يــــوميـــــات ببــــغاواتكم اليــــوميـــــة (نقاش واستفادة علمية)

[ابو محمــد]

المشاركة الأصلية كتبت بواسطة صاحب رأي

يا أخي يا أبو محمد وش هذا الإبداع مشاء الله تبارك الله عليك

والله أني حسيت إنك عايش معاهم وإنك صاحبهم وإنك أنت اللي سألتني

فعلا الطير اللي ما يتكلم عنده صوت القطة و ( السؤال هل الطير اللي عندك تكلم

بعد التلقين الإنفرادي )


وفعلا الثاني غير إليف كما وصفت بمعنى أنه يغدر بمربية ويهرب عنه

ولا يحمله على يده إلا بصعوبة .( هل فيه أمل يصبح أليف )

لأن الببغاوات كأنها تأمرت عليه حتى لا يفرط في واحد منها

الأول قال أنا راح أتكلم وأبدع والثاني قال راح أكون أليف جدا

ولو أجتمعت هذه الخصلتين يمكن يفرط في واحد مننا

بصراحة الطير اللي كان عندي قبل 10 سنوات تقريبا وكنت وقتها ادربها شهر وابيعها

بالعربي الطير ما طول معي ولكن ما يمنع انه يتكلم لان الطيور الخجولة طبيعتها خجولة

ولو تلاحظ هذا الطير اللي عند صاحبك يتكلم بينه وبين نفسة بصوت خافت وهذا نوع من التجربة

ويحاول يتقن الكلمات لكن اللي جنبه ما يعطية فرصة وسلامتك يالغالي.

الغدر في الطيور الاليفة والغير اليفة وهذا نوع من الهيئة او الطبيعة في الطائر

واذا يطلع على اليد وتمسح على راسة ممتاز

بالتوفيق لك .

[بلاك بيري]

ماشاءالله اخوي بو محمد من تألق لتألق

ربي يوفقك اكثر واكثر وبعد اذنك بنشاركك بارائنا وخبراتنا في هذا المجال

تحياتي

[ابو محمــد]

المشاركة الأصلية كتبت بواسطة بلاك بيري

ماشاءالله اخوي بو محمد من تألق لتألق

ربي يوفقك اكثر واكثر وبعد اذنك بنشاركك بارائنا وخبراتنا في هذا المجال

تحياتي

المحل محلك ويسعدنا مشاركتك معنا.

[ابو محمــد]

السلام عليكم ورحمة الله وبركاتة

بالنسبة لقص الاظافر والاجنحة كثير من المربين ينصح عدم قصها وانا معهم في الرأي...

طيب يجيك واحد محترف يقول انا خبير ودائما اقلم اظافر طيوري وابرد منقارهم واقص اجنحتهم ما اختلفنا

لكن بشرط يكون الطائر غير منزعج او يجعر وتكون بطريقة احترافية عن طريق المنشفة

تصدقون اليوم جازفت مع كوكو وبديت بلفة بالمنشفة وكان هادي وبنفس الوقت متوتر ودقات قلبه سريعة

لدرجة اني احاول اقص اظافيرة بسرعة قبل ما يوقف قلبة ...

تقرريبا اخذ معي اقل من عشر دقائق لكن حسيت بنظرراتة نوع من الحزن لدرجة اني ضميتة على صدري

وهو مو قادر يمسك انفاسة وبديت اهدية لمدة رربع ساعة والحمد لله بدأ يصفف ريشة ورجع نااام

الخلاصة الطيور تتأثر من معاملة المربي اكثر من الغريب لذلك انصح الاخوان تجنب برد المنقارر والاظافر

وجزاكم الله خير على المتابعة .

اخوكم ابو محمــد

[رمان قطر]

تسلم اخوي بو محمد على الموضوع اللي كلنا بنستفيد منه

خصوصا انا بحكم اني جديد بتربية هالنوع من الحيوانا الببغاء بشكل عام والكاسكو بشكل خاص

ربيت انواع مختلفه من الحيوانات لكن الببغاء جذبني وكل مره اروح ابي اشتري لي فرخ واما اني ما الاقي او اني اشوف شي

واهون . لين ما شريت هالطير من 10 ايام وبصراحه خلاني ما اطلع من البيت كل يوم يطلع لي بشي وبحركه يديده يهد القفص

والستناند ويقعد بحضني واوقات يكون نايم ويقوم يكمل نومه يمي . صج مستمتع بتربيته وكل يوم ابحث عن تصرفات وطبايع

الكاسكو . بس اللي نا قصني انه يتكلم . واعتقد ان عنده بداية كلام لكني مب متاكد . يعني يطلع اصوات غريبه كنه يبي يقول

