قصة موكا الهرباانه الله يشفيها

[آنـــــو]

ولله آنحرق قلبببي

كيف سمحتي له يرش مبيد قوي عليها ؟! ومن قوته ماحد قدر يقرب منها

فـ كيف هي المكسينه على جسمها وتلحس فيه وتتنفسه !!!

القطه بااااين تضرررت بقووووه من المبيد


حبيبتي البراغيث لها آدويه وعلاجات خاصه آمنه للقطط لو آنتي ماعندك علم بهالأمور تعالي آسئلي

مابنقصرر معاك كلنا هنا نفيدكم ونساعدكم ,, آو آبحثي بالمواضيع بالفهرس آو قسم سؤال وجواب بتحصليين شي يفيدك

شوفي هالرد

ليتك بس بحثتي آو جيتي سألتي قبل تتعرض هالمسكينه للخطر ..

المشاركة الأصلية كتبت بواسطة آنـــــو

هذا شكل البراغيث





وهي تقفز وتتواجد بأعداد كبيره على شعر القطط آو حتى على آثاثكم

وآماكن تواجدها على الرقبه والأكتاف ومؤخرة الظهر والأوراك وتسبب تهيج وهرش للقطط ولعق مفرط لنفسهم

وهذي مخلفاتها على شعر القطط مثل حبات التراب بلون داكن





طريقة فحص القطه تاخذ مشط آسنانه متقاربه

وتمشطها على ورقه بيضا آو منشفه بيضا حتى الحشرات وفضلاتها تتناثر عليه ومثل ماقلت فضلات البراغيث مثل الرمل بلون داكن





العلاجات المتوفره كثيره

منها الأطواق / والنقط الموضعيه اللي تنحط خلف الرقبه / حبوب / مشط خاص / شامبو خاص / بودره

والتحميم بشامبو الحشرات مرتين الى 3 مرات بالأسبوع



وطريقة التحميم المنصوح فيها آن تجيب طشت وتعبيه شوية مويه دافيه الى كوع القط تقريباً وتضيف شووووية

ديتول الأستحمام المخصص للبشر مو تنظيف الأرضيات آو خل تفاح بدل الديتول

آو تستغني عن الأثنين وتعتمد على الشامبو فقط لو حبيت وتفركها بالشامبو لمدة 5 دقائق

وممكن بعد الفرك تجيب المشط اللي آسنانه متقاربه مثل هذا وهو المخصص للبراغيث آو آي مشط مشابهه له



وتمشط جميع جسم القطه من الرأس حتى القوائم وهي بالطشت

ومع كل تمشيطه تغمس المشط بالمويه حتى ينظف من آي عوالق للحشرات وترجع تمشط لها حتى تتأكد خلوها من آي حشرات ..


وحاجه مهمه وهي ضروريه حتى مايضيع تعبك

لازم تنظيف كامل للبيت والمكان اللي تتواجد فيه القطه بموية وديتول وشوية كلوركس تعقيييم كامل للمكان

من آرضيات وسجاد وآثاث مرتين الى 3 مرات بالأسبوع لأن لو مانظفت في غضون ساعتين

من بعد تحميمها راح ترجع لها البرغيث وتتكاثر عليها

.. وبالتووفيق

.
.

آتمنى بجد آنك وديتيها اليوم بدون تأخير آكثر ومماطلله بالوقت وآستهانه بحجم المشكله وصحتها

آخذيها لعياده مضمونه سوي بحث بالقوقل وبتحلصين وخليك من هالفاشل حسبي الله فيهم ,,

وطمنينا بليزز

[Mo0oMo0o]

ليكون البيطري الشامي أو المصري دول ترا بس ينفعو بالاشياء العاديه يعني نصايح ويشخصو الحاله أنا جربت الاتنين بس ماينفعو للحالات اللي زي كدا

والعنايه عندهم مو قد كدا وزي ماقولتي يحممو القطط ويتركوها مايعتنو بيها بعدين انا شوفت كل شي بعيوني حتى طريقة مسكهم للقطط تخليكي تحلفي ماتدخلي عندهم تاني

