تشنج في الببغاء الرمادي :(

[crazy1butterfly]

معقوله محد قيد مرت عليه دي الحاله

امس وديتو عند بيطري

قال عندو نزله معويه حاده

وادانا دوا

بس المشكله انو معد ياكل ولا يشرب

يطيح ويرجع يقوم

وحاليا لو ساعه طايح على بطنو ومو راضي يقوم

شكلو بيودع خلاص

صورتو فيديو

وباحاول انزلو بس النت جدا ما يساعد

[m.o.j]

اختي تلاحقيه وديه لدكتور فاااهم
انا ببغائي الغيني فجاة بدون اي شي كان يترنح بلقفص ويقفل عيونه ولا ياكل ولا يشرب
ووديته الصباح لدكتور عطاني علاج للاسهال لانه كان عنده اسهال
وتخيلي المغرب طاح بالقفص حسبته ماااات اثاريه باقي حي وجلس بعدها ساعه وطاح وكانت نهايته ومااات

[crazy1butterfly]

هدا زي كده

عندو اسهال

ويستفرغ

ومو راضي ياكل ابدا

ولا يشرب

ويدوخ ويطيح

ويادووب شايل نفسو

دحينه امي بتشربو بنفسها وبيشرب من الدوا

بس ما ياكل ابدا

[jol]

والله وضع صعب

طيب ليه ماتاخذيه البيطري ثاني والا كلمي اسالي عن حاله واللي فيه بيساعدك ايش تسوين معه

وطمنينا عليه وش يصير معك وان شاء الله يتعافى

[مس^^مس]

الله يشفيه يارب .. : (

[شاقي]

اختي الله يشفيه لكي

بس بدلك على شي اطحني بصل وحطيه في الماء تبعه اذا رفض اسقيه بنفسك

ولازم لازم تودينه بيطري قوليله خليه عندك لين يشفى شوف حالتو عشان يعين حالته لازم ياخذه معه

[crazy1butterfly]

خلاص مات امس

موته تبكي

بعد ماكان شرس معانا

ع اخر يومين سار يخلينا نمسكو ونشربو وحتى نشيلو من التعب مسكين


الله يغفرلنا ازا كان مات من اهمال

[jol]

والله شي يحزن ويبكي

شي صعب انه يعاني عندك بس معوضه خير ان شاء الله

[المألوف]

.


الله يعينكم ،
يلا عقبال ما تشترون ثاني و يوالف عليكم و يحبكم و تكسبون فيه اجر

[awsat]

الحاله هذي صحيحه وانا الببغاء حقي تجيه الحاله هذي بعد وقوعه من الستند
كانو بيموت وفجئه صحي ولاكن اعاني من عدم اكله فهو هزيل جدا ولا يأكل ابدا

ارجو منكم الحل اذا فيه احد له خبره