بعض من فن أناملي ... أتمنى تعجبكم

[المميز1000000]

ماشاء الله

[ناصـر]

دوميـّنيـــك .. وش ذاً الابداع ؟!

بيكاســـو النسخـــه المُطـوره , صراحـــة المنـتدى لـزوم ياخــذ صـوره أو بالاحرى تـُحفـــه من عنـدك
ويعــلقها فــ واجـــهة المنتـــــدى !!

دوّمم , أذا مافيها عـ قولة المصاريـــه " غلاســه " أبي لوحـــه أعلقها فـ الغرفــــة !!
منها زايـــدة جماليــة الغـــرفة ومنها لاكبرنـا وصارتــي مشهوره أبيعها بمـلاييــــن

< فـكـّر أقتصادي


تـرى كل اللـي فوق حقيـــقة وربـــــي


وحفـــظ يمناًك ان شاء الله

[Dominique]

fan :

إنتي أحلى .. مشكورة على تشريفج الموضوع

**********

المميز 1000000 :

مشكور أخوي على المرور

**********

ناصر :

أشكرك على هالإطراء الروعة.. جدجد أخجلتم تواضع Dominique ..

أتمنى تكون عجبتكم صج مو مجاملة لأني عضوة وزميلة

دامك بتبيع لوحاتي بملايين عيل ماكو ولا لوحة يعني وحدة نحيسة

بعتهم كلهم

لا جد تستاهل ولا غلاسة و لا حاجة ياخوووووية ..

سيفها عندك بس مو تطبعها وتحط توقيعك وتبيعها.. ترى هاااااااا

أفضحك

الله يجبر بخاطرك



تحياتي للجميع

[CaTTy]

يه يه يه يه دومنيك طلعتي فنانه من ورانا واحنا اخر من يعلم

صج صج صج ماشاء الله تبارك الرحمن

رسامه

تسلم ايدياتج وتسلمين لنا

ودوووم انشوفج مبدعه يارب

ومنها للاعلى وانشوفلج معارض تارسه الديره وبرا الديره بعد

[Dominique]

حبيبتي Catty

أحلى مرور والله ..

يعطيج العافية على التشجيع والله يسلمج لنا يارب وما ننحرم من طلتج على مواضيعنا

عاد تصدقين عندي معرض قريييييييييب حيل بس أزياء مو رسومات

انشالله بالديرة أوووووهووووو أترسها إذا مشت البضاعة اللي عندي..

بس بره الديرة تو الناس عليها

( يعني وحدة مصدقة عمرها )

تحياتي الحارة

[$عبووود$]

موهوووووووووووووووووووووووووووووووووب
ما شاء الله عليك

[MrLiOn]

ما شاء الله تبارك الله .. عيني عليتس باردة
بس أنتي تخصصك هندسة ديكور ولا فنون تشكيلية

عموما روووعة .. وبس حبيت أنبه إلى أن رسم ذوات الأرواح وارد فيه الحكم الشرعي بالتحريم

ولا تنسينا بشعار تو زو

[Dominique]

هلا عبود

مشكووووووووووووووور على المروووووووووووووووور

أخوي أنه بنت مو ولد..

ميرسي

*************

مستر ليون :

ميرسي مشرفنا الكريم الله لا يحرمنا من ردودك..

آنه تخصص هندسة ديكور بس والله شسوي مطلوب منا نرسم جذي سوالف وإذا ما رسمنا ما نتخرج ويحطونا الدكاترة فيبالهم

وعلى فكرة هاللوحات كانت تحدي بيني وبين الدكتور إني أخلصها بالمدة المحددة بدون لا يلمسها أهو..

لأنه متعود يحط يده في لوحات الطلبة.. والاخت دم ضروسها أحد يلمس لوحاتها

آنه أشتغل حق الطالبات والطلبة ويطلعون على أكتافي بالدرجات ولا أخلي مخلوق يمد يده بلوحتي ..

أصلا محد يسترجي مجرد يعرض اقتراح

وآنه طبعا كسبت التحدي وانصفق وجهه الدكتور يوم شافها جاهزة وعلى الموعد وخذيت الدرجة كااااااااااملة


مشكور على التعليق الحلو وإنت أروع يا ملك الغابة

وتوزوو فعيوني

أفا عليكم إنتوا بس نطروا علي أخلص المعرض وحاضرين للطيبين

مستر ليون ليش نقلتوا موضوعي white beauty ?

جذي راح يموت لأن ماشوف وايد يزورون معرض الصور أكثر شي استراحة الهواة

بس يالله مقبولة منكم



تحياتي

[بدر^الكويت]

ماشالله تسلم ايدج اختي دومينيك
والله لوحات عجيبه.
جنج تدرين اني ارعرف ارسم بعد.
تحياتي لج

[Dominique]

هلا فيك بدر

نور الموضوع والله من زاره البدر

قمت أقول شعر

الله يسلمك وجانك ترسم يحفظلك أناملك لأنها راس مال الفنان

يالله شاركنا بلوحاتك خلنا نطريك


تحياتي القلبية الحارة