حاله غريبه في سنجوبتي ان شاء الله تكون طبيعيه

[$عبووود$]

الله يكون في عونك
والله جربت هالإحساس كتير

[Withered Rose]

الله يعوضج توتي لا تندمين إنتي ما قصرتي معاها بشي وفرتيلها حياة حلوة و آمنة و هذا الحيوان اللي يبيه و هذا اللي الله كتبه .. و السنجابة أكيد الحين إرتاحت .. و أنا قبل صارت فيني هالسالفه سنجابتي اللي عاشت معاي أكثر من شهرين كنت حاطتها عندي و بس غيرت مكانها سبحان الله نسيتها يومين بسبب كثرة الحيوانات اللي أرعاها رحت عندها ولا متيبسه و بصراحه ما سويت لها شي و خفت حتى ادفنها و ضاق خلقي وايد هذاك اليوم اللي تمنيت إني ما ربيتها ..
السبب ممكن نوع الأكل لأن قريت إن للصيادن حمية خاصه و ممكن يكون القفص صغير عليها و الله أعلم ..و الحين حلو إن تبتدين مره يديده مثل ما قال " رد شارك" و تشترين نفسها و تعوضج عنها و تعيش حياة حلوة و أكيد راح تعوضج وايد عن فقدانها ..

[Moz3ej]

لا حول ولا قوة الا بالله

قريت موضوع تمنيت الحاله تكون طبيعيه

لكن تفاجأت بردك

الله يعووووضك توتي ..

ومثل ماقال اخوي رد شارك ..

جهزي القفص واشتري سنجاب غيره .. وان شااءاالله تتوفقين في تربيته



الله يصبرك

[Luis]

حزنت يوم رجعت البيت امس وكنت اضحك مع ربعي...

تفاجأت بخبر من أختي تقولي تعال....ماتت سنجابة توتي...

ماقدرت احدد موقفي وقتها...

قلت كل مني...لو اني فضيت من وقتي اشوي وجلست اكلم رعود

وارد عليها جان احسن بوايد...بس مثل ماقلتي .. الكلام مامنه فايده الحين.

الله يعوضج بأحسن منها أختي...وسوي اللي قالج عليه اخونا "ريد شارك"

وان شاء الله ماراح تفتقدين شي بعد هالتجربة...

[توتي]

اشكركم كلكم على هذه المشاعر.. واللي صار صار.. راضين بحكم الله.. ياما فقدنا ناس وبشر كانوا عايشين ويانا.. هذا مجرد حيوان.. والله انعم علينا بنعمة النسيان.. الحمد الله على كل حال..

عبوود.. اشكرك على الرد.. و الله يعين الجميع..


ويذردروز.. كلامج خلاني اندم.. الاني مشترتلها قفص كبير من 3 اسابيع يمكن وما نقلتها فيه.. .. وبالنسبه للأكل تراني شاورت فيه طبيب بيطري كان في السوق لدرجه اني سحبته وياي لين مكان الأكل وأكد لي انها تاكل أكل الهامسترات المخلوط + الحب الشمسي + الفواكه وانا ما كنت اعطيها منها غير التفاح.. والله ما يندر به هالطبيب يمكن ما يفتهم مع اني راويته صورها وأكد لي.. في ذمته الكلام اللي قالي اياه..


مزعج.. آسفه اذا ازعجتك بها الخبر.. لكن كنت محتاره في الحاله بين الطبيعيه والغير طبيعيه.. وفي الصباح انصدمت.. اسمحلنا.. والخدامه تقول لي يمكن ماتت الانها كانت وحيده.. والله اعلم..

اخوي لويس.. والله ما تقصر.. دوومك راعي و اجب.. واللي صار مكتوب.. ما نقدر نقول شي.. يوم اقولكم خلوني بطيوري احسن لي.. ما يخصني بالحيوانات الثانيه.. بس هيه تجربه وخضناها وهاي هيه نتايجها.. والله المستعان.. عاد الهديه هاي كانت من اختي الغاليه نجمة سهيل.. عشان جي كانت غاليه عليه.. الله يعوضنا خير.. واشكر الجميع..

تحياتي/ توتي