&& عالــــــــــــــج ببغاءك بنفسك &&،،،،

[eaglesa38]

اخي حب استطلاع جزاك الله الف خير ورحم الله والديك
قبل ليلتين طيري الله يحفظه كان يوم بليلة تعبان وطول الوقت يبي ينام
ولاحظت برازه الله يكرمكم نسبة الموية فيه كثيرة يعني خيط اخضر والباقي ماء
ليلتها ما نمت وقلت ابحث في المنتدى عسى الاقي نصيحة او علاج من خلال تجارب الاعضاء
والحمدلله اهتديت الى موضوعك ومن الصبح على الصيدلية البيطرية
اشتريت باي ترل 10% وعلى الساعة عشر بديت العلاج
اعطيته ثلاث مرات يوميا 0.5 مل
والان الحمدلله بفضل من الله الببغاء رجع برازه شبه طبيعي وبدأ ياكل حب
مع انه يوم الاربعاء والخميس واليوم الجمعة حتى الليل كان ما ياكل لوحده
وكنت اسوي له اكلات مثل بسكوت الشاي وكورن فلكس
وايضا سويت له ذرة وحمص خليتهم في الخلاط لين صاروا ناعمين وغريته بابرة الغر
ولكن لفت نظري انه يرجع الاكل الي اعطيه بعد فترة ساعة وشوي تقريبا
ربما الجرعة الي اعطيه كثيرة
طبعا نصحني احد الاخوان اخليه جنب طير نشيط وياكل
وانا عندي كاسيكو ماشاء الله عليه ما قصر اول ما حطيته عنده بدأ ياكل لوحده
اخي حب استطلاع كلمة شكرا قليلة في حقك


تقبل تحياتي

ملاحظة لما جيت بشتري الدواء من الصيدلي طلبت ايضا تايلان الي للجهاز التنفسي
استغربت ان الصيدلي قال لي ان ال باي ترل 10% هو علاج للجهاز التنفسي والهضمي
طبعا دخلت على قوقل ترانسليت وكتبت هذه الجملة
the product is of particular value for the treatment of
diseases of the respiratory and digestive tract of primarily

وهذه هي الترجمة

المنتج هو قيمة خاصة لعلاج
أمراض الجهاز التنفسي والجهاز الهضمي في المقام الأول من

لهذا ما يحتاج ان تشترون تايلان اذا الطير فيه اسهال ومشكلة في صدره فقط باي ترل ويكون علاج للجهازين

[حب استطلاع]

ووالديك يا غالي
والشكر لله سبحانه

ونعم مثل ما تفضل الصيدلي الباي تريل 10% هو مضاد شامل

لكن لو كان الطير يعاني من مشاكل في الجهاز التنفسي فقط
في هذه الحالة تستخدم ( التايلان )

ولا تنسى تدفئه الطير

بالتوفيق لك

[ملآكـ]

مشكوووووووووووووووووووور

والله يعطيك الف عاافيه

مااقصرت في ميزاان حسنااتك

بس حاابه اساال كم سؤاال

واعتذر اذا كاان السؤاال معاااد لانه صاارت لي خربطه بسب قراائيتي لردوودد

اخي

انت قلت نااخذ 1 مل من باي تربل ونضيفه للمااي

ونشربه 5 مل اربع مراات تقريبا

قريت انه في اشخااص يعطوون طيرهم خمسه من عشره ثلاث مراات

اي ماايعاادل اميلي وااحد ونصف من المضااد هل هذا صحيح

وهل تكون الخمسه من عشره من المضااد مركزه من غير مويه ؟؟؟؟

السؤاال الثااني <<<<شكله بيجيني شوتته طاايره

اذا بستخدم المغذي

احط المضااد في المويه

والمغذي اخلطه مع الاكل بمقداار 5 مل من مالمغذي واطعمه على 3 فتراات

والا 5 مل من المغذي في كل وجبه

اعتذر وبشده على الإطااله

وياارب ماانكسر الكيبوور د بسبتي

اختك

ملآكـ،

ملاحظه (كاان عندي طير وماات لانه الدكتوور عطااه ابره

ولاحظة الطير ماايااكل لما سالته قاال طبيعي لين ماات

[Fawazo]

مشكور يعطيك العافية

[فيصل سالم]

شكرا وماقصرت يالغالي

[ريوف]

موضوع رااائع صراحه واستفد منه اكيد

لاكن تجربتي مع التايلان اعطيته لطائر وصار يجع ( يستفرغ يعني)

ماعاد عرفت وش اسوي فيه شنو الحل بالله

[lulucaty]

ماشالله الموضوع اكثر من رائع مشكور اخوى

عندى سؤال وياليتك تساعدنى

عندى كاسكو افريقى يمكن عمره 8 اشهر او اقل

عيونه سود لونه رمادى وذيله احمر

المشكله الاولى :

بالنسبه حق الاكل شنو اعطيه

نماشريته قالولى سيريلاك رز او قمح كنت اعطيه كل 4 ساعات

اول يوم اوكى ثانى يوم حاشه اسهال وقفت السيريلاك وعطيته بطاطا مفيوح (مهروس) مارضى ياكل

غصبته ياكل بس خفت عليه عطيته سيريلاك

اليوم صار اكله قطاعى مارضى ياكل عدل ونما ييت انظف القفص

شفت فيه اسهال عطيته بطاطا مفيوحه هرسته وزدت عليه ماى حتى احطه بالابره واعطيه

عطيته جزر مع بطاط مهروس

حسيت لعبت بطنه من تنوع الاكل

الحين سويت نظام انه ياكل 3 او 4 مرات فى اليوم

ومازال الاسهال مستمر الله يعافيك ساعدنى لان الكاسكو شريته لبنتى وبنتى ضايق خلقها عليه

والحمدالله يمشى ويلعب مع بنتى ونما يشوفها يطلع اصوات

بس حاب اهتم فيه قبل لايصير فيه شى بعد

ياريتكم تنصحونى شنو اعطيه من اكل ولا اوديه الطبيب

ياريتكم تساعدونى وتنصحونى بنصايح مفيده عن الكاسكو

وشكرا

[تائب لله]

بارك الله فيك نحتاج ان يكون هناك موضوع كامل عن امراض كل نوع من انواع الببغاء وعلاجها

خاصة ان بعض البيطرين همهم المال وصاحب الببغاء همه شفاء طيره فيدفع المال

[ms.candy]

مشكوووور ويسلمو بس أنا لاحظت
بعد ما أروشة
يجية الله يكرمكم
إسهال
هل هذا طبيعي

ومشكوورين

[ابوميسون]

اشكرك اخي حب استطلاع على الموضوع الجميل وعلى شان المقاطع اللي ارسلتها لااعرف عدد المشاركات انها لاتتجاوز 2 وهل المقطع المغلق اقدر اعيد انزاله بعد الساعه 12 وشكرا