الاكل طالب وطالبه

[ثلج مشوي]

أخواني الطلاب الكرام

اخواني يامن تكرفون ليل نهار تبون نسبه

عندنا موضوعن كويسن مرهـ

المهم تخيلو معي الحين يالله

انا العلماء الي اكتشفو المواد الي ندرسها

مجتمعين في برنامج

المهم جا إتصال من صاحب السمو الطالب الكريم

تابعو معنا وش قال صاحب السمو الطالب الكريم

طبعاً العلماء الموجودين هم علماء

الرياضيات

الفيزياء

الكيمياء

النحو


تابعو معنا ماذا حصل

::

::

مقدم البرنامج : معنا إتصال من صاحب السمو الطالب الكريم .. السلام عليكم ياصاحب السمو

الطالب : وعليكم السلام ياخي الحين انتم جالسين تبربرون هنيا

ولا تدرون وش القصة

عطني عطني علماء الفيزياء الي جمبك بالله
عالم فيزياء : هلا والله طال عمرك

الطالب : انت تعال تعال الحين الي معي نيوتن ولا انا غلطان ؟

عالم فيزياء ( نيوتن ) : اييه نعم ياطويل العمر معك نيوتن ملك الجاذبية

الطالب : جاذبيه تجذبك لجهنم قل آمين .. الحين انت يامال الغنيمة رجال جالس تحت شجرة طاحت عليك تفاحه ياخي ورى ماتاكلها وتحمد ربك وتسكت وتريح العالم ياخي .. جالس تقولي التفاحة ماطاحت فوق ليش ... انت مجنون مجنون انت .. وبعدين طاحت عليك التفاحه خلاص ياخي طلع قانون واحد وريحنا مسوي قلق لنا ياخي ومطلع كتاب كامل ياكلب الحين لعنبو بليسك انت ماعندك عيال ماتفكر بالأجيال القادمة الأجيال القادمة تعقدت منك ياخي ..!

نيوتن : ........................ ( يعني ساكت هع )

الطالب : عطني عطني عالم الرياضيات الي جمبك عطنياهـ .

عالم الرياضيات : مساك الله بالخير ياطويل العمر

الطالب : الحين انتم فهموني انتم خبلان ولا وش الحين الطلاسم الي حاطينها لنا ( جا - جتا - ظا - ظتا ) قلة الحيا هذي وش هاهـ وش فايدتها هذي .. مسويلي مثلثات ومدري ويش الله يزيلكم انتم ومثلثاتكم ياخي خافو ربكم ياخي والله عيب ياخي عيب
ياخي انتم تكبرون السالفة وهي قصيرهـ الرياضيات خلاص جمع طرح قسمة ضرب وخلاص وش قله الحياء هذي .. عطني عالمكم الكبير فيثاغورس عطنياهـ .

فيثاغورس : هلا والله ياطويل العمر

الطالب : هلا فيك الحين انت فتحت علينا بابن ماضنيت انه بينصك يوم انك تحط قانونك حق المثلث قائم الزاويه لييه قامت عليك القيامه بلا هاهـ ليه ؟ جاوبني ليه ؟

فيثاغورس : هذا العلم طال عمرك العلم ..!

الطالب : قل قسم .. هذا علم ..! والله احسبه بوفيه تبيع كبدهـ .. ادري انه علم
انا اقول وراك مسوي فيها ذيب وجالسلي تكتشف لييه هااهـ لييه

فيثاغورس : عشان طال عمرك نشغل مخنا

الطالب : شغلو عليك منشار ينشرك بلا .. ياخي وش دخلك في الناس يشغلون مخهم يطفونه يفصلونه انت وش عليك انت شغل مخك وبس ولا عليك من الناس ياخي والله العظيم جالسلي تبربر هنيه ولا تدري وش السالفة عطني عالم الكيمياء الي جمبك عطنياهـ .