لكن مايعالجو عندهم بالعاده يحولوكي لعياده بيطريه يكون فيها عنايه فائقه ودي بس للحالات الطارئه المميته *_*

انا شوفت حالات كتيره حولوها من عندهم قالو مانعالجها لأنها تحتاج عنايه فائقه بس المن دحين ماعرفت لوين يحولو ,, او ايش العياده اللي يتعاملو معاها ,

الله يعينك والله قطتك تقطع القلب بس لازم تتماسكي ولا تفقدي ألمك بالله هوا الشافي المعافي

ونصيحتي من كتر المبيد شعرها اضرر وممكن البراغيث ماراحت لو تقدري احلقي شعرها او قصيه قصير بعدين حيطول مو مشكله

وخدي قطن كبير بمويه دافيه وامسحي وجهها وجسمها هيا دحين تحتاج عنايتك قبل عناية أي بيطري

والابره إن شاء الله ماتأثر عليها سلبي بإذن الله لأنو حالتها مسكينه ماتتحمل ابر

وحاولي كمان تأكليها بيدك لأنو دي الايام محتاجه غذاء مفيد جسمها شكلها تعب مره

وشوفي بيطري تاني روحي ..... يقولو ممتازه العنايه عندهم بس روحي استشيري هناكا بيطريين وشوفي إيش حيقولو على حالتها

واشتري نفس المشط حق البراغيث اللي نزلتو آنو بردها ومشطيها ولا تخلي مكيف شغال قريب منها ولا شباك مفتوح والاسهال علاجو إنها تاكل شي قاسي زي الدراي فود دا مفيد لها


الله يشفيها يارب ولا تنسي تطمنينا عنها والله حزنت مره عليها
واعتني بيها لآخر لحظه وإن شاء الله تتعافى وترجعلها صحتها ,,

[تااالا]

الأخت ( آنــو )


الأخت ( Mo0oMo0o )

أشكر تفاعلكم مع الموضوع وتعاطفكم مع موكا ونصائحكم الذهبيه

بالنسبة للبراغيث أنا قرييت عنها وعرفت انو مدة علاجها تطول بس لأنو عندي قطه أخرى ما حبيت انها تقعد معاها في البيت عشان ما تعديها و لأني انا أقرف من الحشرات فما كنت بأتحمل اني امشطها في البيت

وبعدين الدكتوور قاال انو المبييد مو السبب بعدين اللي بستغربله يعني محل بيهتم بقطط وحيوانات صغييره لييش يرش مبييد ممكن يسبب لها تسمم الموضوع فيه إنه

بالنسبه للأكل والشرب القطه ما كانت تاكل ابدا ولا ترضى تفتح فمها وكنت أشربها اللبن وموية زمزم بكل صعوبه وبالسرنجه بدون الإبره زي ما نصحني الأخ out
و بعدين تستفرغ كمااان بصعوبه لأنها بطنها فاضيه وتخرج ماااده بيضاا في البداية لزجه برغوة وبعدين صااار يخرج سائل لونه بني محمر وشكلها يقطع القلب وهي تحاااول تستفرغ وتتقلب وتتخبط عشان يطلع اللي في بطنها
وطبعا حركة لا تروح ولا تجي ولما تجي تهرب مني لأني بحاول أشربها بالغصب أحسها تسحب نفسها سحب
انا قعدت معاااها امس اللليل مرااابطه الين الصبح وديتها جري عالدكتووور
والدكتووور اللي وديتها عنده مو اللي في واحة الحيوان فرع الستين لأني لاحظت انهم أي كلام
وديتها للعياااده ...............
شكلوا شاطر مدري وبيعمل عمليات
المهم أعطااها للعامل وقاللو ا نظفها انا خفت وقلت له بتحممموها تاني وهي بدي الحال قال لا بس تنظيف من تحت البسس التعبانين ما يحمموهم لأنها مسكييينه مرره معدومه بفضلاتها وريحتها فضيعه وبعدين اعطاها ابره للقئ والإسهال على قولته وبيخليها عنده تحت الإشراف الطبي
وربنا الشاافي
طبعا انا سألته ممكن تنجو يا دكتوور قال حسب مناعتها
ان شاء الله مناعتها تكووون قويه وتنجو
ودقيت اليوم المسا بسأل الدكتوور عنها قاللي لسه تعبانه

