تدريب الكاسكو خلال اسبوع فقط

[سمساار]

المشاركة الأصلية كتبت بواسطة حمودي2009

انا عندي بغبغاء كاسكو عمره شهر واحد كيف اربيه لو تكرمتوا افيدوني الله يجزاكم خير شكراا

حياك الله
اخوي وعزيزي هذا مركز لتدريب الطيور الناطقه
وهو متخصص للتدريب فقط
وهناك في قسم سئال وجواب يوجد متخصصين بتربية صغار الطيور
اتمنى لك التوفيق



انا دائما بالخدمه

[عطر شفاف]

السلام عليكم
الله يجزاك الجنه أخوي

-عمر الكاسكو (لون العيون)؟
بصراحه مو متأكده من عمره اشتريته قبل ثلاث اسابيع تقريبا وصاحبه يقول عمره 6 شهور
يصير لو انزل صورته تعرف عمره؟؟
ولون عيونه رمادي

2-الكاسكو أليف ولا لاء؟
يعني شوي مو مره احيانا ينزل راسه يبيني المسه
واحيانا يعصب ويحاول يعض او يبعد ويروح للجهه الثانيه من القفص
يعني نصف اليف
ويحب ياكل من اليد أكثر من الصحن سواء مني او غيري

3-جناح الكاسكو كامل ولا مقصوص؟
مقصوص

4-عندك طولة بال على الكاسكو؟
ان شاء الله عندي

5-انت اتخاف من الكاسكو يعضك؟
اكيييييييد اخاف يشوه ايدي

6- حاط الكاسكو داخل قفص ولا على استاند؟
لا داخل القفص بس يوميا اطلعه واتركه برا
افتح القفص من فوق ويجلس عليه .. ومايحب يبعد عن قفصه
يعني اطلعه برا القفص .. مايرتاح يدور على قفصه الين يحصله ويرجع هناك

الله يعطيك العافية,,

[Destr0_0y]

المشاركة الأصلية كتبت بواسطة سمساار

حياك الله
بنسبه للكلام تعلمه ورتين في اليوم ولمدة نص ساعه بالمره الوحده وان يكون مكان التدريب مافي شيء يلفت نظر الطير فيه ويلهي عن سماع الكلام مثل حركة الناس امامه او وجود نافذة يطل من خلالها او مرآة ينظر لنفسه فيها او اكل ياكله او يشربه الخ الخ الخ
اول شيء تخلي الطير ياخذ كفايته بالنوم مو اقل من 8 ساعات في مكان هادء ومضلم وفي اول ساعات الصباح تبدأ معاه التمرين عالكلام وبمده ماتتجاوز النص ساعه واول كلمه تختارها للكلام تكون صغيره وسهل عالنطق وتكون بصوت واضح ومسموع ومن بعدها تريحه وتخليه يمارس حياته اليوميه والفتره الثانيه تكون بعد صلاة العشاء ولمدة نص ساعه ايضا ومن بعدها تخليه ينام كرر عليه لغاية ما يبدأ بنطق الكلمه المحفظه له وبالبدايه بتلاحظ انه راح يعطيك نغمة الكلم بس مو واضحه وبصوت خشن حتى تتمرن حنجرته ومن بعدها بتشوف انه اتقن الكلمه بوضوح وبنفس نبرة صوت الي لقنه الكلمه اتمنى اني لبيت طلبك وقدرت اوصل لك المعلومه بوضوح اتمنالك التوفيق


انا دائما بالخدمه

مشكوووووووووووور والله على راسي تسلم يالغالي بس عندي استفسار بسيط وقت التعليم يفضل يكون بالقفص ولا على الاستاند ولا على ايدي؟؟

[Destr0_0y]

المشاركة الأصلية كتبت بواسطة سمساار

اخي وعزيزي
هذا المكان له شخص يديره ويرد على استفسارات الاعضاء فيه لا يسمح لأي شخص آخر باستغلال هذا المكان لذى ارجمو منك عدم تكرار هذا الشيء مره اخرا ان سمح



وهذا بمثابة قرار من مركز تدريب الطيور الناطقه

حقك علي مو قصدي اني أتعداك حشا واكرر أسفي اخوي سمسار

[محترف فاشل]

المشاركة الأصلية كتبت بواسطة سمساار

حبيب قلبي
هذا المكان مومكان سئال وجواب انت داش غلط
والاعضاء المشاركين في هذا الموضوع ماهم مسخره عندك فياليت انك تحسن الفاضك وتحترم الناس عشان الناس تحترمك
اتمنى يكون عقلك كبير وتفهم معنى الكلام الي وصلك ومعنى الكلام الي قلته
واضن انه عيب000000ولى شو شايف ابو فهد جاهل عندك بتمسخر علييه
والله عيب

يبا انت قلبتها سالفه ترا مو قصدي قاعد أتغشمر وانا أسف بو فهد ماعتقد انه زعل ..!!

[..كلمات..]

