اشترك في نشرتنا البريدية ليصلك كل جديد

الخيّال · 15-07-2007, 04:47 AM

اقتباس:

المشاركة الأصلية كتبت بواسطة سام

شكرا على مرورك اخوي الخيال ..
طيب شو تقترح بوجهة نظرك افضل الافاعي للمبتدئ ؟؟
وما احتياجاتها ؟!!!

اخوي الاصلات كثيرة ولكم افضلها للمبتدئ

الاصلة الملكية
والاصلة البورمية
والبوا العاصرة

الانواع هذي تكون غالبا هادئة واهم شي قبل ما تاخذها تاكد ان صحتها زينة وتاكل بشكل طبيعي

واحتياجاتها حوض وارضية تراب او ورق ووعاء للماء ودرجة حرارة مناسبة واكل كل اسبوع

هاوي ثعابين · 15-07-2007, 05:26 AM

انا انصحك بثعبان الناتركس البرمائي صغير الحجم و رخيص و سهل التربيه و يعيش في بيئه بسيطه و طعامه متوفر ( سمك زينه ) .

سام · 15-07-2007, 02:22 PM

تسلم اخوي الخيــال وهـــــ ثعابين ــــاوي ..

وخلاص ان شاء الله انا باخذ بنصيحتكم وباخذ واحد من الثعابين الي اقترحتموها لي ..

شكرا مره ثانية وما قصرتوا وياي ... ^^

Ghoroub · 15-07-2007, 03:29 PM

ما أنصحك بالأصلات كبداية لأنها تحتاج درجة حرارة ورطوبة معينة وراح تغلبك في الأكل لو ما كانت مرتاحة في حوضها

الثعبان المائي خايس ويطلع ريحة كريهة وملمسه مقرف (زي الضفدع تقريبا)

جرب أبو سيور كبداية ما يحتاج عناية خاصة وسعره رخيص

تحياتي

Q8kuwait · 16-07-2007, 01:09 AM

الاصلة البورمية غير مناسبة للمبدئين .. لان طبعا و سلوكها نوعا ما متوحشا بعض الاحيان .. وخاصتن عندما يصبح الثعبان كبير جدا

حتي البواء العاصره .. و افضل اصلة من ناحية الامان الملكية و السجادية و غيرها من الاصلات الصغيره

سام · 16-07-2007, 01:34 AM

شكرا اخوي Ghoroub على مرورك لكن انا ما عجبني ابو سيور واظن اني راح اخذ اصله وبحاول امن احتياجاتها ..

تسلم اخوي Q8kuwait على المعلومة الطيبة و انا تقريبا 90% راح اخذ اصله ملكية (بول بايثون) وحاااااب اخذها وهي صغيرة عشان تتعود علي واتعود عليها بنفس الوقت !!

واخواني لو تقدرون تفيدوني بلاصله الملكية الصغيرة واحتياجاتها اكون ممنون لكم ... !!

Ghoroub · 16-07-2007, 04:57 PM

السلام عليكم
الخبراء وأصحاب الهواية تقريبا جاوبوا على معظم أسئلتك الموجودة في الموضوع الثاني
إن شاء الله راح تستمتع معاها وتحببك في هذي الهواية

تحياتي