الببغاء يرد علي ..لاهل الخبره...

[SALEEM99]

يعني هل معنا التصفير انه يحاول يتكلم؟؟؟؟؟؟؟؟؟؟؟؟؟

[ريان22]

التصفير ماله شغل بالكلام

هذا يدل ان الطير جريئ لا اكثر

كل الطيور تصفر لكن اللي تكلم شي ثاني

حاول تكلمه وتجلس معاه بيتكلم

[SALEEM99]

معليش طولت عليكم الاسئله بس يعلم الله ا ماعندي الا انتم اسئلكم تحملوني شوي

هو يطلع صوت بعض الايام مثل صوت الفرخ فهمتو علي

[كاسكوكيه]

ما شاء الله .. شكله ببغاءك يعقوب قابل للتدريب .. حاول تركز على كلمه معينه كل مره.. يعني لا تخلي الموضوع يختلط عليه..

مثلن.. يوم تقول له يعقوب.. شو تريده يسوي؟؟؟ يطير لعندك؟؟ يقول نعم؟؟ حط خطّه في بالك.. وركز تدريبك للطير عشان يكون ناجح و تكون النتايج مثل ما انته تريدها..

يعني لو قلت له يعقوب و طار لعندك اظن هاي احلى شي.. مثل ما تنادي انسان و يجيك

طيب.. عشان التصفير.. حاول تفصل التصفير عن الاسم.. يعني مثلن تقدر تعلمه "انته حلو" و يقوم هو يصفر.. مثل ما نحن يوم نشوف شي حلو وايد بعض ردات الفعل تكون تصفيره.. ممكن تدرب الطير على هالحركه

يعني باختصار حاول يكون تدريبك له مركز و مدروس ^_^

والله يوفقك امين

[Mr.7MoOdY]

ماشاء الله الطيير رائع

هو له قابلية للكلام بس الحق علييه ابدا علمة

[SALEEM99]

قبل كل شي ابيه يتكلم قبل ماربط الكلام بتصفير انا ابيه يتكلم هذا اهم شي

كيف ابدل التصفيره بكلام؟؟؟؟

[فارس مجهول]

ياغالي ... الطير معروف قبل مايبدى

يتكلم تشوفه يستمر بالتصفير وبكثره

بدايتها راح يجيبها تصفير زي ماقلت لاتخاف

ان شاء الله راح ينطق بس انت لقنه صح وبصوت عالي

والاحلى والاجمل .. انك تربط هالتلقين بالفعل مثلا

لما تدخل عليه .. تقول السلام عليكم .. ولما تروح

مع السلامه... لما تبدل صحون الاكل تقول بسم الله

وكذا ... عشان لما تجيه من لحاله بعدين راح يتكلم

زي مادربته .. وياغالي لاتستعجل طيرك مبين انه جرئ

[SALEEM99]

السلام عليكم ورحمه الله وبركاته
صباح الخير شكرا لكل الي ردولي وماقصرو بيض الله وجيهكم

والي عنده اضافه لايبخل علينا

شكرا

[nasser1430]

اخوي سالم 99 ... كلام الاخوان كله صحيح 100 × 100

وبالنسبة لطيرك عمره من 8 إلى 11 شهر ... وبهالسن ما يعرف إلا التصفير هي لغة التفاهم بالنسبة له .. أما الكلام فهي قدرة إلهيه من رب العالمين تختلف من طير لطير .. وما دامه يصفر في الوجه ... بإذن الله راح ينطق .. مثل ما صار مع الاخت ( كتكوتة صغنونه ) .. تراها عجزت من طيرها حتى بعد الصبر الله أكرمها بإن طيرها بدأ بالكلام .

بس يبيله صبر وَ طول بال ... وتلقينه بصوت واضح بس مهوب صوت مرتفع الصوت الطبيعي كأنك تسولف مع إنسان .. وحاول إنك لا تكثر الكلمات عليه ... يعني في بداية التعليم ركز على كلمة وحده أو ثنتين عدة أيام .. قل له كلمة وحدة قصيرة يعني من ثلاث إلى أربع حروف مثل ( بابا ، مين ، سلام ، صوت القطو ( ميو ) ... يعني كلمات حتى نطقها على الطفل الصغير سهله فما بالك بالطير .

بس أهم شيء الصبر الصبر الصبر ... وطولت البال ..

تحياتي والله يوفقنا وإياك ...