هيلب ... help

[تراني جديدة]

سنايبر .. شكرا كثير انك معنا .. بصراحه اصعب شي انو احدد عمر الطير بس الدويره البرتقاليه كانت كويسه ميب صغيره ولا كبيره .. وما اعرف كيف .. حتى الي يبيع شكله ما يعرف .. الي اكتشفته الحين في البياعين الهنود والبنغاليه يقولون انت وش تبي تبي صغير هذا صغير .. تبي كبير هذا كبير .. يعني ما تعوق معهم لو قلت له ابي طياره يقولك هذا طياره على الطير ..
والله يا انا حبيته ذاك الطير بس ما اعرف عن صلعته .. ايه احسن خلها حبوب لا يروح يمشي بطنه ويسير معه اسهال مو ناقصين حنا ..

[د/أحمد توفيق]

بسم الله الرحمن الرحيم
الأخت الكريمة
كيف حال طائرك الآن , أتمنى أن يكون أفضل وأن تبشرينا قريبا بمعافاته تماما .
الآن لاتحاولي تدريب طائرك ودعيه تماما على راحته حتى يأخذ على المكان الجديد ويبدأ في اللعب واصدار الأصوات وكذلك ضعي له الحبوب التي يأكلها فقط هذه الأيام وبعد أن يبدأ في اللعب واصدار الأصوات سنخبرك بعدها ان شاء الله كيف تدربيه ومن ثم تعويده على أنواع الطعام المختلفة .
بالنسبة للصلعة التي في الطائر الذي رأيتيه هي ليست مرض , هي طبيعية ومشهورة في الكوكتيل خاصة اللون الأبيض بحيث تكون خلف التاج مباشرة وتظهر بوضوح عند رفع التاج , بحثت عن صورة واضحة لتبين لكٍ هذه الصلعة فلم أوفق ولكن ركزي مع هذه الصورة ستجدي بداية الصلعة موجودة والباقي مختبئ تحت التاج :



فإذا لم تكن هذه الصلعة تضايقك في شكلها , فاشتري هذا الطائر وانعمي بصحبته
كل الأمنيات الطيبة

[عهد]

أشكرك يا د/ أحمد توفيق على شرحك المبسط و الدقيق يعطيك العافية

[تراني جديدة]

د/ احمد توفيق .. طائري لازال جفنه متورم بس اخف بشوي عن اول ..انا من يوم الخميس قاعده استعمله المرهم ..متى يخف .. طول علي .. اتعبه واتألم عليه لمن اطلعه من القفص عشان احط له المرهم ..اكيد كرهني .. الله يخفف عليه .. شكرا كثير على سؤلك ..وبالنسبه للطائر الي وقعت بغرامه بالفعل نفس الصوره الي نزلتها بس على اكبر بشوي .. بس ما احب امسد على صلعه ..وبكون وفيه للاخ الي عندي الين ربي يهديه ويخف ..انا طول الوقت لازقه عند القفص اكلمه واخفف عليه .. الله يوفقك يا دكتور ويسعد ايامك يا رب على دعمك ..






عهد .. يشرفني مرورك ..

[د/أحمد توفيق]

بسم الله الرحمن الرحيم
الأخت الكريمة
طالما أنه يتماثل للشفاء , فلاداعي للقلق , عليكٍ فقط بالصبر وان شاء الله يتعافى تماما .
وان شاء الله يصير أليف وتنعمي بصحبته , فالكوكاتيل طائر غاية في الجمال , ومع أنه كنت أفضل أن تشتري طائر أليف ومدرب أوفر لكٍ في الوقت وأجمل خاصة اذا كان مطعم باليد .
على كل حال ان شاء الله عندما يشفى طائرك سيكون غاية في الجمال
شاكر لكٍ ذوقك ودعواتك الطيبة وكذلك الأخت عهد
كل الأمنيات الطيبة للجميع

[تراني جديدة]

السلام عليكم .. طائري اليوم شكله احسن بكثير .. امس لآول مره اشوفه ياكل عباد الشمس وكانت شهيته ما شاء الله مفتوحه ..وسرت الاحظ انه في المساء يحب ينظف جسمه ويقلم اظافره .. واحس حركته طبيعيه من امس بالليل .. واليوم الصباح اول ما غير له المويه نزل شرب ما حسيت انه خايف زي اول ..

دكتور .. ممكن اخذ قطنه مبلله واحط فيها شامبوا (بيبي جنسون )الي ما يحرق العيون وامسح فيها وجهه محل الشعر الملبد بالمرهم ( ماراح يحرقه الشامبو ) .. وعلى فكره امس كانت اخر جرعه للمضاد الحيوي الي في المويه .. واليوم كانت المويه ما فيها شي .. وش رايك احط ماعقه عسل صغيره ولا بلاش منها .. وشكرا لك اخي الكريم ...

[Mr. MeMo]

اختنا الفاضله


تعرفين المثل الي يقول

الشئ لا زاد حده ينقلب ضده

في بعض الاحيان اهتمامنا الزائد يضر
بمن نحب

لا تستعجلي علي الطائر سوف يذهب هذا التلبد
شيئا فشئيا و يمكن المسح عليه بالقطنه و الماء
الدافئ ولكن بدون الشامبو حتي ان كان بيبي جونسون

و للامانه يعجبني اهتمامك و تزويدنا بالتفاصيل اولا بأول
و اتمني تسمتعي مع طائرك الجديد

[مربي الطيور]

مثل ماقال الدكتور/أحمد

هذا شئ عادي انا عندي كروان أبيض فيه هذا الصلع طبيعي وليس مرض

أنصحك أنك تاخذين هذا الطير تراه جميل جدا جدا

مع خالص تحياتي و أمنياتي لك بالتوفيق

[مربي الطيور]

مثل ماقال الدكتور/أحمد

هذا شئ عادي انا عندي كروان أبيض فيه هذا الصلع طبيعي وليس مرض

أنصحك أنك تخلين هذا الطير عندك تراه جميل جدا جدا

مع خالص تحياتي و أمنياتي لك بالتوفيق

[تراني جديدة]

مستر ميمو .. والله من خوفي عليه .. وصادق الاهتمام الزايد ممكن يعطي عكس المطلوب .. وانا بعد مستمتعه بالخبره الي اخذها من هل المنتدى الرئع بوجودكم ..وشكرا كثير .. ويشرفني تواجدك ..





مربي الطيور .. طيب لو اخذته ما راح يغار الكناري الي عندي .. واخاف اهتمامي فيه يقل او يشغلني عنه .. بس صورته لسى في بالي .. طيب مع الوقت ما ينبت الريش ولا يبقى كذا .. انا مفكره اعمل مسح على محلات الطيور .. وبدور واحد مطعم باليد مثل ما قال الدكتور .. لسى البحث جاري .. يشرفني وجودك ..