حصري مفتاح التدريب الحقيقي ودوره فعاله 100٪

[meto]

يا رب ان شاء الله خير تسلم يا غالى
على مجهودك

[pitbull terrier]

مشكور اخوي ..

معلومات قيمة ..

كما ان ردودك قيمة ..

بوركت جهودك يا الغالي ..

تحياتي لك ..

اخوك ..

.. علي ..

[Musab Pro]

شهاده اعتز فيها اخوي علي

ومنكم نستفيد

[الـــــــرازم]

Musab Pro

بارك الله فيك واشكرك على هذا المجهود الطيب

اتمنى لك التوفيق >>> وتستاهل سلامه ايدك اخوي

[الموسوي]

مشكوووووووووووووووووووووور اخوي على الكلام المفيد

تحياتي

[استفساراات]

ما شاء الله ..

كعادتك متألق في مواضيعك وابداعاتكـ ...

قرأت بداية الموضوع .. اروع من الرائع ..

لي عودة لآني منشغل شويات .. ^.^

[MoHaMmAd _999]

يعطيك العافيه اخوي وماقصرت

[كـش مـلك]

سسلـأإـأإم عليــكم
اخووي اولاً : اشكرك على ـأإ المجهوود وموضووع مميز وحلوو كــ صـأإحبــه
ربي يوفقــك على ـأإ المجهوود اخووي
مصعب

ثانياً : الموضووع ما يبيله تنسيق ما شاء الله هذا وانت مكسووره يدك كذا موضووعك وشلوون لو مو مكسووره ههههههههه



الله يشفيك ما تشووف شر ..) طهوراً انشاء الله (..

[ali fezo]

المشاركة الأصلية كتبت بواسطة Musab Pro

السلام عليكم
كثير من الاعضاء يشتكون من مشاكل التدريب والسر في ذلك هو عدم التركيز وهذا هو سري الثمين لكم و مفتاح التدريب .. في هذا الموضوع تتعلم كيف تصنع تمارينك بنفسك ولو تتبعت الكلام الموجود اضمن لك 100٪ طاعه قويه جدا
اخي الكريم انا بعطيك طرق انشالله نتائجها قويه حتى لو كلبك مهجن مع فقمه
اول شي طول بالك وقول لا اله الا الله .. الكلب مو غبي بالعكس ولكنه يحتاج تكرار عشان تثبت المعلومه..اعطائها اكثر من تمرين في نفس الفتره يسبب لها كونفيوزينق وبالتالي ما تتعلم .

السن من 4 الى 6 اشهر سن يلمع فيه الكلب بالتدريب على اوامر الطاعه ووهو حساس دائما تآكد انك تدرب بالشكل الصحيح لانك لو غلطت احتمال لا سمح الله ينتهي كلبك وما يتدرب ابد بعدين او يصعب عليك تصحيح الخطأ

ركز بالكلام اللي بقوله لك بالحذافير .

80٪ من الكلاب لا تنفذ الامر بسبب عدم التركيز عشان كذا انت لازم توفر له بيئه جيده للتدريب .
خل الكلب يجوع وابعد عنه اي شي ممكن يلعب فيه خل المكان حقه فاضي ولو كان متعود على اشياء يلعب فيها بالبيئه اللي هو عايش فيها دربه خارج البيت .
دائما اعط نفسك والكلب وقت تقظيها معاه تبني فيه علاقه وثقه.اذا كلبك ما يثق فيك ما راح يطالع فيك.
لا ولا ولا ولا تطق لو مهما يصير .كلبي اذا احد طقه اشقه نصين . والسبب ان شخصيته بتكون ظعيفه ودايم مطئطئ راسه لو انطق.
الحين عندنا كلب جوعان لنفرض مدة 10 ساعات ما اكل او اكثر .و يثق فيك ويحبك ويعرف انك مستحيل تظربه فهو مو خايف من شي .

اولا راح نعلمه على التركيز..لانك لو مثلا علمته على امر الجلوس ممكن مره يجلس وخمس مرات مو مركز معك بيتجاهل الامر وهنا يرتفع ضغطك وتظربه وهذا غلط.

لنفرض اسم الكلب ريكس .. اسم رنان و واضح
اجيب الكلب معي مربوط بليش وامشي معاه واخذه للمطبخ اطلع قطع صدور الدجاج المطبوخه واقطعها قدامه واخليه يشم الريحه والعب فيها ومررها قدامه اعمييييه وهو جوعان او اي اكل ثاني دراي فود اطلعه من الكيس قدامه احطه في شنطة خصر .اجننه اخليه يترجاني اوكله .

