اشترك في نشرتنا البريدية ليصلك كل جديد

يوسف ش س · 31-07-2006, 03:55 PM

السلام عليكم شباب بقيت احط صور من حوضي المتواضع ... وابي تعطوني السلبيات .. ..

واتمنى تعطوني صور او اسامي بعض الاسماك المناسبة لي لانة انا مبتداء ... ...

وانا بحط الصور لاكن اتمنى تقولون لي انواعها ...

لانه ماعرف ... وان شاءالله استفيد منك وايد
وشكرا ..

هاي الاصغار اي نوع ؟؟

اتمني تعطوني اقتراحاتكم . ... وان شاءالله اتفيدوني ..

اخوكم يوسف من البحرين

الدانه · 31-07-2006, 08:33 PM

هلا اخوي يوسف حياك الله معانا..
بنسبه للاسماك غولدن فيش و الباقي اممم مادري والله
و انصحك اذا تبي اسماك حركتها حلوه بالحوض .. اخذ تايغر برب مجموعه منهم اربع او اكثر

لانه مشاغبين و حركتهم حلووه راح يعجبونك.

يوسف ش س · 31-07-2006, 09:03 PM

جزاج الله الف خير ... انا عرفت اسامي كل الاسماك الي عندي بسبب تجولي في هاي المنتدي الرائع ... ..... الا سمك واحد جوفو الصورة الثالث .. .. اللون الفضي

على العموم انا مستانس في هاي المنتدي الرائع ..

الدانه · 31-07-2006, 09:38 PM

والله ماعرفت اميزها يمكن عشان الصوره مو واضحه ...

اخوي يوسف دامك من البحرين ..

اي المحلات اللي تتعامل معها و افضلها ..؟ خل استفيد يمكن في محل ماعرفه..

يوسف ش س · 31-07-2006, 11:51 PM

انا الله يسلمج ..لو ادلين حجيات او مدرسة الرفاع الثانوية من هناك في محلين واحد صوب النادي (ماعرف شنو اسمة ) وواحد بعد نفس المنطقة .. ... بس مب لهناك .. ... وان شاءالله باجر الثلاثاء باروح سوق الرفاع يقولون في هناك محل زين ...

بس الحين انا اسأل انتي مع اي محل تتعاملين حق ارووح عندهم اذا محل متميز .. ؟

الدانه · 31-07-2006, 11:58 PM

بنسبه لي وايد محلات يعني مافي محل معين .. امرهم كلهم كل فتره اشوف اذا في شي زين مميز وزين ..

و اكثر شي اللي في ام الحصم الفرات و الثاني اللي عند القهوه ناسيه اسمه و الله .. و عندك محل بمحرق و الثاني بعراد يبون كل فتره ,, بس مو دايمن.. و عندك بعد محل في المدينه عرش الطيور .. و اللي بالبديع ..

واللحين سمعت في محل يديد في توبلي .. ان شاء الله اسال وين يصير بضبط وامره

يوسف ش س · 01-08-2006, 12:05 AM

بووو ماشاءالله ... الله يزيدهم ... والله زين اذا جذي لج حوض مائي مميز .... .. والله لو تقدرين تحطين صور من الحوض حق نستفيد من ديكور الحوض ... ونجوف سمك الزينة الموجودة عندج

وو لو سمحتي لو تحددين اي صوب المحل الي في محرق الانة انا اروح اهناك كل اسبوع .. فيمكن امر عليه ..

الدانه · 01-08-2006, 12:14 AM

الله ايسلمك..

في صور وايد حق اسماكي بالمنتدى .. و هاذي اللنكات اذا حبيت اتشوفهم

http://www.2zoo.com/vb/showthread.php?t=8927

http://www.2zoo.com/vb/showthread.php?t=9221

http://www.2zoo.com/vb/showthread.php?t=9002

http://www.2zoo.com/vb/showthread.php?t=9222

http://www.2zoo.com/vb/showthread.php?t=9400

http://www.2zoo.com/vb/showthread.php?t=9398

اما بنسبه اللي بمحرق يصير وين و انت ياي من الحاله رايح محرق الشارع اللي فيه حلويات طارق تروح جدام على نفس الشارع ,, على يدك اليمين محل اسمه نيموو ,.. بس حاليا جنه ماعنده شي و قال بيب و اللي في عراد يصير اخر الشارع اللي فيه المطاعم على يدك اليسار..

يوسف ش س · 01-08-2006, 12:24 AM

ماشاءالله ....على الصور ..

وبنسبة حق المحل اعتقد اعرف وين حلويات طارق اعتقد يكون على نفس الشارع الي فية مطعم الفرن الساخن .... على العموم مشكورة ..

mina · 03-08-2006, 10:55 AM

اخي اسماك في الصورة الاولى هي الجولد فش والصورة الثانية الرينبو شارك