يا اصحاب الخبرة تعالوا شوفوا هالببغاء شرايكم فيه؟

[الوفاء1]

طيب لو سمحت اللببغاء الي يجعر الصغير كم سعره تقريبا

[مطلوب أفريقي]

اذا تسألني انا شفت واحد صغير يجعر بـ 900 بس موب صغير وغالي عليه هالسعر

هذا بسوق الحمام الي بالرياض

اسعار الي تجعر 800 و850 وفيها بس نظيفه وزينه وصغيرة ومزبوطه وأليفه تقريباً

وكلها ارفيقيات لاهي كينيات ولا هولنديات ..

واذا قصدك على الكيني او التمنه شفتها بـ 600 وماعجبتني حتى اشكالهم معوقه الي عارضهم بالسوق .. لاهيب اليفه ولا شي

والله يعطيكم العافية يا جماعه رحت اشتريه بس مالقيت راعيه اليوم الله يستر لا يكون راح مع اني مواعده اليوم ^_^

يالله بارو اشوفه بكرة ان شالله الاقيه وأشتريه .. وأدخل عالم الطيور

[عبود القبوط]

انشاء الله تلاقيه

وترا في واحد معنى بالمنتدى

أسمه بائع الأفريقي أو شي زي كذا أسمه طيوره حلوه

[the-gray]

يا اخوي انت حجزته ولا كلام

لأنه احتمال يكون باعه

انا اشوف سعره مناسب حاول معاه ينزل السعره شوي
وتأكد ان صحته ممتازه وعلى البركه

[خالد شاهين]

ما شائ اللة طير جميل توكل على اللة واشترية اخي سعر مناسب جدا.