يزاك الله خير عالنصايح،،


بالنسبه لطيري امسح عليه عادي بس مجرد احط ايدي تحت بطنه واحاول ارفعه يشرد

وإذا احاول ارفعه بالحيل يتم ماسك بمنقاره الحديد عشان ما ارفعه


بالنسبه للأكل بعد ياكل من ايدي



بالنسبه للستاند كان يوقف عليه بس صار عقب كل ما احطه عالستاند يطير ولما نمسكه نبا نحطه عالستاند أو داخل القفص يصارخ ويعض وبعدها صار يخاف،، امي قررت انه محد يطلعه من القفص


عيونه مثل ما قلت لك رمادي غامج متى يبدأ يتعلم الكلام ؟؟

مع العلم انه باجر بيكمل اسبوع عندي

واشكرك ع طولت بالك علينا

[lll_o]

شباب والله حبيتكم و دخلتو قلبي

فلا تشيلو على بعض و تزعلو خذوها بروح حلوه و الاخ سمسار ماشاء الله اخ فاهم و يستحق يكون مرجع لكل الهواه الجدد

و بأذن الله راح تكون له مكانه في قلوب الاعضاء

و ككم على العين و الراص

[o9Liii]

السلام عليكم ورحمة الله وبركاته

يعطيك الف عافيه اخوي سمسار

-عمر الكاسكو (لون العيون)؟
بصراحه ما ادري توي شريته امس لكن هذي صورته




2-الكاسكو أليف ولا لاء؟
لا لكن حطيته فوق القفص ومرتاح لكن اذا قرب اي احد منه يجعر ولما اعطيه حب ياخذ من يدي ويرميه في الأرض وهو قاعد يزعق حاولت المسه وعض اصبعي السبابه

3-جناح الكاسكو كامل ولا مقصوص؟
مقصوص

4-عندك طولة بال على الكاسكو؟
ان شاء الله عندي

5-انت اتخاف من الكاسكو يعضك؟
يعني مو مره بعد ما طلع الدم من اصبعي

6- حاط الكاسكو داخل قفص ولا على استاند؟
فوق القفص ( اليوم حطيته فوق القفص)

الله يعطيك العافية ومشكور مقدماً اخوي سمسار ,,

[MN9]

-عمر الكاسكو (لون العيون)؟
انا شاريه قبل امس وكلام راعي المحل ان عمره ١١ شهر
والى الان ماتغير ريشه

2-الكاسكو أليف ولا لاء؟
بصراحه راعي المحل كان يمسحله على راسه وعلى جناحه
عادي
بس معي فالبيت مو راضي

3-جناح الكاسكو كامل ولا مقصوص؟
مقصوص

4-عندك طولة بال على الكاسكو؟
عندي ان شاء الله

5-انت اتخاف من الكاسكو يعضك؟
قبل لا اخذه من المحل ماكنت خايف منه لان انا كنت احط اصباعي داخل فمه
يقفل عليه بس من غير عظ لكن فالبيت صار هو يحاول يعظ

6- حاط الكاسكو داخل قفص ولا على استاند؟
ايه داخل قفص وبعد ماقريت هالموضوع صرت بعض الاحيان افك سقف القفص
بس المشكله الاحظ ان الطير يحاول يطير ولا يقدر
-------------------
واللي لاحظته اول يوم كان سااااااااااااااااااااااااكت وبمكانه
لكن ثاني يوم يصفر باكثر من طريقه ويدور بالقفص
وللمعلوميه انا حاطه داخل البيت بالممر يعني اكثر منطقه فيها حركه

[سمساار]

المشاركة الأصلية كتبت بواسطة عطر شفاف

السلام عليكم
الله يجزاك الجنه أخوي

-عمر الكاسكو (لون العيون)؟
بصراحه مو متأكده من عمره اشتريته قبل ثلاث اسابيع تقريبا وصاحبه يقول عمره 6 شهور
يصير لو انزل صورته تعرف عمره؟؟
ولون عيونه رمادي

2-الكاسكو أليف ولا لاء؟
يعني شوي مو مره احيانا ينزل راسه يبيني المسه
واحيانا يعصب ويحاول يعض او يبعد ويروح للجهه الثانيه من القفص
يعني نصف اليف
ويحب ياكل من اليد أكثر من الصحن سواء مني او غيري

3-جناح الكاسكو كامل ولا مقصوص؟
مقصوص

4-عندك طولة بال على الكاسكو؟
ان شاء الله عندي

5-انت اتخاف من الكاسكو يعضك؟
اكيييييييد اخاف يشوه ايدي

6- حاط الكاسكو داخل قفص ولا على استاند؟
لا داخل القفص بس يوميا اطلعه واتركه برا
افتح القفص من فوق ويجلس عليه .. ومايحب يبعد عن قفصه
يعني اطلعه برا القفص .. مايرتاح يدور على قفصه الين يحصله ويرجع هناك

الله يعطيك العافية,,

حياك الله
بنسبه لعمر طيرك صحيح مثل ما قالك صاحبه القديم
والطير ماشاءالله تقريبا جاهز ويحتاج منك بعض التمارين
بامكانك زيارت مشاركاتي السابقه بنفس هذا الموضوع
وتطبيقاها على الطير وفي حالة اي استفسار انا موجود




انا دائما بالخدمه