بيعرف ان الاكل معي وبيمشي وهو يطالع بيدك يبي الاكل .
يبدأ وقت الجد
الحين هو جنبك الاكل تحطه عند صدرك او عند وجهك وهو يطالع باي مكان ثاني وتنادي اسمه بصوت واضح ونغمه معبره
اول ما يطالع فيك باقل من جزء من الثانيه حط له الاكل وشجعه.
عطه وقت يتلفت وناد اسمه مره ثانيه او ما يشوفك عطه اكل وتشجيع وعلى هالحال 3 ايام الى اسبوع لا تعطيه اي امر ثاني .
الخلاصه
الكلب راح يفهم ان اذا ناديت اسمه راح يطالع بوجهك وهذا المفتاح الاول والاكبر للتدريب راح يكون مركز معك
هذا المقطع يوضح لك

http://www.youtube.com/watch?v=BvNvIq0H_Bc

بعد اسبوع من هذا التدريب تستفيد ان الكلب يعرف انك تعطيه جوائز على الافعال الصحيحه و تركيزه حلو معك

في حال عدم تنفيذ الامر لا تظرب ولا تصارخ بس لا تعطيه الاكل وروح وارجع له بعد ربع ساعه .

تدريب امر الجلوس sit

الطريقه كالتالي .. معك الليش ومسوي كنترول عليه .. تحط الليش على ظهر الكلب وتعطيه امر سيت تسحب الليش على ورى وبيدك الثانيه تظغط شوي على وركه حبه حبه لين يجلس

الكلب اذا حس بمقاومه كبيره بيعاند خلك حنين معه واول ما يجلس كافئه و صوت مفرح ومسح على راسه وصدره طيره بالعجه وخله يحس انه فصل الذره..

تطبق العمليه مره ثانيه وثالثه وبعدين ابعد عنه خليه يوقع قدامك واعطه امر سيت بدون مساعده لا ترجع الليش ولا تنزل وركه .. احنا خلاص عطيناه فكره عن سيت باقي نساعده يسويها لحاله والطريقه كالتالي ..
يوقف الكلب قدامك والاكل بيدك تقربه له عند وجهه بدون لا تعطيه بعدين ارفع الاكل بين عيونه هو اما ان يرجع خطوه او يجلس
قوله امر سيت اذا رجع ورى كرر الكمليه بدون لا تكافئ لين يجلس

اذا جلس سو له بارتي من مكافئه وتحميس وتصفيق .. الكلب مثل الطفل يحب هذي الاشياء.
وتكرر العمليه لمدة اسبوع لين ترسخ

فيديو توضيحي ..
http://www.youtube.com/watch?v=B6fcQapvGek

من الطبيعي الحين انكم فهمتو طريقة التدريب وطريقة تفكير الكلب .. الاساس هو انتباهه
التمارين الرئيسيه لاول شهر سيت و ستاند و داون و كم
sit,stand,down and come
خذ وقتك مع الكلب اعطه شهر تضمن فيه تعليمه الجيد افضل من اسبوع لا تضمن فيه التعليم الجيد .

طرق التدريب والتكنيك كثيره وتختلف شوف ايها اكثرها فعاليه درب نفسك عليها ثم درب الكلب .

لا تكرر الامر كثير عشان لا يتجاهل الكلب لازم يعرف من المره الاولى ان سيت مينز سيت .

اذا ما نفذ الكلب الامر قد يكون ما فهم او في مزاج تعبان او مريض او او او .. وسع صصدرك واتركه وتعال له بعدين .

ظرب الكلب سلاح دمار شامل.. لا تقول بعدين كلبي خواف كلبي يتجاهلني ..كلبي ينحاش مني .. كلبي يلعب مع اصدقائي ..

لا احد يلمس كلبك شيل كل الالعاب وخله يلعب متى ما انت بغيت اعطه وقت للعب انت معه و وقت مشي و وقت حنان بس تسدحه عندك وتدلله وتلمس فيه ..

مدة التدريب يجب ان لا تزيد عن نصف ساعه كحد اعلى بعدها تلعب الكلب و تعطيه وجبه دسمه.

اذا اطلقت سراح الكلب بعد يوم كامل من الحبس او الربط طبيعي يكون عنده طاقه عاليه يبي يركض ..اعطه جوه 10 دقايق يطيح اللي براسه بعدين هيئه للتدريب .

دائما وقت التدريب استخدم كلمات ثابته وحركات يد ثابته يحفضها الكلب لا تغير الاوامر كل مره .

هذي الفيديوات فيها بعض تكنيك التدريب
stand
sit
down
http://www.youtube.com/watch?v=yWBrX39I_bs
come
http://www.youtube.com/watch?v=ZsFxJNKoqpo
stay and break
ثبات و اطلاق السراح .. طريقه ممتازه لازم ما تغفل دايم مع ستي في بريك.
http://www.youtube.com/watch?v=FeuvTs_tlN8

اعذروني على الاطاله وعدم التنسيق .. يدي مكسوره

تسلم يا غالي
وسلامت ايدك

[Musab Pro]

تسلموووون والله نورتوا الموضوع بمروركم العطر


وبالنسبه ليدي الحين الحمد لله بخير وصحه

واللي يبي يجرب يجي يكاسر

كتب الموضوع في تاريخ 01-07-2010 لها ٦ اشهر بصحه وعافيه ولله الحمد .