انذار أخير ...

[Lonely Hunter]

وبعدين في ناس توهم ياين المنتدى

ما يعرفون انه الموضوع الي يبون يسونه مسوي من قبل

بصراحه .. محد يسوي حالحركات الا اليهالوه ...يبون يكتبون اي شي عن اي شي و ينقلون كل شي بس على شان يصير لاسمهم رنّه بالمنتدى

مايدري ان يطيح من عين الباقي ...

يعني مستحيل ما تشوفين موضوع مكرر

ومع انذار دومينيك ماراح اتشوف موضوع مكرر...ان شاء الله

وبعدين كل الموضيع الي عن القطط او كيف تربيتهم
موجودة يعني شو تبينا نسوي؟؟

سهله

- تقدر تكتب اخبار او احداث عن القطط حول العالم..طبعا تكون فرش مو مغبره

- تسوي مع قطوتك جلسة تصوير و تلبسها او اتخليها اتسوي حركات عبيطه و تنزلها بالنت على شان نضحك عليها P:

- تكتب مواضيع نقاشيه جديده...و طبعا ماتكون مثل اللي نشوفها الف مره بالاسبوع

- تدّور شغلات غريبه للقطط او عن القطط

- تكتب تجربه عشتها مع قطك

- طريقه للتدريب عن شي

- اتحط كاريكاتيرات او فلاشات مضحكه عن القطط



يعني في شغلات وايد تقدر تكتب عنها و احسن المواضيع اللي ممكن تكتبها و تحرك المنتدى اهيا النقاشيه ...


و اذا ماعرفت تكتب شي يديد ... مو ضروري , خل غيرك يكتب

ولمّ تلقى شي ..اكتب عنه

بسيطه

[*القلب الصافي*]

سوري دومنيك

بس انا زعلان شوي

عسبت مشمش

وما عرفت شو اقول

افهمي حالتي

[Dominique]

اخوي القلب الصافي

آنا قلت ووضحت ان لازم الاعضاء الجدد يسوون بحث عن اي موضوع يبون ينزلونه

واذا لقوه موجود ماينزلونه

واذا طلع انه موموجود ينزلونه

آنا شخصيا اتبع هالطريقة لكل موضوع بنزله

ليش انتوا ماتتبعونها

بعدين شلون تبي الناس تحترم عضو بايق شغل غيره

تلاقيه مايدري انه موجود بالقسم

بس الاعضاء الاقدم يدرون انه مكرر

ياليت تنتبهون لهالشي

ومثل ماقال اخوي لونلي هانتر

صح لسانك لونلي

اقرا كلامه وشوف الطرق اللي ذكرها

ميرسي
.
.
.

[*القلب الصافي*]

انا عمري ما سرقت اي موضوع من اي حد

ولا موضوع سويته بايقنه من حد

او سارق الفكرة منه

وانا بس موضوع واحد على ما اظن كررته

وما كنت ادري انه مسواي من قبل

[Dominique]

آنا ما أتكلم عنك انت بالتحديد

آنا قلت يا اعضاء قسم هواة القطط

بشكل عام

ياريت محد يزعل او ياخذ الكلام عليه

وياريت الكل يحترم قراري

ميرسي
.
.
.

[*القلب الصافي*]

لا خلاص سوري

دومنيك انا

اسف

وانشاء الله يحترمون قرارج

[Dominique]

ميرسي

كلك ذوق
.
.
.

[مشاغــب]

خخخخخخخ ..دومينيك اجيب القنابل نسوي قصف لووول


لا والله صح كلامها ومحد راح يزعل انشاء الله


تفهمو الامر .. <----- والي ينزل موضوع مكررر بهذا المسدس



لا لا ترى غشمره

ومشكووره دومينيك على التحذير والكل ملتزم باذن الله

[Dominique]

مشاغب

لووووووووووووووووووووووول

بس المسدس وايد كبير حرام كأنه بازوكة

لوووووووووووووول

انشالله محد يزعل

ميرسي
.
.
.

[sisi_moon]

كمان في شي بصراحه يزعجني ويتوهني

ان بعض الاعضاااء يروحون يردون على مواضيع تكون في الصفحه الرابعه او الخاامسه

والمواضيع الجديده اللي بالصفحه الاولى ينهضم حقها