رايكم ونصايحكم في الكاسكو الجديد

[قاهر الايام]

السلام عليكم ورحمة الله

وكل عام وانتم بخير مقدما

الحمد الله الله وفقني واخذت لي فرخ كاسكو محجل انتاج مزرعة من مزارع افريقيا

طبعا الطير الحمد الله ماشاء الله صحته ممتازه ونشيط وحركي

حجل ماله ذهبي ومكتوب عليه سنة الانتاج 2011
المهم اللحين ابيي رايكم فيه ونصايحكم لي من حيث التغذيه والادويه والفييتامينات اللي لازم اعطيه اياه طبعا حاليا لدي بودره للدود والحمد الله اخذته للاحتياط فقط والحمد الله للان لم استخدمه مع الطير القديم وان شاء الله ما احتاجها للجديد ايضا ولدي فيتامينات متعدده وهذي لا غنى عنها عند كل المربين ياريت ذكر لي ان كان فيه مضاد او دواء اعطيه اياه كوقايه وذكر الجرعه والمده وجزاكم الله الف خير

لاني قريت كثير يقولون ان مناعتهم تجي ضعيفه ومنهم من يقول انه مستحيل يعيش لانه يجي من الخارج محقون بفايروس مرض ومرده يموت واخر يقول كلام اخر مما جعلني اعيش في دوامه من الهلوسات ولكن في الاخير قلت ان كل شي بيد الله سبحانه وتعالى وان كان مكتوب له يعيش راح يعيش وان كانت مكتوب له يموت راح يموت ولو كنت مهتم فيه اخر اهتمام

ولكن مثل ما يقولون الوقايه خير من العلاج وانا اللي علي اسويه والباقي اتركه على رب العالمين علشان ابري ذمتي لو لا سمح الله وصار شي وما اكون قصرت عالطير

االمهم وبصراحه ابي اسميه لكن محتار شنو اسميه فقلت اشارككم الاختيار ونشوف شنو الاسم اللي يناسبه فياريت كل عضو يعطينا اقتراح للاسم

المهم اترككم مع صور الطير

اذكرو الله يا اخوان

بسم الله ماشاء الله

ماهو حجمه ؟



وكم عمره





وهذي تبين الفة الطير ما شاء الله عليه رغم انه فيه قليل من الخوف وهذا شي طبيعي وان شاء الله اول ما ابدي معاه التدريب راح يروح على طول وان شاء الله ما احصل صعوبات معاه في التدريب



وجزاكم الله الف خير ودعواتكم لي بالتوفيق في الطير ويعيش ويتكلم وانزل فيديواته في المنتدى كرد للمعروف لما تقدمونه لي ولجميع الاعضاء من نصح ومساعدات

تقبلو تحياتي اخوكم قاهر الايام