ونتوا يا أعضاء منتدااي المحبوووب
اللي قاااعده مرااابطه عليه هاذي اليومييين لا تنسوها من دعوااتكم

[OUT]

طبيعي بيقول المبيد مو السبب عشان مايبتلش

مو اي دكتور تصدقي كلامه

هذا اذا كان دكتور اصلا

اغلبهم جزارين ولايعرفو البيطره

الدكاتره البيطريه الكويسين ماينعدو على الأصابع بالسعوديه مو جده

المبيد اتوقع السبب

لأن من بعد مارشها بالمبيد انقلب حالها

السخونه والأسهال اعراضها بسيطه وماتأثر كثير على القط وتوقف اكله وحركته

لاكن الأعراض الي بقطتك واضح انها صعبه ممكن تسمم

اديها زبادي بالعسل بالسرنجه

واكل يمسك بطنها دراي فود اطحنيه وخليها تلحسو او دجاج

الا الدكتور الزول ماكشف عليها وقال وش فيها

وكيف يديها ابر بدون كشف وفحص دقيق لحالتها

ويحطها بالمتابعه عنده وبدون مايعرف وش فيها غريب

[Mo0oMo0o]

يارب خير

إنتي لا تتركيهم روحي بكرا وخدي رقم البيطري نفسو لا تتركيه بحالو عشان يعرف إنك وراه وبتسألي دايما
ما اعرف حيأكلوها هناكا شي ولا لأ انا ماعمري روحتلهم لكن أتمنى من الله إنو تتعافى وتكون مناعتها قويه لأنها مسكينه عانت كتير دي القطه

شوفي انتبهي لقطتك التانيه راقبيها ومشطيها وعقمي مكان ماتنام وتجلس الاتحتياط واجب لا تنسي خدي فرشه وديتول وكلوركس وخففيهم بمويه وابدأي عقمي المكان حتى لو كان عند باب الشارع

لأنو بإذن الله لما ترجع قطتك من العياده بالسلامه لازم البيت كلو ومكان ماكانت يكون معقم ونظيف

لا تنسي طمنينا عنها والله بالي مشغول عليها
واتصلي عليه دا البيطري اسألي كيفها حممتوها اكلتوها شربتوها وازا تقدري تروحي تشوفيها بنفسك يكون أفضل حتى لو لي 10 دقايق عشان قلبك يطمن

[تااالا]

الأخ out

الأخت Mo0oMo0o

ألأخت رآيقه

أشكركم على اهتمامكم وما توصوا حريص أنا كل شويه بتصل واتطمن بس الى الآن ماحد طمني وبيقولوا مررره تعبانه
والدكتووور قال انو لو مو متطعمه مناعتها بتكووون ضعيفه

و هي جاتني هديه مع قطتي سمووووكي وهي عمرها سنه والناس اللي كانت عندهم ما أهتموا بتطعيماتها
أنا من بكره حطعم سموووكي والحق عليها لا يصير فيها اللي صااار بأختها

[تااالا]

مووكااا مااتت

[Mo0oMo0o]

يالله

الله يعوضك خير يارب والله مسكينه عانت كتير هادي القطه

الله يرحمها ويعوضك خير ..

وعجلي ودي قطتك التانيه طعميها وافحصيها خليهم يشوفو صحتها العامه ويارب يخليلك هيا وتعوضك عن موكا

[OUT]

الله يعوضك

عارف الزول حطها عنده وراح البيت هذا اذا كمان حط اكل وشرب ولا لا

كان المفروض يكشف عليها اول ماجبتيها ويديها العلاج المناسب

كلو من الجزار الأول ابو مبيد

[OUT]

سوي كشف لحالتها وسبب وفاتها

وتقرير طبي عن سبب الوفاه

لو من المبيد حاسبي الجزار الأول

لأني لو انا منك ماحسكت واجيب العيد فيه

ولو سكتي وطنشتي بيكون فيه ضحيه غيرك