عالم الكيمياء : هلا والله طال عمرك

الطالب : لاهلا ولا مسهلا ابسألك سؤال لو سمحت .. انت حمار ؟

عالم الكيمياء : لا وش دعوى طال عمرك

الطالب : الا حمار الحين انت وش هالقافة الي فيك مخليتك تشوف الذرة وش مكوناتها ومدري ويش .. احد شاكيلك ولا شي ياخي خل كل شي مكانه ياخي .. عطني عالمكم رذرفورد عطنياهـ

رذرفورد : هلا والله

الطالب : ياخي انت مريض ياخي ياخي خل الناس في حالها ياخي جالس تفتش الذرهـ وش مكوناتها وش عليك من الذرة ياخي انت بس تكتشف وحنا الي ناكلها ياخي حرام عليك ياخي .

رذرفورد : بس ياطويل العمر ...

الطالب : لاطويل عمر ولا قصير عمر لايكثر وعطني عالم النحو الي عندك سيبويه عطنيه

سيبويه : أهلاً وسهلاً بك ياصاحب السمو

الطالب : ويحك ياكلب ألحين انت يوم تسوي فيها ذئباً وضرغاماً وتجي تقولي وش الي ينصب المضارع وش الي يجزمه ومدري ويش لماذا هاهـ أخبرني لماذا هل سندخل الجنه ان عرفنا اين المضارع واين الماضي اجبني يافتى ؟

سيبويه : لا طبعاً ياصاحب السمو

الطالب : اجل مرهـ ثانيه تلايط ولا تسوي فيها ذيب .

مقدم البرنامج : بس ياطويل العمر انت يعني

الطالب : اقول انتم اظاهر ماتربيتو تبينا نربيكم بنربيكم جالسينلي هنا تبربرون ..

عالم ( عندهـ واسطه ) : لاياطويل العمر حنا متربين

الطالب : لاماتربيتو لو انكم متربين كان ماسويتو الي تسوونه .. الحين انتم جالسين فاضين وكل واحد يشر للثاني هاهـ ابوفلان نكتشف شي جديد يالله قدام .. وحنا الي ناكلها ياكلاب .

مقدم البرنامج : ياطويل العمر انت فاهم الموضوع غلط حنا راح نوضحلك ..

الطالب : طوط طوووط طوووط <<< سكر بوجيهم






منقول

[&رهــف&]

ههههههههههههه
والله فظيــــــــــــــــع هالطالب عجبني فيهم
بس اكثر شي سيبويه هذا ياكرهي لــه
مشكور على الموضوع ،،،

[sakura-san]

ههههههههههههههههههههه جاذبيه تجذب انشاءالله والله ضحكت عليه مووووووووت مشكوووووووووور اخويا

[ثلج مشوي]

المشاركة الأصلية كتبت بواسطة &رهــف&

ههههههههههههه
والله فظيــــــــــــــــع هالطالب عجبني فيهم
بس اكثر شي سيبويه هذا ياكرهي لــه
مشكور على الموضوع ،،،

هههههههههههههههههههههه
حتى انا ما اواطن سيبويه ونيوتن وفيثا غورس


شكرا على الرد الحلو

[ثلج مشوي]

المشاركة الأصلية كتبت بواسطة sakura-san

ههههههههههههههههههههه جاذبيه تجذب انشاءالله والله ضحكت عليه مووووووووت مشكوووووووووور اخويا

عفوااا

حتى انا اذا شفت الواحد مبصوت انبصط معاه

انشاء الله دوم هالضحكة

[عبووودي]

الطالب : جاذبيه تجذبك لجهنم قل آمين .. الحين انت يامال الغنيمة رجال جالس تحت شجرة طاحت عليك تفاحه ياخي ورى ماتاكلها وتحمد ربك وتسكت وتريح العالم ياخي .. جالس تقولي التفاحة ماطاحت فوق ليش ... انت مجنون مجنون انت .



طاااحت فوق



هههههههههههههههههههههههههههههههههههههههههههههههههههههههههههههه


وربي مت من الضحك


الله ياخذ ابلييييييييسك



مجنووون