رجاء ساعدوني الله يحفظكم

[فلاح القاسم]

بما أن الأم منتفة فالوضع مطمئن إلى حد ما،،

لكن أعتقد انه كان لازم يكون للأرنبة بيت علشان تولد فيه،،

بالنسبة للمس الأرانب بالقفاز ما فيه أي حرج،،

وبالنسبة لرضاعة الأولاد إذا حسيتي إن الأرنوبات صاروا هزال فمعاته انهم موب راضعين واذا كانوا مكرشين فمعناته وضعهم تمام،،،

بما أن الأرانب الصغيرة مالهم بيت مستقل،،،

ومعرضين للأرانب الثانية،،

نصيحتي لج شيء واحد،،

حاولي تجيبي قفص صغير او مكعب شبكي يادوب يكفي الأم مع أولادها يعني تقريبا 50× 70 سم وتغطيه على الأولاد وتحطي الأم معاهم مع أكل وماي بحيث تكون الأم محبوسة مع الأولاد وبالتالي تضطر ترضعهم،،

وهذا شيء مجرب لكن يعتمد على مزاجية الأرنبة إذا تحب ترضع أولادها أو لأ..

هذا اللي أقدر أساعدج فيه لأني ما شفت الصور لكن عن طريق خيالي،،

في المرة الجاية لازم توفرين بيوت للأرانب لأجل إنها تولد فيهم وبحاول أحط لكم البيوت اللي عندي..

[احلى ارنوبه]

الله يطمن قلبك ياأخوي
لكن البيبيز ماعليهم خوف لان ماعندي غير إمهم وأبوهم بس
وفيه عندي قفص تقريبا مثل اللي قلت والصباح قبل أداوم كانو دبدوبين لكن أخاف يموتو لو ارنوبه ماطلت عليهم
وبرأيك ألحين أحطهم بالقفص والا أصبر لبكرا لأن إمهم صايره حولهم وهذي أول مره أشوفه ملازمه مكان واحد فتره طويله
وربي يسعدك ويطمن قلبك مثل ماطمنتني ياأخوي

[فلاح القاسم]

على راحتك يا أختي لكن مع مراعاة أن القفص الصغير هو اللي ينحط فوقهم مش تنقليهم هم..
يعني تغطيهم بحيث ما يتغير مكانهم وتكون الام معاهم طول الوقت مع أكل وماي،،

وعلى فكرة الأب ماله أي دور إلا تلقيح الأم يعني ما يهتم بالصغر أبد،،

اللي يهمه أنهم يكبرون فيخلي الأناث ويقضي على الذكور هع ..

[احلى ارنوبه]

أها على كذا أشيل قاعدة القفص الثاني الأصغر(يكفي أرنبين بعمر7شهور وأكثر)
وبعدين أرنوب رب إسره ممتاز كل شوي يطل عالصغار
أتوقع أخليهم مكانهم اليوم وبكرا أضبط القفص عليهم لأني مابي أربك أرنوبه بالليل وعشان أشوف بكرا هي مرضعتهم والا لا
تسلم والله ياخوي وربي يفتح لك ابواب السعاده وين مارحت

[أم الكتاكيت]

اختي تقدرين تصورين القفص بكاميرا الجوال وارسليها بلوتوث لكمبيوترك وصغري الصوره ونزليها