قررت أشتري أصلة بورمية ولكن عندي استفسارات

[عاشق عود]

وياعاشق لازم تتقبل اي شي وتتحمله دامك اشتريت ثعبان , وانا مستحيل امسك الفيران لكن غصب اربيهم

يمكن في المراحل المتقدمة اربي فيران
اذا صار عندي مجموعة ثعابين وعندي مكان للفيران

لكن الآن انا مجرد مبتدي أول ثعبان أربية وبتكون عندي بالبيت

[|| PyTHoN ||]

على اجواءنا ما اعتقد في فارق كبير الحين
جونا عالعموم تقريباً من الساعه 11 الى 3 العصر يكون حول الـ 48
الجو صراحةً إبداع

يفضل بعد هالوقت يعني قريب المغرب و مع ان الجو حار فشمسها مده
مو اكثر من ثلث ساعه ، ساعه كثير بهالجو ، لو درجة الحراره حول الـ 30
مافي مشكله تتركها مده ، لكن زياده الحراره بهالشكل تكون مضره لها ،

و بالنسبه للأكل مالك الا الإنتاج أو انك تدور أحد يبيع بالمنطقه الي انت فيها
غير المحلات ، المحلات لو ان عندهم ببيعون غالي بشوفلك احد ينتج منهم
لو انك مستبعد فكرة الإنتاج نهائياً ،

و الحوض يفضل يكون تفصال خصوصاً أنك بتاخذ بورميس ، احواض السمك بتاخذهم
ما يمشون معاك سنه ألا بتحتاج أكبر ..

و بالتوفيق ،

[عاشق عود]

مشكووور بايثون
ومن ناحية الجو معك حق
طيب اش هي درجة الحرارة المناسبة للمكان اللي بأحطها فيه

ووين أفصل لها بيت . ؟؟
عند النجارين ولا عند محلات الألمنيوم ولا في ورش الحداده
وين يفصلون ؟؟؟

[عاشق عود]

فيه برضو سؤال عن الاستحمام

لو احطها بحوض كبير مليان مويه
تغرق وتموت ؟؟؟ ولا تقدر تسبح !!

وكيف انظفهاا

[|| PyTHoN ||]

الحراره لو تبي بشكل احترافي فتكون متدرجه
يعني جهه 31 النص 29 الطرف 27

لكن ممكن تعتمد درجة حراره وحده 28 و بتكون تمام ،

الحوض تفصله على راحتك نجار او اياً كان ، الخشب لو بتحطه
اخذ الي ضد الماي الي يستخدمونه للبنيان لونه اسود

يفضل انك تسويه مترين × متر عشان تريح نفسك و ما تفكر بالحوض

و عادي تقدر تسبح ما يصير شي ، حطها بالماي و خلها ،
و عالعموم ماعون الماي يفضل يكون كبير بحيث يكفيها تدخل فيه

.
.

[عاشق عود]

أبشركم وصلت بالسلامه
ما شاء الله تبارك الله عسووله ونظيفة

واول ما وصلت روشتها في حوض حطيت مويه معتدلة لا حارة ولا بارده
ونشفتها
وحطيتها مؤقتا في قفص خشب وأسلاك ( قفص ارانب ) طوله متر و 20 تقريبا
حطيت لها مخبأ كرتون قلبته على وجهه وفتحت فيه باب
وحطيت لها علبة موية تقريبا 40 او 50 سم بس عميقة شوي
والأرض مفروشة جرايد


الحين كلش تمام
بس باقي ناقصني اشوف حل للأكل
صاحبها يقول لو عطيتها أكل ميت ما تآكله
ويقول لا تعطيها هامستر لانه بيعضها عطها فيران
وانا مبتلش ما عندي فيران

وحجمها صغير مررره ما بتقدر تآكل غير الحاجتين هذي

قاعد افكر القى طريقة ادوخ الهامستر ادخله عليها دايخ علشان ما يعضها

[ريان!]

ماشاء الله مبرووك

ليه ماتاكل الميت ؟
تاكله اكيد واي ثعبان ممكن انه ياكل بس اذا قتلته بوقته , لن الدم يكون توه حار + الريحه .. يعني كنه مامات بالنسبه للثعبان
لكن اذا كان ميت من اول اكيد ماراح تاكله ..

ولو بتدخله حي حاااول تجيب شي على قد حجم الثعببان , لني قد جبت اكبر منه بشوي وعض الثعبان لين قال بسس , واذا انعض بيخاف من الهامستر وماراح ياكل لمدة كم يوم , والهامستر بيموت ..

[عاشق عود]

والله مدري انا قلت لصاحبها باعطيها هامستر قال لا بيعضها
قلت بأقتله وأعطيها
قال لا لو قتلته ما بتآكله

لني قد جبت اكبر منه بشوي وعض الثعبان لين قال بسس

والله لو أعطيها هامستر ويعضها لألعن سلسبيل اهله
من الوناسة مواصل لي يومين

طيب وش ناصيحكم من ناحية اللعب بها وشلشلتها
لأني أزعجتها من يوم جات ما نزلتها من يدي
صارت زي المسبحه

وكم ساعه تنام باليوم
ومتى تنام بالليل ولا بالنهار

اعذروني ازعجتكم وكثرت عليكم اسئلة
لكن توي مبتدئ في التربية واخاف اغلط غلطه وتكلفني اصلتي

وفيه برضو سؤال
سمعت اني اذا شلتها بعد الأكل بترجع الأكل اللي أكلته
طيب كيف انقلها للبيت ؟؟؟

لاني مابي اعودها تآكل داخل القفص ( قريت نصيحة بالنت تقول لا تعودها تآكل داخل القفص )
ابيها تآكل برا

[ريان!]

بالعكس احسن شي انك تعودها على الحمل من يوم هي صغيره لن اذا خليتها كثير بالحوض بتصير هجوميه
سالفة النوم ماعرف والله لكن ممكن وهي نايمه تشيلها مافي مشكله
لكن انتبه اذا بدا يغمق لون الجلد , لاتشيلها ابد .. لن هذي المرحله تقشر جلدها وتكون متوتره , وتكون هجوميه اكثر , يعني لاتشيلها ولاتعطيها اكل بالمده هذي

بعد ماتاكل بعشر دقايق شلها مافي مشكله ماراح ترجع الاكل .. ومافي مشكله بعد لو اكلتها داخل الحوض (لني قريت بعض المعلومات هنا وللأسف صارت خاطئه)
(لن السبب اللي قالوه ان ممكن تهجم عليك اوقات ماتجي تعدل الحوض وتحسبك فار او شي زي كذا)
هالشي ممكن يكون صحيح بحاله وحده , ان ريحه الفار تكون بيدك ^^

[عاشق عود]

معلومات جدا مفيده

شكرا لك ريان ما قصرت
ومن ناحية الاكل

جاني فكرة أربط رجول الهامستر وايديه
علشان ما يتحرك من مكانة ويكون عايش
بس اخاف الحبل ينفك مع الهظم ويسوي لها مشكلة بالهظم

وهي تتصرف