يوميات ببغائي الكاسكو (ويلي)

[PrEsIdEnT]

المشاركة الأصلية كتبت بواسطة مطلوب أفريقي

ماشالله تبارك الله

انا دايم يوميا اغطي القفص لما ينام بقماش اخضر مقلم ..

انا امس نشبت فيه نشبه صار الحين يعصب لما يشوفني وما يطيقني ههههههههه

جننته

عامله بحنان كأنك تعامل طفل صغير


وشوف كيف راح يستجيب معك


انا الحين جالس اكتب الموضوع وحاطه جنبي عشان ينكسر حاجز الخوف بيني وبينه


طبعاً يحاول الهروب وكل ما هرب رجعت جبته وحطيته جنبي


لين يتعود ويدري انه الهروب ماراح ينفعه بشي


ارق تحيه وانتظروو ا الجديد

[.: الأسيف :.]

حبيت اباركلك بالمية رد على موضوعك

الظاهر ان كل منتدى اللبغائات يتحرون اخبار ويلي ^^

[PrEsIdEnT]

المشاركة الأصلية كتبت بواسطة .: الأسيف :.

حبيت اباركلك بالمية رد على موضوعك

الظاهر ان كل منتدى اللبغائات يتحرون اخبار ويلي ^^

هلا اخوي الاسيف حياك الله


والله يبارك في عمرك ان شاء الله وفي طيورك بعد


وياريت كل الاعضاء يحط له موضوع خاص بطيره او حيوانه الاليف عشان تعم الفائده للجميع

[روهلات المعالي]

يوميات بمنتهى الروعه

وتفيدًا كثيرًا

[PrEsIdEnT]

المشاركة الأصلية كتبت بواسطة ريتشارد

يوميات بمنتهى الروعه

وتفيدًا كثيرًا

يسرني كثير انك استفدت منها


ويشرفني تواجدك في موضوعي

[hawi56]

انا زعلت والله حمستونا للمسلسل وقطعتوه فجأه

كملو الحلقات فين الكتاب فين المخرج؟؟؟؟؟فين الممثلين؟؟؟

[PrEsIdEnT]

المشاركة الأصلية كتبت بواسطة hawi56

انا زعلت والله حمستونا للمسلسل وقطعتوه فجأه

كملو الحلقات فين الكتاب فين المخرج؟؟؟؟؟فين الممثلين؟؟؟

لبى قلبك والله


للحين جار التمرين على طلوع اليد


وطلع ع يدي بس للحين خايف اول ما يطلع ويصير اليف 100 %


واول ما يجد جديد بنزل رد ان شاء الله

[PrEsIdEnT]

بسم الله الرحمن الرحيم


السلام عليكم ورحمة الله وبركاته


اخواني الاعضاء المتابعين ليوميات ولي


اسف للتأخير لضروف السفر وزواج اخي


فكانت فيه بعض الانشغالات عن طيري المحبوب ولي كذلك تعب السفر على الطائر فحبيت اريحه شوي من التمارين يكفي الخط والتعب



على العموم مابي اطول عليكم



طبعاً تابعتوا يوميات ولي وكيف كنت اتعامل معه وكثير من الناس كانت تنقد علي وتقولي انك مدلعه


وانا كان عندي قناعه انه دلع الطير يعطيك الي تبي وهذا الي قاعد يصير معي




طبعا تعلم كيف امسح على راسه والآن وصلت لمرحله امسح على جسمه كله وامسك راسه بيدي ولا يعض ولا يقول اي شي


وعلمته كيف ياخذ الاكل من يدي بجميع انواعه مع انه كان ما ياخذ من يدي غير الحب الشمسي او الفول السوداني


وبديت بتدريبه على طلوع اليد


طبعاً كان التمرين متعب بالحيل خاصه انه يجي فيه كثير من العظ وانا ما اخفيكم سراً اني كنت متسعجل على اني اخليه يطلع ع يدي


اول الامر كنت اخذ الطير بزاويه الغرفه واحجره بالزاويه وخليه يطلع على يدي بالغصب وكان يطلع بس للأسف يطلع عشان يهرب مني


بعد كذا حسيت انه هذي الطريقه غير فعاله بديت معه بطريقه ثانيه امسح ع جسمه واهديه وهو بالاستاند وبعدين احط يد خلفه ويد امامه واقوله تعال تعال ويطلع على اليد بعدين امسح على جسمه وعطيه فول سوداني ونزله على الاستاند


اقتنع الطير اني حريص عليه وما راح يتأذى مني واكتشفت انه لمى يكون جسمي ارفع من المكان الي واقف فيه يخاف يطلع على اليد صرت اجلس ومد يدي له ويطلع على طول لمى قوله تعال تعال



ونتيجه هالتعب كله في هالمقطع الفديو






كذلك صورت له صوره وهو على يدي وهذي الصوره



طبعاً ما اخفيكم كمية الجروح الي بيدي من عضه بس على قلبي زي العسل وللمعلوميه يعظ لاني كنت اجبره على الطلوع على اليد


والآن ولله الحمد ما يعظ ولو عظ يتأكد ان ايدي ثابته لانه غريزه عند الطير يتأكد بمنقاره من ثبات المكان لي راح يطلع عليه



عاد المرحله الصعبه والي ابي تجارب الاخوان والاعضاء والخبراء فيها هي اجدى وافضل طريقه لتعليم الطير الكلام حتى لو كانت صعبه بس اضمن نتائج



بانتظار ردودكم الي زي العسل على قلبي



اخوكم

PrEsIdEnT

[ak321]

مبروووووك الف مبرووووك
ما شاء الله تبارك الله
الصراحه طير ولا اروع
والي الافضل انشاء الله
ak321

[سمساار]

السلام عليكم
اولا ابارك لك هذا المجهود
وقول لك انك ذقت حلاوة النجاح لتدريبك الطير ولي محبوب الجماهير
واتمنى انك تذوق حلاوة النجاح مره اخرى عندما يتكلم الطير ولي
وهو على يدك وتحت مرئى محبيه من الجماهير وبالختام اتمنى لك التوفيق والنجاح
منها للاعلى ان شاء الله