شي او كنه يتحلطم لكنه للحين ما نطق بآي كلمه مفهومه

[رنوشة]

انا اول ماشتريت موكتى طبعا هى انثى خوفت اقص اظافرها للعلم انها طويلة جدا ولما نتظرت عليها فتره مو كبيره الظفر طوول ولف ودخل فى صوبعها المقابل للظفر الطويل وماخدت بالى الا لما لقيتها مو قادره تقف على رجليها طبعا على طول جبت القصافه وقصيت الظفر الطويل بس أتألمت وصرخت ووجعت قلبى عليها كنت هموت عليها بجد ساعتها حاولت اكرر بعدها بشهور انى اقص اظافرها اتوجعت وصرخت من الالم مش لاقيه طريقة بجد اقصهم ليها وماعندى قلب اكرر الموضوع لانها بتصرخ من الوجع لما اجى اقصه للعلم انى بقص طرفه فقط ما بتعمق بقصه وهى كمان مو اليفه دايما تعض ايش الحل معاهااا

[ابو محمــد]

المعذرة عن الانقطاع وللحديث بقية.

بالتوفيق

[الخبر مان]

الله يجزاك خير يابو محمد ويكثر من أمثالك

موضوع رائع ويعتبر مرجع مفيد للأعضاء ..

أنا بكتب عن ببغائي اللي محيرني صراحة مرات أحسه ذكي ومرات أغبى مخلوقات الله

ومرات شديد ومرات خواف .. مدري والله يابو محمد طير مجنون وجنني معاه ..

أول ماشريته قبل أكثر من سنة كان أليف معاي ويخليني أمسح راسه وجسمه وفجأة

مدري وش السبب هل لأني سافرت لمدة أكثر من شهر وتركته صار يكرهني ولا ايش ؟!

من بعدها لقيت عليه تغير نسبي شوي شوي بدأ يبتعد عني وصار يحب أخوي ..

إذا جاء أخوي يصفر له بتصفير خاص بينهم ( شفرة ) ..

مدري هل المشكلة من إني أنا أسوي الأشياء اللي يكرهها ويخاف منها مثل الترويش

أشيله بالمنشفة من القفص وهو يخاف ..

أو لأني مرة من المرات شريت قفاز وحاولت أدربه الطلوع على اليد وأعتقد إنها أحد أسباب

إبتعاده عني ؟!

مع إنه مازال للحين ياكل من يدي بس وهو داخل القفص ..

الشيء الملفت للنظر إنه الحين يوم يحس إني جاي يوقف عن الكلام فجأة ويناظر فيني خايف

غير عن الأهل كلهم مع إني أنا اللي مهتم بأكله وشربه وتنظيف القفص وترويشه

ملحوظة : مرفق فيديو قديم للبغاء لإطلاع الخبراء عليه وعلى سلوكه ومقدار ذكائه من غبائه

ياليت إذا فيه إمكانية وضع خطوات لاسترجاع ثقته فيني أن تضعها مشكوراً أخوي أبو محمد

وشكراً لك أخوي ..

http://www.youtube.com/watch?v=Sa3F0...O5k_dM1-82RgC7

[بو اروى]

موضوع أكثر من رائع تشكر عليه

طيب انا ودي اطرح تجربتي مع الكاسكو حقي

انا عندي واحد افريقي اخذته متوحش وعمره فوق السنة (العين لونها ابيض)

طبعا الحمد لله وخلال فترة قياسية قدرت اروض هالطير مع العلم انه شرس جدا ويجعر بصوت على قولة المدام

كأنه دايناصور.

المهم الان وبعد الترويض اصبح الطائر اليف جدا جدا جدا بحيث انه يصعد على اليد بكل سهوله وتمسح على

جميع اجزاء جسمه بدون اي مشكله تذكر.

وفي حاجة اتوقع انها كويسه الطير مايصفف ريشه ولا ينظف جسمه الا اذا حطيته على صدري او بطني وانا على

السرير بحيث انه ياخذ راحته بشكل كامل. وبعد التنظيف وصف الريش يقوم بوضع رأسه تحت يدي عشان اقوم

بمسح راسه.

عموما بعد هالمقدمة الطويلة مع كل هذه العناية والدلال والتنويع في الاكل والحرص على نظافة القفص

الطائر للاسف لاينطق ولا كلمه ولا حتى يصفر.

على الصامت فقط

وهذا بالفعل مسبب لي احباط ويخليني دايما افكرابيعه والا اجيب واحد ثاني بداله

افيدونا يا هل الخبرة بالحل من واقع تجاربكم

شكرا لكم واعذروني على الاطالة