لمسات هندسيه&ديكوريه لحوضي (( جديد ))

[S-I]

الف الف مبروك على الحوض وشكرا على الصور

[zazo]

ماشاء الله
مبروك على التعديلات الخرافية و الهندسية
بس من جد حوضك ماشاءالله جميل
ويالله منتظرين الاسماك المتوحشة

عندي سمكتين جورامي ازرق مجنيني كل يوم ضرب في بعضهم تاخذهم؟؟ يعني اذا ودك تصور افلام اكشن في الحوض

[anona]

بصراحة من اجمل الاحواض الي شفتها على فكرة بحفظ الصورة وبحاول اسوي مثله اذا ممكنِ

[مدمن حيوانات]

والله انا جربت اللاحم (السيكلد وربعه ) وعجبني والله

[قطو_Q8te]

السلام عليكم
مشكوووووووووووووووورين اخواني واختي عالردود الي تفرح ماقصرتوا ..
زازو انت من وين؟ لوول
امس رحت سوق الحمام وشريت ثلاث انواع جورامي اول مره ينزلون بلكويت وعجيبين ماشالله عليهم راح انزل صورهم قريبا" , وخذيت رقم صاحب المحل قلتله اذا نزلت جورامي ازرق راح اتصل عليك ,, لانه راعاني بكمية السمك لما شريت
وعنونا الحوض حوضج اختي وسوي الي تبينه وناطرين حوضج ان شاء الله

[Reptiles]

قطو جم رقم المحل او اي صوب بالضبط بالسوق الي شريت منه الجورامي

[اردني وافتخر]

لمسات حلوه والحوض احلى من هيك ما فيه

[قطو_Q8te]

ريبتايلس ,,
تصدق ماحفظت رقم المحل
بس الي داخله اسمه بشير
صاير بالجبره الي عاليسااار تقريبا اااااااااخر شي
على يمين الباب وانت داش اكو حوض كله سمج طويل فضي نسيت شسمه بعد بس مفترس
وعالاستاندات فك سمك قرش يمكن فوق الـ 7 .

والحين بحط صور السمج الي يبتهم بموضوع مستقل
واي شي حاضر حبيبي ,,
ولاتروح الحين لانه قالي بعد اسبوع او اسبوعين راح ينزل جورامي ازرق واحمر مثل الي كانو عندي انجانك شفت موضوعي الاولي حاط صورهم ( بس للاسف ماتو من حسد عين فلانـ ........... ) .
وترا باعني الـ 3 بدينار انت لاتقوله سيدا ال3 بدينار
اول شي قوله جم
بعدين قوله باخذ من هذا وهذا وهذا
يعب الجيس ماي بعدين قوله يلا ثلاث من هذا وهذا .. وانت وشطارة اسلوبك

-

اردني وافتخر
تسلم حبيبي وماتقصر

[fady]

thnxxxxxxxxxxxxxxxxxxxxxxxx

[مرجانة]

مرحبا

اخ قطو الله يوفقك بسمكاتك المتوحشة اليديدة.
حوضك مشاء الله وايد ديكوره حلو، انا بعدي بالحوض التجريبي و لازمني وقت بعد.
ان شاء الله بسوي مثل ديكور حوضك
..عادي اذا خديت الصور من موضوعك؟؟؟ "تبربش بعينيها--تعرف تمثل دور البريئة الاخت!"

ممكن اسفسر منك اخ قطو...الاسماك المفترسة يلي بتربيها بتعيش فشكل جماعي؟ يعني يشكلون مثل القطيع في السباحة و وقت الاكل ولا كل سمكة منفردة بذاتها؟