مغامرات في مملكة القطط ..

[*القلب الصافي*]

وااااااااااااو

الثصه تجنن

سوري لاني ما رديت من البدايه بس شو اسوي

ما كنت فاضي اقراء

بس انا زعلان منج وايد

لانج ما حطيتي مشمش وياهم

[Cat_Girl]

الله يشفي دماديمو <~~~ دلع يديد

وانشالله تشوفي عياله <~~~ مستعجله خخخ

[قطو_Q8te]

دمدم دخلي سوسي بالقصه ماوصيج
سويله مأدبة طعام على شرفه

[Dominique]

الله يسلمكم اول شي

ثانيا

شفيكم مافيكم صبر

الحلقتين اليايين ايننون

بنزل حلقتين بس خل افضى شوي

كل قطاوة المنتدى بيدخلون بالقصة

والله العظيم

سوسي بالذات قصته قصة

خلي عندكم صبر ولا تنسون مقابلة الدكتور البيطري

ليلحين ما سويتها

والله ماني فاضية والله

علشان موتقولون وعدتنا وقصت علينا

ياناس بتخرج بعد شهرين

بس ادعوا انه الدكاترة لويشوتوني بره الكلية راضية بس اتخرج
.
.
.

[مخاوية قطاو]

اصبروا عليها شوي لاحقين على القصه
ياشين العجله

[Dominique]

كاني خلصت اول حلقة وباقي حلقة

انشالله اذا ربكم سهل

الاسبوع الياي بنزلهم

لووووووووووول مخاوية
.
.
.

[قط الظلام]

مشكورة على القصة الروعة

[Dominique]

العفو

انشالله قريتها كلها

لأن الصفحات على شكل صور وتطول شوي على ماتنزل
.
.
.

[سـارة]

وااااااااااااو
حياتي دومينيك ..
موضوع قمة بالروعة والإبداع..

كل يوم يظهر لنا جانب جمالي فيك..
فإستمري بإتحافنا بروائعك..

و .. مسلسل مملكة القطط توني أقرأه أمس..
وأعجبتني كثيرا مخلتك ورسماتك أيضا ، والحركة إلي سويتيها في بداية الموضوع (عرض المخطوطات لتاريخ العائلة المالكة ) شيي ..
جعلتني أشعر كأني أرى جميع المشاهد أمامي،و أحسست أني أتابع فلماً ..ليس مجرد قصة مكتوبة.

لكن شيء واحد أفسد إستمتاعي بالقصة..
وهو..عرضها على شكل صور ..
فهذه الطريقة..مررررررة مرررررة متعبة و بطيييئة في الظهور عندي.
(بغت تطلع روحي و أنا أنتظر الصور تظهر وكل ما إكتمل جزء منها ينقطع الإتصال واضطر أنتظر من أول وجديد،وأحيانا تظهر صورة و إلي قبلها ماظهرت..مما أفسد على تتابع القصة)
فياريت زي ماقالت مخاوية تعرضينها كتابة أفضل للجميع ..
فعلى العموم أسلوب عرضها في صور لايساهم كثيرا في حفظ و حماية حقوقها..
إذ ما أسهل إزالة الأسماء من على الصور.

وكل معاني الشكر والتقرير لإبداعاتك ومواهبك .. أبثها لكِ..
ونستينا مررررررة بهالقصة الفلّه..
و أثبتتي إن لك مستقبل رائع في عالم الروايات وتأليف القصص..
فتابعي -سلمت أناملك-..ونحتري الحلقة القادمة..يا شهر زاد.

[Dominique]

تامرون امر انتي ومخاوية

يابعد عمري ياسارة

والله عنجد اخجلتم تواضع سمونا

اطراءاتك تخجلني مرة حياتي

ميرسي

خلاص اذا يريحكم جميعا

بنزل الحلقات كلها في فايل وينزيب واحد شرايكم

علشان تحملونه مرة وحدة وتقرون القصة من طقطق لسلامو عليكم

شرايكم

ميرسي سارونة مرة ثانية
.
.
.