري هذا حق بل وغنم ولا بتاع كله .

بس ابغا نصيحتكم بعد ما عرفتوا ان الطير معاه : اسهال , وزكام ( اعرف ان الطيور تجيها حمى بس اول مرة اعرف ان الطيور تزكم ) , وضعف عام بالجسم .

جزيتم خيراً .